舊年水枯季節行過九管右坑，冇水就梗係差D。左邊係九管左坑，下源係一條巨石河，好精彩，而右坑精彩處就係右源既一個石崖瀑；而右源頂仲有一堆精彩石景玩
右源呢個石崖飛瀑，遠自屯門公路都望見
呢到就係九管右坑石澗谷源
九管右坑入口，麥徑標距柱M191
今次特登等大水一探，坑雖細但一D都唔弱
入澗初段都有一堆大石，呢舊就最有特色
話就細坑一條，都有個小潭可浸，水又清
而且流瀑都唔錯，大水真好
呢個石坡瀑布，係屯門公路望見既最低一瀑
一個瀑峽，梗要沖個瀑布涼...^^
望去左邊山脊，幾組疊石，好正
繼續上，一舊石好似拱門咁係澗上
捐過去後面就係一個小瀑
之後一條石坡長瀑，又有一舊大石後石坡上面
呢條長斜瀑，就係屯門公路望見既第二瀑
瀑頂可以望見黃金海岸，不過呢到會過咗右源入口
其實右源入口就係長斜瀑右，呢舊茶壼石下面
穿過草堆，就見右源既中瀑
上到瀑頂，回望茶壼石，冇辦法過去
瀑頂位置，有一舊好似藏龍既鬼頭石
呢個就係澗頂既一個小潭，都可以浸下水
跟住一段就慘喇，巨石封途要左繞山邊上，又入林
又斜，澗又唔明，總之穿林穿石
穿過林區，就已經係右源飛瀑底
去到瀑底，其實並唔係好似係山腳望見咁直，石坡飛瀑分兩段，下段尚可一攀，上段就好危
剷完林一身污糟，淋個瀑先
石坡瀑回望山下面風光
再高角度D，下面就係黃金海岸掃管笏一帶
呢度係飛瀑中間，一段斷裂既石頭
之後就係上段既飛瀑，又直又危
陽光照落飛瀑，好靚但上唔到
可以係左右石坡抄上去，上到一半回望條澗
呢度係飛瀑右邊一個石台，欣賞風景一流
繼續上瀑頂，右邊石坡好易上
望過去九徑南脊一大堆石景，上次都冇玩到
上到飛瀑頂，精彩未完，又黎一條流瀑
呢條流瀑都唔弱，好玩又可以正攀
因為山勢陡直，所以跟住都係一連串流瀑
中間又有一個大石台可以睇風景
一路都係中小瀑，離澗走咗去九管左坑既出澗位
山上好多大石玩，不過入黑又得一個人
都係落山，中途回望九管三澗，九徑南脊同下面一條白線就係右坑右源既飛瀑
回首頁
回首頁