相集	越野雄心 -- 青蝶左崖		行程
青山(高583m)東脊統稱為青蝶脊，當中由青山寺劃分右邊為青山白岩懸崖區域，左邊則分為三重岩區，均是陡直斜坡險崖，多年前因山泥而出現兩條石河，一條為中脊直指山頂，稱為青蝶石河，而另一條在左邊崖區，就是今次的青蝶左崖。 06/11/05
其實日日都對住青蝶脊，好多年前未有石河時行過一次，直至今時今日先行呢條左崖，同青蝶坑一樣係高爾夫球場則邊車路入，青蝶左崖就係眼前		隨咗青蝶左崖，今日玩埋下面坑壁
過咗高爾夫球場，係後面接坑渠入澗		到咗第一條大渠，就係坑壁下源，索性行渠上
渠頂除咗有欄杆，仲有呢個巨形大閘...		整咁大個大閘欄，都唔知有咩用，不過幾有特色
跟住打後一段澗途，嘩...諗唔到咁密呀...> < 今日天氣又熱又晒，係咁剷...好辛苦呀...		攪咗好耐，終於去到壁底位置，舒服晒...
呢個壁分四層，呢到已經係第二層		都唔難行，最難係第三層頂，有個位都好直下
一般技術都可以應付到，幾好玩		最難就係呢個位，左右都可以上，不過就好危
過咗下層坑壁，接返橫山路，上就係青蝶左崖同沖溝，白色係水泥防石堤，防止石頭撞到電塔
就係呢個時候，四方形正步向大災難...^^		就係佢身後石罅，原來有個大大隻既虎頭蜂竇
結果，一輪慘叫聲過後，四方形以一招扮石頭勉強逃避一劫，不過都被狂針十凌下，終於傻傻地		經眾隊員判斷後，認為不適宜繼續行程，將佢遣返
四方形一走咗，精彩野就開始啦...^^		先繞路避過蜂竇，再爬上防石堤玩玩
防石堤分兩組，一大一細，呢一組係細舊既		玩完防石堤就開始上攀青蝶左崖沖溝
沿沖溝直上，同樣唔算好難，不過有D位都幾直		到咗其中一個比較直既壁位，要好小心，兩邊都係直崖
過咗險位，輕鬆一段，又有一個峽壁崖位要上		跟住就係一個闊大平滑斜壁，隻鞋有食力都可以咬上去
慢慢爬，中間位仲安全過則邊碎石區		到咗一個緩衝區，見則邊有個石台，即刻出去玩下
石台睇景一流，可以望見左崖，回望沖溝位置，嘩...原來好直好企架...
真係爬緊都唔知，企出黎一望有D唔相信		企係石台回望，左邊就係沖溝，右邊先係左崖，一幅巨壁似乎係爬唔到既
繼續沿沖溝上，真係係咁爬唔停		去到沖溝既尾段，碎石處處，小心落石
沖溝接上石崖，企壁處處，可以攝樹帶上爬		間中一D石台大石唔好放過，好精彩
向外望，呢D就係試膽觀景台，唔敢郁...		有D石崖都有位可以上，最安全就係攝樹罅上
事關石崖都真係幾危，有手腳位，不過唔多		呢個時候，阿ling獨自走去左崖亂闖...> <
係佢果邊望返過黎，嘩...我明咩野叫崖...		見佢果邊就算上到一層，上面都仲有一大段崖 結果都係叫佢移番過黎，攀上多一層就可以上脊
呢個位就係沖溝對上最快上到脊頂既崖石		左崖完成，可以走山脊上返青山南脊
南脊上面幾堆石塔可以玩，上得黎唔好放過		呢到就係青山左頂，標高517m，後面係頂
南脊上面既兩堆石塔，呢到睇景影相都一流，又靚又精彩
之後上頂，再係東脊青山寺落山，咁又天黑		回首頁 回主頁