越野雄心-- 大嶼東北花坪		行程
大嶼東北的花坪石--位於大嶼山東北角花坪灣對上山頭，許久以前也曾到訪，以前花坪灣為一條廢村，今日卻成了一個私人泳灘 19/11/04(半天)
到大嶼山東北角行山，可以係青馬轉車站起步，不過一般黎講轉車站附近好多都係禁區，所以可能會比人阻止你周圍行		沿馬路去到橋頭，有小路可通向二轉，三轉
嗱...寫到明，不過好在我地係闖出，唔係入		出咗閘之後，山邊有一條好靚既水泥路，一直可以行到草灣，如果唔用咁既方法黎，可以先到馬灣，壐係馬灣坐街渡去草灣都得
呢度就係今日既草灣碼頭，又大又新淨 (喂...做乜我地唔搭船黎...)		呢個就係草灣同舊碼頭，草灣而家重有人係到住，左上角己經見到花坪石
呢個係花坪灣好靚既新碼頭，不過由草灣過黎就好唔方便，一係係草灣廢村後覓路，一係就綑邊		花坪灣，不過已經比地產賣起咗，重改名叫藍鯨灣；個灘改建得好靚，不過就少咗一份自然味道
嘩...，睇下幾有外國既陽光海灘feel		由花坪灣上山，山路開得好清楚，直指花坪石
唔同既角度睇花坪石都有唔同形狀，幾得意		花坪石隔離都有D石景，重可以欣賞花坪灣
呢個角度既花坪灣就最正，背景係海，重可以望見港島		花坪石以前就好出名，而家好似少咗人到，昔日花坪
花坪石再上，都有D石景玩下		跟住沿山路上，可以到花坪頂，高273m，整個山頭都係矮草叢，唔難行
記得一路行一路回頭欣賞呢個花坪海岸，天氣既話，近既青衣，遠既港島都清楚睇到，風景唔錯，重有一舊獨特既花坪石
山路邊又有一舊大岩石，可以爬上去玩下		山上有一個平原地帶，以前係耕地，而家生滿長草
一路行，望到竹篙喇，好大既狄士尼樂園呀		時值黃昏，今日天氣好，層層山巒，遠至鳳凰山都睇到
到大陰頂，山邊又有石景玩下		大陰頂睇日落都唔錯，前面陰澳灣，靚
呢帶山頭，都只係有幾舊大石睇下		落山，呢到叫昂船坳，通去竹篙灣既車路已經通車
繼續沿車路返到青馬轉車站走人		回首頁 回主頁