要探遊水城劍閣，就要綑海邊去，由水口村出發，可由水口灣開始，但因為水漲，我地就由籮箕灣開始
沿鳳徑行去籮箕灣會見山頂有一奇石，叫"尖雞石"
曾經闖叢探遊，有好多荊棘，石高約8m不能攀爬，
而其下並唔係連接地下...奇
好快就去到籮箕灣，呢度一個唔錯既露營地點
係籮箕灣開始綑邊，一開始就有好多大大細細既石景
嶼西海域比較平靜，水口半島對出就係索罟群島
行咗一段，回望石堆群，原來左邊有個鯊魚頭
水口半島海岸真係有好多大大小小既石頭，你有想像力就可以搵到唔同形態既石景，呢舊係其中一塊裂岩
呢一組石就係骨牌石，好似骨牌咁棟係度
海岸巨岩重重，四圍都係高塔石隙，石孔石洞，人身處其中變得好渺小；旁邊個舊巨石就好似"尖雞石"咁棟咗係度
佢地緊上去果舊係"僧人石"
上到僧人石既"膊頭"，係石峽望番出海去灣
前面又有一石咀，遠觀就見人面石，石廣場就係果度
石廣場上面就係好出名既連環孔，石上面四個石孔，好似人樣，你鐘意點穿都得(我諗遲D會有五孔六孔出現...)
過石廣場，由山脊至海上，都係奇形怪狀既巨石
回望巨石灣，石兔，石龜，石魚，石猴乜都有，自己搵啦
過巨石灣，海岸唔再係石堆，而係一幅大岩坡
係大岩坡附近要越過一條海蝕溝，唔簡單；之後就會出現"君臨天下，氣勢吞天"既石崖海蝕峽谷--水城。因為同前景截然不同，所以會覺得呢個峽好有氣勢，峽近山處有一度刀削深溝，水滴成潭，氣象萬千
水漲時可以係深溝外壁攀壁而過，水退就可以輕鬆從壁下過關；過關後回望"水城"，真係好壯觀，好靚好有氣勢
雖然處處崖壁，但尚算可攀可爬(走咗去爬石門...)
過石門，岩崖下斷，稍前一望，就係氣勢天成既"劍閣"，劍閣冇先前"水城"咁壯闊，但絕壁之勢就尤過之前
再者要過此峽一D都唔簡單，要攝罅攀崖，步步
為營，劍閣天成，崖壁石紋石咀石牆都好有特色
係黃山蓮花峰上有一石景叫"鰲魚背金龜"，而過咗水城劍閣之後，就有呢個"金龜背鰲魚"既石景
(當然呢個都係各花入各眼...^^)
不過此石景，實在好似一隻露鳥企係石頂
離開城崖區，變返巨石嶙峋既地方，呢座係"層層疊"石塔
再黎一個巨岩擋路，又要小心翼翼爬黎爬去
當綑到去塘福廟灣，海岸會出現一白一紅兩種岩石，而最奇就係呢舊"鸚鵡石"(向岸上睇，若向海方向睇，就會係一條大蜥蝪
回首頁
回主頁