越野雄心-- 鎖羅盆 行程
藍鳥行動--2002年暑假的歷奇義工訓練計劃,鎖羅盆係其中一次既歷奇訓練;鎖羅盆位於新界東北,係條荒廢既村落,充滿原始氣息既大自然。 27/07/02

係粉嶺火車站坐56k專線,鹿頸總站落車,沿沙頭角海邊家樂徑行入雞谷樹下,就會去到呢個海灣燒烤地點

一般路線由鹿頸經荔枝窩到烏蛟騰,都唔會去鎖羅盆;
我地今次就係鹿頸-荔枝窩-鎖羅盆繞一圈

一直沿海邊行,經過鳳坑,都係又好行風景又唔錯既海邊小路(喂!落雨啦!)

繞過幾個海灣,就黎到谷埔,其實呢到幾條村都有D基圍水閘同海堤,環境真係好寧靜

由谷埔開始入村轉上山路,向分水坳進發

過分水坳,面向印洲塘落荔枝窩

去到荔枝窩,村內尚有人住,而且有汽水賣,荔枝窩好出名,有"鶴山寺""古炮""老榕樹""通心樹""漁籐樹林""紅樹林"等等...,總之好多野

呢度就係"協天宮"同"鶴山寺",前面有一大片空地,我地就係呢度休息,同埋比組員玩歷奇遊戲,呼吸一下大自然既氣息--牛屎

玩完,休息完,梗係要影張合照啦(笑....)

繼續行,北上沿海岸公園走,可以見到吉澳

下面就係鎖羅盆,紅樹林、基圍、海堤、海灣、小碼頭所組成既一個風景

到鎖羅盆海堤,左行可以入廢村上山路榕樹坳,廢村古木參天,林蔭蔽日,簡直就係原始森林;右行可以沿海綑邊,近賞吉澳海,鴨洲既風光

到左榕樹坳海堤,呢D地方已經荒廢到不得了

離開榕樹坳,經亞公灣,可以望見沙頭角既建設

最後就落番海岸,沿海岸線行回谷埔回程
後記:新界東北有好多古村,大多都己經荒廢有人住,沿海岸線其實有好多值得探遊既野,無論生態定古跡,不過就要小心狗隻,尤其谷埔一段,大大話話有成廿隻,當你經過既時候,就一定要保持鎮定,千祈唔好跑呀!
回首頁


回主頁