一早係鳳凰山觀完日，食埋個早餐出發
今次由南脊東山法門個牌坊開始上山，順路周圍玩石
彌勒山頭，冇乜樹，山路都算清楚
因為起纜車，欄腰一條大路，係呢到都可以望見大佛
山脊東面有幾舊大石，D石紋好靚
呢組大岩石好正，夠晒高大
未到石林，就已經有一堆石玩•同鹿巢山D石質一樣
第一個山頭，有一個風車係到
呢舊石好有氣勢，加埋後面係鳳凰山，倒腕崖，鳳冠北巖，羅漢塔，正到暈
跟住沿脊繼續上，草太長，路唔清，不過照行
橫過去西南脊，對正昂平，就係彌勒石林所在
同樣同鹿巢山既石質一樣，規模細D
一堆堆既石，任得你玩
呢一組算係最大堆頭，有D似相思石林
其中一舊金字塔石，又高又直
大大舊石，下面實有石洞石窿
呢一堆，石頂有個平台石
全部石紋都係一行行，都有唔少石景
玩完主石林，走去草坡上面仲有幾組
一舊T字石
另一組高大石，背面係纜車地盆
山脊上面既人面石
山脊下面既鴛鴦石
右邊脊頂既開門石
脊頂上面既飛來石
玩完石林，就好快上到751M既山頂
山頂支標高係一舊大石上面，隔離就係收發站
繼續向北行，彌勒山頭好好行
一個小山坳上面又有一堆石景
背景東涌，顯得好有氣勢
去到彌散石澗上源，山坳下面就係纜車既接駁站，纜車工程，多少都會影響到條澗
繼續沿山脊落，一個好平緩既草脊
落到500M左右，東邊又有一堆石景玩
上面又有一堆大石，背景機場，唔錯
呢個石塔都可以一玩，係下面望上黎仲有氣勢
落埋呢個坳，向左就可以接落纜車路
落到纜車路，呢段係石屎，前面係纜塔
跟住就係木板路，回望山坳上面個接駁站
條路一直通到塔底，工程仍在進行中
穿過纜塔底，條路未整好
呢段位置，可以清楚望見彌散石澗
跟住就係一大段好靚既木板路，穿梭係樹林之間
，好似行植物公咁
咁樣行山法，真開心，不過好景不常，
望住對面條路係咁上山，就嘩嘩聲
行木梯上山頭，之前個工程地盆，成個布達拉宮咁款
回望條木板纜車路，真係一條超正行山徑
又要穿過纜塔盆，仲要行臨時既地盆竹梯
又多樣野玩下，竹梯其實係工人進出地盆用...^^
難得可以企係地盆咁高既位置，好似一個大超觀景台欣賞東涌一樣，如果係一個露天茶座，你話幾正呢
呢個就係纜車山頭第一個纜塔，好型
最後就係行驢仔步道，不過而家已經鋪到好靚
一大條靚靚水泥路，終於落到東涌
非正式統計，加埋鳳凰觀日今次既行程係，行咗11hrs上高1225m，落底都係1225m，唔怪得火星咁既樣...^^
回首頁
回主頁