係榕樹澳望去馬夾崙，中間坳位就係馬夾崙坑
其中回音第一壁已好清楚見到，呢個石峰一D都唔易行
係引水道榕北走廊入口，第一個水閘就係馬夾崙坑
過水壩就進入呢個地府般既林區
未有雨水，乾坑一條，好窄既坑道
林區以後有幾個開揚既石壁位，都唔錯
跟住又再次進入地府林區...好在唔使行好耐
到咗回音三壁既第一壁，先要上第一層
第二層就係全澗精華所在，好有氣勢
因為乾坑，瀑布冇水，我地分左中右三路上攀
肥叉第一個爬咗上去，身處一個險位，阿同跟住，
阿同到咗險位，結果...失手下墮...@@
阿成爬中線，阿源右線，呢個瀑峽兩邊都係直壁，
好有壓迫力，阿同出事後，羅源困咗好耐先上到去
好在阿同運用貼石法下墮...^^，只係受皮外傷，真係感謝神呀...，經包扎之後...再上
今次由左外壁上，好似仲難，不過可以接山路上頂
羅源終於上到頂喇，回望呢瀑峽，真係好有氣勢，遠處就係榕樹澳村
再上第三層壁，唔太難
回音第二壁係個林裏面，唔可以正攀
如果唔係有樹林，應該都幾靚
回音第三壁，都冇乜特別
之後一路都林區，大概上到200幾米，就要留意右邊山脊，有帶引路，離澗向馬夾崙上行，就會去到馬夾崙石河
呢條石河又碎又鬆，好在有草抓住，小心落石
沿石河上，又進入林區，可以靠樹而上
當石河收窄，兩邊都係石壁
兩邊收狹成門，就好似南天門咁，係兩壁之間通過
去到三面環壁，呢度就係奇峰馬夾崙既奇處，馬夾崙隙，係呢到一定要攀壁上去，而壁石碎裂好危險，比起回音壁仲加要小心
每步都先試石，如果唔係，會變人球
一步一步，真係膽戰心驚真呀...阿同
下望馬夾崙隙底，唔講得笑...
終於都平安上到馬夾崙峰頂喇
馬夾崙由一條裂隙分開前後兩峰，對出都係石崖
離開馬夾崙，向雞公山進發，有山路上頂
到雞公山頂，發現支標高爛咗...前排仲好地地
回首頁
回主頁