處身大澳望去獅山象山，就可以見到龍巖石澗
今日天氣冇咁好，有煙霞，望唔清
沿市集行去龍巖寺，都係第一次黎
呢間就係龍巖寺，一個人都唔見
沿寺邊樓梯直上，去到一個塔，係個山墳旁邊既欄杆就係龍巖石澗下源，可以落澗
下段澗途都係樹林裏面，D蚊又多又勁
又冇景，又冇水，又多蚊，快閃...> <
終於離開樹林區，見前面有開揚石坡，正
果然係旱水之地，好在有石坡可玩
真係好乾，滴水全無，今日天氣又熱，慘，唯有玩壁取樂...^^
個個都係呢個斜壁測試鞋底既抓力...^^
就係咁，一路就向上爬
開揚既石壁澗道，如果有水有瀑就精彩咯
一層又一層，都幾好行
上到一個石峽位，似乎有個平台坐下
唔錯，唔錯，可以欣賞下風景
原來呢個峽內係一個乾瀑直壁，入咗黎就懶得繞路，直接係到攀，結果四方形就因踏腳石落，而迷失眼鏡一陣
呢個直壁真係唔易攪，太小位
小位都緊要...最慘係D石會甩出黎...> <
為安全計都係落繩好D
但kelvin就好唔安全
好，平安上晒，壁頂又可賞景
呢頭啱啱危完，果頭又走去玩攀石...> <
好快龍首岩已經係面前出現，係條澗既左手面
龍首岩背後已開咗山路可通，所以上去都算易
用唔同角度睇，有唔同既形態，幾有氣勢
龍首岩得個名，三角形唔似龍首，似怪獸
第四個角度，有棵松樹係前面遮住
係石頂下望，可以望晒龍巖石澗，好高呀...
係度影相，背景大澳就靚到暈
龍巖石澗，白色既岩石幾有特色
再望高D，陡直既石澗己經係尾段
玩完龍首岩繼續上，呢條澗都幾多壺穴
一段窄途又見開揚，其實到呢到可以係左壁離澗
闊落既石坡只係一小段，再上又收窄
臨尾都尚有幾舊大石可玩
但係大段上源係密晒既，結果都係要剷小林離澗
象山西脊既山頭，石多草短幾好行，不過今日太熱
山頭好多石堆玩，接住我地就去象榕坑
回首頁
石澗總覽