越野雄心-- 小冷溪		行程
小冷溪，位於青山西南面小冷水，上源大冷水谷地，澗道開揚易走，尚有小潭小瀑可供遊玩，上源則較狹窄。08/06/04
一行十幾人，今日雖然同傑仔一齊出發，不過高手即係高手，一入澗就快步走咗去，犀利		小冷溪既入澗位係青山灣漁民墳場則邊，係屯門市中心坐K52巴士去到水泥廠之前落車就可以
落澗位就污糟D，不過一到澗都幾闊幾開揚，水質都唔錯，而且唔係沙澗，有石有瀑		石質都唔錯，澗勢亦唔會平緩
你睇，一黎就一幅巨石壁，不過並唔斜，好玩易行		石白水潔，要玩難度可以學小帥--爬瀑(佢傻架...)
稍前行，有一小瀑水潭，即刻跳落去玩水，唔好錯過呢個潭，算係此澗最大既一個喇		玩完水前行，就遇上全澗最大既瀑，可惜水勢未夠勁
之後係石坡上又有小瀑小潭，都可以玩下水		過石坡後，中段澗道係平源區，澗道收窄平緩
澗中稍為大個D既水潭，又黎一個大嬉水，消暑呀...		玩完又行，平緩中搵一D樂趣，D水幾清
遇有大石斜台，都可以成為景點，過此石之後就進入狹窄澗道		狹澗稍為多樹，不過都偶有佳潭
走完狹澗，澗道開始上陡，水源減少		一路爬壁上坡，雖斜但並唔難行
上到山坳，已經可以離澗，係澗左登山，向大冷水方進發，山頭上有一巨疊石，立刻走上去		青山以西既一帶山頭地形都好複雜，又冇名，如果唔熟路都好難行，又見對面山頭有一巨石壓頂，順路走去遊一遊
呢一帶地形，都好多呢D沖蝕峽谷山崖		呢個山頭冇名，只見有一舊大石係山頂，都幾有氣勢
上到呢個山頭，梗係要影番張相，後面遠處就係青山喇		又見一山頭大石滿佈，佢地話要影"時裝廣告相"wor...
望見"花香爐"，左行可以落龍鼓灘南朗，右落可以繼續大冷溪之旅		回首頁 回主頁