相集
由順利邨出發，走上清水灣道，對面就係日落脊
呢度係初級攀石場地天鷹石，四方形先來個初攀
過初級攀石場，上走一段，就係超級攀石場九月壁
九月壁呢幅崖好有氣勢，打晒攀石扣，可以玩攀登
係日落脊上望自殺崖，有窮凶極惡既感覺
日落脊好斜，隱約有路可跟，不過最好靠石上
因為草泥鬆散易滑，反而大石夠穩固
當你一路爬升，下面既一切就越黎越細
偶然有D石咀伸出黎，企係度影相冇得彈
(你睇我...差不多有成坐大廈咁大呀...)
沿山脊都係危崖，有膽量就可以影多多靚相
(不過要冒生命危險就唔好學四方形...)
不過可以坐係呢D地方睇風景就始終好正...
(你睇佢，張張都咁危，坐都坐得衰過人...)
又攀又爬，終於接近自殺崖(好有氣勢...)
呢舊係一舊奇石，有好多名(四方形又冒死探石...唉...)
(佢重衰...訓係度...不過睇黎佢似求救多D...)
總之都係一句，唔好學佢地，石下面係萬丈深淵
再行上少少，就到咗石崖上面既天然凌空觀景台
話就觀景台，下面都係深淵，而且要行出去都己經好危
呢度危崖處處，周圍都係影相取景既好地方
觀完景就要橫越呢個險脊，稍一不慎，就真係...
終於上到自殺崖頂喇，崖咀係呈一個三角形，有人話上到黎風景咁靚點會捨得自殺...
(四方形走上三角形，少D技術膽量都唔得呀...)
係自殺崖則面望過去，就會見到四方形係崖中
離開驚險既自殺崖，係頂脊向山頂進發
過咗山頂發射站，係山脊上面有一舊"蛇頭響石"
跟住就可以一路沿山脊經象山到東山，去到飛鵝山道走人
我地去大老坳，再沿衛徑第四段去蠔涌
回首頁
回主頁