靈鰲既下游已經因為珠海大橋工程而填咗，入澗最好係鰲磡沙同上白泥之間既廈村鄉白泥公立學校
然後轉入上山既舊軍路，上白泥118-118A，係泥度向上行，可以接山路落澗
係車路分岔轉角位可以望見整條靈鰲河谷，呢度有山路行落澗
一落澗就已經發現有人係度游緊水
由於之前既雨水，令到河床積咗好多黃泥
此澗冇乜大潭，偶然既潭仔都算唔錯
唔郁D水都冇問題，一落水玩即刻混濁晒
電塔就係此澗既標記，沿住佢去，冇錯
呢條澗另一特色係佢D石，有好多好大舊，甚至係一整幅既花崗岩，呢度就係整幅既花崗岩小瀑
繼續上行，有一個石室小瀑，阿源係度修練
石頭巨大又係此澗另一特色，呢度就係神仙椅
要上神仙椅都唔易，旁邊就係石佈景
石佈景上既石頭都幾好玩，有石台石罅石潭石窿
稍向前行，又有小潭阻路
過小潭之後澗谷收窄成峽，澗勢上陡，黎到呢度，就出現較為似樣既高瀑
呢條高瀑係沿石壁橫斜咁流落黎，瀑下有潭
攀此瀑左右都可以，但右邊要小心，要橫越瀑水
此瀑崖壁其實全都係白色花崗岩，好濕滑又好特別，上到瀑頂影張相先啦
越瀑後路程尚遠，又發現一舊好玩大石，又攀又擒，又玩倒懸
行多一段上源平澗，又出現整幅既花崗岩石景
石質幾特別，水坑流過
前面又出現巨石一舊，但好平滑，爬唔倒
再上又有一堆石景
再上又有一堆石景，沒完沒了
尚有一大段沒完沒了，天黑喇，
係山脊上靈渡山，返落靈渡寺走人
回首頁
回主頁