入澗可由大欖進入大欖涌水塘主壩，再走挑坑峒方向
沿車路走至呢個分岔路，就可以左入落澗
此為深井聚水塘引水而來的一條地龍，記得第一屆雷利就係行呢條地龍
就係呢個位落澗，此處至水塘一段未層走過，有興趣可以落去睇下，此澗下源闊大唔錯
上溯此澗，澗道開揚易走，比圓墩西坑大
前走冇耐，就見左右分源，右為主源，左源可一探
澗道寬大，間中都有水潭阻途
石澗進入狹峽，係呢度有塊指示牌，被棄於此
澗峽巨壁上陡，出現一個廣闊既瀑景
瀑分兩層，下承一個小潭
過第一瀑後，行前少少，就出現呢條澗既主瀑潭，更闊更大既瀑景
此瀑流態優美又有氣勢，如果唔係澗景太少，睇怕都可以入大澗系列
可惜值冬季，如果唔係可以係到游水
可以係瀑右上攀此瀑壁，上層都係一個斜壁
回望此澗潭瀑，真係唔錯
另一個角度，流瀑水潭都真係好靚
一上到瀑壁頂就己經係大欖涌水塘車路
過車路一段，澗仍然闊落
不過上源雖然有唔少水，但就收窄入平源河谷
林木茂密，唔太可行，都係回頭走人
離開有幾路可選，除你喜歡
回首頁
回主頁