青龍頭村，豪景花園起步，沿車路向山上行
就會望見圓墩引水道的白橋，經常係屯門公路望見
上到引水道沿左行，呢個位置欣賞屯門公路，唔錯
圓墩白橋，都係一個靚景點
橋頭有小路上圓墩
沿引水道行，見最大既澗口就係圓墩坑
要提一提就係圓墩坑下壁，因為屯門公路阻途，唔係咁易可以係下面上黎，之前跟曉峰行過一次，如果有時間可以由引水道落黎望下都唔錯
一入澗就要爬壁，雖然唔算高，都有得玩下
跟住係梯級形既澗道，旁邊有圍牆
澗道都算開揚易行，層層流水都唔錯
呢度就係左右分源位置，左澗極密林，右澗為正源較大
原澗都幾斜，一路都要向上攀行
澗道不算太闊，小潭小瀑都有
又發現路邊有靚靚野蘭花
終於有大瀑出現，瀑分兩層，瀑下水潭一個
瀑頂回望水潭，都可以係度玩水，可惜太凍
係狹窄短流有咁樣既一個瀑都算唔錯
未完架，瀑頂以上再有兩層疊瀑
比先前個更大，不過就冇水潭
上到瀑頂景觀開揚，可以眺望豪景花園同大嶼山
瀑頂以後，即刻有小橋出路，再去係己經冇野睇
離澗沿澗左方向上山，好快就接入"煤氣路"
乜野叫"煤氣路"，就係下面鋪咗煤氣管既路囉
上到桃坑峒山脊己經日落喇，好靚...繼續去桃坑峒西坑
回首頁
回主頁