同青龍一樣，係散石灣落車，行返轉頭入澗
南龍就係女青年會營地隔離，唔會行錯
第一段都有D小潭既，不過唔行都冇乜損失
去鳳徑引水道，有水泥小路入壩
冬日冇乜水，可以就咁跳落去
第二段澗途，比第一段好好多，至少闊D大D
終於有個小瀑喇，而且開揚咗少少
水潭都有，不過就好細，呢條澗好少絲帶，咁就知唔係好多人黎遊
呢度算係好開揚既一個靚位
偶然有D咁既壁瀑就好開心，可以玩下
去到中源好少少，有比較多既潭瀑出現
而且澗道上陡，有高D既石崖石壁流瀑
跟住就進入瀑布峽，真係一個狹峽，左邊一幅直壁
其實同青龍有D相似，中游大部份時間都係林裏面，不過就遠不及青龍精彩，到咗山腰植林徑，唔好離澗，精彩野係上源
先經一段大石乾澗
上陡既澗道，好快就有得攀
雖然冇水，但此峽比先前個瀑布峽更有氣勢
再向前行就會去到一幅連橫巨壁，將整條澗道截斷
由呢度開始，就要小心上攀，我先向左探
到處石崖石塔，四方形正面突破，好危險
而阿成同肥Pe就係右邊險脊上，石塔好似一個鐵甲人
係阿成右邊險脊個邊，望返崖壁澗谷
係600m望出去，就可以望見貝澳同300m既老人山
又望去阿成個邊，見到佢地慢慢上移，險
我同四方形就繼續沿澗谷上，己經見到鴨仔石
而阿成就走咗上險脊上一舊險石，真險上加險
呢個懸空石台，睇景就真係冇得彈
終於上到鴨仔石，好似好似
離開澗谷上山，山脊唔止直，仲好多碎石
呢邊山脊有好多一組組既石塔，幾精彩
一個壺咀石，要唔怕死個D人先敢企上去
另一邊個石塔，你話似唔似隻兔仔
鷹咀石，下望風景好靚
幾堆疊石，玩跳崖
好清朗既天色，真係隨便搵舊石影都靚，過呢個石塔就可以接返大東鳳徑走人
再試行大東北脊落石獅山禾寮墩回程
