越野雄心 -- 石馬獅山		行程
石馬，位於獅子山東南的山脊，即獅尾險脊右旁的隱脊，石馬本身為一天然石塔，因為外形酷似一隻馬頭，所以稱為石馬，石馬脊也屬險脊，探遊也要小心。 28/12/04(半天)
其實石馬並唔難搵，係黃大仙一帶都可以望見		下就食完飯，三點係黃大仙出發
今日天氣突然轉冷，索性行沙田坳道上法藏寺熱身		過法藏寺之後，係封咗既車路入去，就可以去到石馬脊
車路盡頭左轉入小路，去到石礦場，可以望見石馬		舊礦場生滿長草，記住要係右邊上山，沿途都有絲帶小路，之後就會去到呢度，第二個石礦場，石壁石崖好有氣勢，右崖上面就係石馬
見到呢幅崖，不期然就走咗上去玩...^^		當然上唔到啦，又係行右邊脊上山，今次係沿崖邊而行
石馬脊一D都唔易行，沿路有D石台石景，可以眺望飛鵝		山路偶然重要抄上石坡，不過就有好多樹撐住
上到石馬之前，開始有石崖石壁出現，呢度要離開林徑走上石坡，石坡上有條天然棧道橫移一層再上		石坡都幾斜架，爬上呢一段都唔可以大意
正當爬上石坡之際，發現左邊有坐石塔好型，石塔傾斜成崖，要小心橫移上攀，好驚佢會倒塌		一輪膽戰心驚既掙扎，終於上到頂喇
係石塔回望上石馬既斜石坡，其實都好險		沿石塔既脊上，都重有好多石，不過就極之大風
終於都到石馬啦，石馬主要由三舊大石組成		留心睇就見到石馬頭上寫住..."氣正地天"...^^
上完馬頭影相，走落去馬咀，隻馬都幾樣衰...		正面望下隻馬，點知似駱駝多過似馬...
寒流加上大風，原來得6度咋...~~		另一個角度，石馬望飛鵝
呢隻原來係斷頭馬，馬頸係斷開既...		探完石馬繼續上，又有另一組大石
係上面回望石馬頂，真係幾有氣勢，不過大風到唔可以企起身		石馬頂上望果堆大石，同樣咁有氣勢
行原石馬脊，上到傻人塔，就接番獅尾脊		此時飛鵝一景真係令人一看難忘
獅尾脊都屬險脊...處處懸崖...		上到獅子山就係危險警告牌
呢個時候，發現火山爆發，睇到目定口呆...^^		上親黎獅子山頂，都梗係日落時份...
太過凍啦，最好可以坐飛機走人...^^		回首頁 回主頁