相集
係荃灣坐小巴到城門水塘，行入主壩影番張相先
去到主壩中間有一條長梯直落到底，係壩內向外影張相先
條石級真係好直，望去下面就係美麗既雙城峽
堤壩係一幅傾斜既石牆，石牆外鋪晒石磚，呢個角度影過去都幾得意，扮蜘蛛俠...(快D影啦...失撐唔住...)
係第二層壩底既左面山壁邊，有一個排洪口，呢度都幾得意，不過小心落到上唔返來
一層又一層，落到壩底啦，影返過去大直梯，
嘩!幾有氣勢
峽底有另一個更大既渄洪口，重有鐵欄，越過排洪口，就會見到呢一幅巨大石崖，上面就係先前排洪口既出口
壩底有一個大潭，風景唔錯，但水質就...
開始沿澗下溯，出現一個深峽位
呢個深峽就係雙城峽最大既瀑布，景觀都幾壯觀，比起好多石澗都更靚，瀑下有深潭一個
用個高D既角度，可以清楚見到瀑布同靚潭
(我想跳落去游水呀...)
峽瀑對出又有一個大潭，潭中有一石，石上有一人
(佢傻架...^^)佢叫小帥
呢個重傻，竟然用滑水板係度玩水，佢叫阿源
去到城隧雙橋底喇，梗係要影張相啦(喂...落雨呀...)
回望番雙城峽，景色唔錯
再向前行就會遇到呢兩條輸水管橋
過此之後，已經唔算係石澗，粉紅雙妹係度等影相
平緩河谷，流水淙淙，綠草如茵，回望雙橋
沿河兩邊都會有D峽窄澗流，石崖壁位
又有一條，流水都唔錯
青青河邊草，兩個麻甩佬！(哈哈哈...好呷韻...^^)
(咦！？長征2號火箭基地...？)
(咦！？巴特隆神殿金字塔...？)
(咦！？鐵金鋼勇破海底城...？)
雙城峽到下城門水塘一段，係一個平原河谷，好有外國feel
粉紅雙妹，原來係"裂土女神"，行過既地都裂開
呢度就係下城門水塘，(果個倒碗係乜傢伙...?)
環境都唔錯既下門水塘，影番張合照先
下城門水塘既堤壩唔係鋪石磚，而係種草，重係好靚既草地添，串燒三兄弟一見到，即刻係上面係咁碌，好攪笑；沿壩右有路落返車路走人
回首頁
回主頁