大城第二段出發，先由虎踨徑第二段入口龍泉谷
向前行少少，呢舊豬咁既石前面就禾秧坑入口
呢度就龍泉谷，環境好靚好清靜
大鳥石，第二段係大城既精華，潭瀑都好精彩
經過王母瀑，冬天水量都唔錯
第二段既靚瀑，就算唔可以玩水都值得欣賞
去到第二段尾段，另一個支源既匯水處
到咗肥佬麥，第二段出口，四方形係度等我地
開始大城第三段路程，依然有潭有瀑
一條竹林通道，潭水翠綠好靚
流水竹葉清幽，澗途尚算易走
發現一隻好奇怪既果實，生滿尖刺
黎到呢個位置，澗道雙分，右為北源，左邊就係西南坑
西南坑入口較為林蔭
不過尚有水潭流瀑，環境清幽美麗
不過澗道好快就進入高斜陡直之勢
西南坑既一個連環壁瀑，瀑分幾層
右邊可以上攀，呢條瀑布好靚
上到上層回望，中間有一個靚潭，成個澗谷都好靚
最後一層要係瀑底向左橫移先可以上頂
過壁瀑一段，又要入一陣林
不過樹高澗闊，而且一路都有流瀑小潭相伴
所以一路都可以開心咁爬
林段之後，又接一段高陡壁瀑位
呢段壁瀑分兩層，都好高，幾險
呢段有D似大圓既飛猿峽，石壁左面有石罅可以爬上上層，又或者正面攀上，但最高一層就要考你膽量同技巧，真係唔易
完成呢段就接近尾聲，又上一層瀑，入林再走一段
同樣林道夠高，而且仍有瀑布睇
最後可以去到一個小堤壩，西南坑就係度結束
小堤右邊就有梯級離澗上山，輕鬆走人
我地諗住行一行觀音山，所以上大帽頂去北脊落山
呢邊山脊唔止有石景，重有好多舊梯田，好靚
係高山上面，竟然有條水泥小路
到咗觀音頂，有個好精彩既石崖，其實呢度係唔比白撞
因為係嘉道理農場範圍，而5:00就關門，我地要趕落山，不過途中又見到黃麖，又見到野豬一群，重有勁巨型既金毛狗...結果趕唔切落山...^^
回首頁
回主頁