2:00pm先至係中環出發，坐巴士到黃泥涌水塘公園，椰子係呢度等緊我地
去到陽明山莊，有班人向椰子揮手...^^
沿大潭水塘道去到大潭水塘，呢度風景唔錯，環境優美
跟住左轉入引水道塘邊小路，經過一絛由紫羅蘭東來既澗
沿引水道行，進入呢個渣畢山谷，風景一流
小路盡頭就已經係渣大石澗，一入澗就好闊落，唔錯
稍向前行就已經有一個好靚既流瀑，呢個就係渣大瀑
瀑左山邊可以上頂，不過右邊都可以爬上去
呢段河谷澗廊，有一個三角水潭阻道
另一特色就係呢個小小澗峽，好似北坑既小巫峽
再上都有環境唔錯既小流瀑
澗道中一個梯狀河床
開揚既澗道易行好走，流水亦不弱
好快就去到大潭水塘道，第一段完，精華遊都夠
第二段係郊遊點旁邊，有一條小木橋，就係上源入口
呢度就係狹窄既河廊區，兩邊泥牆既陰森澗道
好似走廊咁，冇大石既沙河，所以一定要涉水
原來呢度會有人非法捉野龜，不過龜就唔見，蠑螈就有
係河廊穿黎穿去，終於重見天日
澗再次開揚，不過水源已經減弱，著返鞋先
沿澗都係岩石河床，冇乜瀑壁
偶然一D高岩水域，如就水流夠多就唔錯
澗道都夠寬闊好行
背景就係陽明山莊
上源接入一條大石河區，同之前完全兩回事
D石真係好大舊，不過就唔及九管左坑，都有石孔石道
係石頂跳黎跳去，有張石梳化坐下休息
石景都唔錯，重可以欣賞呢個大潭山谷
穿過石河區就上接山脊，呢度可以更清楚見到陽明山莊
沿山脊有一條隱蔽徑直通上頂，就係呢度接入港島徑
右行兩步就己經係渣甸山頂，睇下風景唔錯
回首頁
回主頁