去牛烏石澗，最直接可以係利安邨上山入澗
澗口右行至儲水池則，有路上可以到小水塘，或入澗
我地沿澗直上，初段都頗密林，跟住接上一條引水道
沿引水道爬上去，出口竟然係水塘既去水口，好精彩
呢個小水塘滴水全無，一年都唔知邊日會水滿
個水壩就好高，下面又冇水，行過都幾驚
水壩右邊可以落塘底，水塘盡頭就係牛烏石澗既澗壁
一開始就要攀爬，回望冇水既小水塘
澗壁頂有一個水潭，呢度係全澗最開揚既地方，之後就開始入林，一直上攀
初段仍算平緩，但就開始入林
之後就開始陡斜，要開始攀爬
下源都仍有流水小潭
暫時都重有水潭小瀑
稍為闊落既位置，重有巨石一舊
遇到一個潭瀑峽位，又要繞路上頂
沿途就係咁既絕壁危崖，九成既路途都係要左邊攀走山路先可以渡，林內又陰暗，影相都好難，大雨後應該有好精彩既瀑景
又係左邊壁上，如果大水可能行唔到
又係左繞越過峽位
試攀乾壁，但冇手腳位，失敗而回
又偶大壁崖，好有氣勢，得個睇字
雖然係繞山路，但都一樣要險攀越難
全程就係咁攀，上山邊路程重要小心落石
上到大概420m會接上雁谷迷徑，可以離澗
大休完繼續上源更加陡直既澗途
一壁又一壁，好在而家係乾澗
雖然上源更直，但反而壁崖位可以直攀而上
唔攀由自可，一攀幾乎冇得停
上源開揚好多，可以欣賞到山下面既風景
一直就係咁上攀，都有好多險位
尾段又入番林，如果細心D都可以跟絲帶行
最後會左移至馬尾脊山路，可以上牛押頂
馬尾脊東坡係一幅超陡斜坡，下臨無底
上到山頂可以自覓歸途，我地就行馬尾脊落山
回首頁
回主頁