係鰂魚湖入澗，營地後方有個小水壩
水壩之上一個小湖，要過就要涉水
前行一段，好快就去到北潭路第一度橋底
穿過橋底，石澗濶而多大石石坡
跟住都係一大段坦途易行，間中有D小水潭
去到其中一個水泥小堤
呢段就比較多樹，但都易行
之後，就係一個開揚而廣闊既澗峽位
呢段好靚，有中小瀑可以玩水
繼續去，都係平緩易行既澗途
黎到全澗最闊既河谷位置，連續有兩大潭係到
過第一潭左右都可以，但都幾巧功夫
第二個潭最正，一個長峽形既深潭
好深水，係到大休玩，結果跳水跌咗眼鏡...>
繼續上路，過水潭後一段水流
又遇水潭阻路，要繞邊涉水先可行
跟住又係一段平緩澗道
石澗夠闊開揚，易行景唔錯
左邊上面，就係北潭路
澗中偶然都有幾舊大石
去到一段斜石坡位，有個似樣D既瀑啦
呢個瀑都唔錯，不過可能承上儲水池，水質好差
瀑頂仍可再去，澗中有潭同開始入林
不過精華到此，我地係左邊小坡抄上車路
沿北潭路返返落營地，完成精華遊
回首頁
回攀澗篇