相集	越野雄心-- 象額-象門		行程
象額，位於馬鞍山馬頭峰東面，靈象脊象鼻以上一個山丘。象額以下之地，全為企壁直崖的險地，然象額與馬頭峰崖壁之間，竟有一門可通，是為象門，一般探遊會在麥徑移上攀，今次下降，尤為驚險。 30/12/04
放大。馬鞍山馬頭峰。象額象門位置圖		我地行靈象脊上到馬頭峰，背景就係彎曲山大金鐘
時間尚可，所以決定沿東脊下降象額		脊邊位置就已經係危崖絕壁，下面就係麥徑第四段
呢條脊一D都唔易行，有路徑但好崎嶇		呢個就係象額山頭，右邊突崖就係象門所在
到象額山頭之前，就會經過象門		四方形膽生毛，危坐象門崖上突石
四方形同阿成扮門神，各守一邊		象門下臨無底，下望空蕩蕩，企係豬頭石就腳都軟埋
係象額環視完周圍既風景同情況，就開始下降深淵象門		直削斜坡，要靠草石而行，上望象門，豬頭變野豬
下降要極度小心，一失足都唔知係邊度先會停低		直削草坡之後係一幅石崖，本來上攀還可以，而家要落就要更加小心奕奕
落完石崖又接草坡，碎石浮沙，步步驚心		草坡之後又接一崖，好在呢幅崖有大樹相助，慢移脫險
過石崖之後坡度稍緩，可以欣賞下象門深處既景物。呢個位置，直落就係彌天棧道，向右入樹叢就係崖邊樹帶棧道		橫移樹帶棧道，係樹叢內感覺好安全
但其實身處危崖絕壁之間，望去象額脊，極險		稍為空曠D，就見到身處危崖絕地
樹帶之後，會進入一段只有草坡既地帶		草帶棧道冇晒樹，當然就危險好多啦...
名符其實既一條懸崖棧道，又要好小心		沿草帶下降，前面就係荊棘石河
荊棘石河其實係大洞石澗既上源，有機會會再行		係荊棘石河回望草帶棧道，真係好險
荊棘石河以上全都係危崖絕壁，呢度真精彩		石河以下就係神密河谷，入面都幾難見天
繼續橫移，就可以穿過短竹林接番麥徑大路回程		後記：好耐以前就己經想一探靈象呢個既險且秘之地，今次一遊，的而且確係又險又秘...，但因歷年都有旅行隊探遊，所以山路都可通可走，不過靈象始終屬於危險神秘之境，探遊最好有有經驗之的帶隊。 回首頁 回主頁