係元朗坐72號專線直到雷公田，沿引水道經過大石石澗
去到甲龍林徑入口，就係甲龍石澗所在
入澗前行少少就有個小水壩，左邊有條支源小瀑
初段闊落好行，開揚多石
行行下去到人地後花園，呢到有村有橋
水量都仲唔錯，疊石小瀑
一個斜石台，好快就到第一個大潭
到咗第一個大潭，雖然秋涼，但都忍唔住要玩水
仲有人set咗條繩玩，兩個裸男玩盪繩...嘔...> <
玩完水，開始有林，不過仍然石寬水靚
林木森森一景
有時仲藤蔓封路
不過，精彩野而家先開始，首先一個神秘寶洞
之後就有個靚靚瀑布
連+2都話要攀瀑，咁一於硬闖啦
瀑頂之後，又有一條更高既瀑，阿成就係到滑咗落水
呢個瀑既頂有一舊大石懸空頂住，幾形
呢舊就係瀑頂懸空石
繼續行，去到第二個大潭，潭頂明顯既左右分源，
左邊就係甲左澗，右邊就係主源
主源去，雖然冇左源險，就一路都仲有瀑
又一個峽中瀑，有景睇又唔難行
原來呢到係一個四疊瀑區，呢個係第二瀑
到頂又見雙疊瀑，咁靚，梗要影張相啦
第四瀑，大水又靚瀑底有一深潭，好滑
疊瀑區前行小段，好快左邊山脊就見甲龍古道
不過唔好咁快離澗，因為前面仲有景睇
小段坦途之後，係第二個疊瀑區，先有一壁，壁左就有一連疊瀑係到
壁頂之後，又有一個靚中瀑，瀑下面又有一深潭
中瀑對上又一個高峽瀑，精彩呀...
都未完，仲有一個石坡流瀑，不過黎到呢到石澗再左右分源，同埋甲龍古道係到經過，離澗就係時候
離澗沿甲龍古道上到荃錦，係到休息時，阿成發生D攪笑野，玩咗陣，繼續去行牛寮坑落山
回首頁
回主頁