越野雄心--蝴蝶坑(深井坑)
相集 越野雄心-- 蝴蝶坑(深井坑) 行程
蝴蝶坑(深井坑)，上源石龍拱西面山脊流入深井，下源本無甚景觀，再加上大欖隧道的建成，更令下源失色，探遊可以直接由引水道進入上源作精華遊。18/07/04

係荃灣地鐵站坐96m專線，到汀九落車就可以直接行上引水道
到引水道向左行，好快就到石龍坑既首瀑

再繼續前行，去到深井坑谷，向山上望去("白玉觀音"呀...)，其實係一塊天然花崗岩
白玉觀音係蝴蝶坑入口標記，前兩日打風，今日蝴蝶坑既流水充沛

入澗冇耐，眼前就出現一條流態美麗既巨瀑，人稱觀音瀑(因為係白玉觀音下面)，但我覺得呢個名唔好聽，既然係蝴蝶坑，就叫番做蝴蝶瀑啦
蝴蝶瀑流勢雖不及石龍，但流態就靚過佢

左右都可以攀上去，右邊較易，上到瀑頂可以見到左源都有一道流瀑
瀑頂行入少少，又有一條大瀑加水潭，
潭水可游，大瀑可攀，好舒服

此瀑右壁充滿手位，可以直攀上瀑頂
唔攀瀑可以係瀑左有山路上頂
瀑頂之後又一大潭，叫一休潭(都幾怪...)，一休潭係此澗最大既，可以係度游水，潭上係一條人字雙分既小瀑；如果去探白玉觀音，可以係左邊覓路沿山脊橫移過去，不過會遠離澗道

小瀑之後係一條坑道形既水道
跟住進入一段狹廊澗道，其中的瀑要涉水先可見

澗道藏係樹林裏面，又收窄成一條狹峽澗道，如果唔涉水，就要走右邊山路前進，但狹流盡處蔵有一個高瀑
就係呢個瀑喇，都好有氣勢

澗道繼續上陡，所以一路都有小瀑小潭，一時攀左，一時右
呢度澗源雙分，形成呢個雙源峽瀑

陰暗間谷，前面突然又出一景
一條貌似龍髯既高瀑，環境好靚

係右邊攀上瀑後，接住都係一瀑一瀑
直到上埋呢個小瀑，澗道收窄，已經去到上源位置，坑澗成溪，可以係左邊覓路入荒田離澗

於是你就會一路比D咁大隻既蜘蛛阻路
(係荒田廢村處，發現阿公阿婆係度燒水...)
呢個爐灶保持得好新淨

離開廢村，沿山路南行去石龍飛瀑
(己經見到石龍飛瀑喇...)
立刻沿山路到瀑頂，係呢度可以眺望汀九青馬
(重可以望埋屯門公路呀...)

繼續沿落石龍瀑底，欣賞呢個出名既飛瀑
又咁大水，梗係要浸浸水，沖沖瀑啦...

賞完繼續上路，係呢個位置可以以正面欣賞石龍
又可以以則面，欣賞汀九青馬...好靚

最後係接番引水道石龍個入口，原來呢度有路落返黎		 石龍坑


回首頁


回主頁