今次行程係探路，先行九徑北坑，上虎峽谷徑落老虎坑再上其中一條左源2，最後落丹桂右坑，都幾好玩
由虎峽谷徑去到老虎坑邊就可以落澗，因為老虎坑左源有好多條，我地先選第二條黎行
先落老虎坑，澗闊易行
老虎坑都唔錯，雖冇奇景大瀑，但比起南龍呢D悶途澗道，行得開心好多
呢到就係老虎坑中游較為靚既一個流水瀑位，而第二條左源既位置，係呢個瀑上行少少就到
左源入澗位，都幾密下
一入澗就有一個乾瀑，如果有水會好D
係對面虎峽谷徑望番過黎，坑右有一把石斧
呢條坑好玩之處，就係呢個坑峽
坑峽好似九徑西坑既坑峽一樣，好狹
當然要爬上去有梗有少少難度啦，見Bonnie咁危就知唔容易...^^
到Kelvin表演喇
咁好玩，影多張相先啦
坑峽盡頭，係咪好似九徑西坑呢
上到坑峽頂，回望老虎坑澗谷
原來坑峽頂上面仲有一少段
不過之後既坑源就冇野好行，又密又窄
結果係坑左抄路上北脊，上到頂開心到飛起
沿北脊向北行，望見天水圍，下面就係洪水坑水塘
跟住由丹桂右坑源頂直接抄路落澗，密到死
但條線先前有人行過，冇咁辛苦
落咗一大段密草林，偶然都有D大石壁位
終於都到較為闊落既澗道喇，好多大石
途經一潭，竟然有條獨木橋到
發現山脊上面有一塊奇石台，抄林都要上去
呢一舊奇石台，應該係呢條澗最有特色一景
係石台上面，下望丹桂左坑既坑谷
玩完奇石台，落返坑澗，越落越闊喇
澗途冇乜壁崖，但有大石幾舊可玩
又一舊大大舊既石台
接近下源，就有D高台瀑位，可惜細水
另一個崖峽瀑潭，景色都唔錯
下源係一條石坡坑道，好易行
下源入澗位，好似桃坑峒西坑咁，一出就係車路
源流入洪水坑水塘，所以丹桂坑又可以叫做洪水坑，除你喜歡，沿車路左行出返堤壩，係壩前有山路返出丹桂村
回首頁
石澗總覽