今次又跟大隊週二，起點係梧桐石澗萬德苑個牌坊
牌坊後面，右上就去萬德苑梧桐，左行就落梧桐蕉坑下源
去到呢條橋就可以落澗
開頭一段都係屬於梧桐下源，澗闊潭靚
下源平緩，都未有乜精彩瀑景
不過水質就真係一流，好清好靚
闊大既下源，水流充足，小流都變大瀑
係咁行，都唔知幾時過咗梧桐個分源位，澗途轉為陰森
進入蕉坑，就不斷都有小流中瀑
林密都唔緊要，因為條澗夠闊好行
去到一個中瀑，如果唔正攀就要右繞上好高
結果我地兵分兩途，真係行到好高
稍前行，上路既人要爬返落澗，又有一個靚靚中瀑
今次就要係左邊上攀先可以上瀑頂繼續，
穿越幾個小瀑林道之後，又有一個中瀑水潭可賞
石澗中段稍為收窄，間中又有山泥枯樹，
仲有好多支流，澗峽一時又有唔錯既瀑
開始稍為上陡，不時要向上爬壁崖
其中一個好靚既水流峽瀑，兩邊都可以上
呢個彎景，真係好有原始森林feel呀...
轉個彎係一個峽廊，左邊一條支流既瀑水
原來係一條好高既濕瀑支流
中途又在枯樹草叢，之後仍不斷有中瀑睇
其中一個壁水灘，小規模既橫流闊瀑，唔錯
行呢條澗真係唔會悶，一路都係瀑
而且時闊時窄，行極都有既澗峽流水
雖然係森林入面，但石澗本身並唔多枝滕阻路
又一個靚瀑，如果唔係凍，又可以玩水
澗道又收窄，開始急升
果然轉個彎就係全澗最高既瀑，瀑分三層，高十幾米
就係呢到有人墮瀑受傷...> <
呢個瀑難以上攀，不過右繞上頂既山路都唔好得去邊，碎石滑泥，前行既人不斷落石，好險
其他人上到瀑頂，部份先行折上山徹走，其餘留低既人就協助救援...
瀑頂尚有一個靚靚流瀑，不過未能全溯
由於地點太過偏僻，就算有準確座標，直昇機都難以搵到，消防要由直昇機吊上山頭在游繩落黎，結果成兩個鐘消防先到，一條13mm/150m繩撓咁攪，阿ling幫手解繩放繩
消防唔可以直接係瀑頂落去，要繞過右邊山脊，再係80度既山脊連吊床滑落去，終於到逹傷者位置
成班人合力將傷者係瀑底拉上黎，嘩...好似玩拔河咁
成功將傷者拉上瀑頂，本來因太多樹，尚未可以吊傷者上機，但時間太耐，加上好難再將傷者拖上山，直昇機以氣壓打開樹枝葉
勉強係樹林之間用吊索將傷者吊走，幾驚險
呢架超級美洲豹係樹林上面，拯救行動一D都唔易
等待過程中，景下蕉坑既生態
完成咗救援行動，仲要剷上一個70-80度既斜坡
好在有消防既攀山繩用，三兩下就剷到坡頂
剷完一輪山，接返山路仲要上多200m既猴岩頂...> <
今次真係辛苦lor...
回首頁
石澗總覽