由三角石河落西馬肚左坑，到匯合位，就轉上馬頭坑
全澗都深藏係樹林裡面，不過不斷都有石壁澗途
石澗上陡，一路都有得攀爬
係咁上，因為唔算有乜好景
當澗峽越黎越深既時候，發現前面係一個形如井底既瀑壁絕路，聽聞呢個叫做燈籠瀑
一條絕路，三面都係好高既崖壁
四圍打探，發現壁底有條小水柱係咁噴水
環觀呢個井底，都只係左邊有一堆樹根可以上壁
至於右邊既碎崖，景色就唔錯，爬...冇可能
結果都係靠左邊樹根上攀，跟絲帶上，幾組堅韌樹根應該冇問題，最大問題係個人能力同信心，事關呢到比起滕梯崖根本兩回事
係下面望番上去，就係靠呢幾條樹根上喇
樹根果然夠堅韌，一個一個輪到阿溢上
其實樹根一段並唔係最難，樹根頂部再上先係最難
輪到肥pe，好在幅壁都可以踏下腳，借下力
成個壁位既高度，可惜光線反差太大，睇唔到上段
到四方形，好剌激，唔落繩就不容有失
呢個稱為燈籠瀑既地方，真係一個神奇地帶
一個絕壁深峽，偏偏就有一大組樹根係頂生到落底
樹根接上去就係最危既地方，轉手上樹壁位
好在有前輩綁咗條大係到，平安上到頂，置身係馬頭坑既左源，要搵路橫移過返右源再上
呢到就係燈籠瀑瀑頂左源，左邊深入去就係瀑底
橫移過右源都唔可以落澗，因為都係高崖深峽
陡直既滑壁澗道，落咗去都好難向上爬
回望一個碗形深瀑峽，好難攪既澗道，三面環滑壁，退無路，上又難...真係好似被困井底咁
離開咗深峽壁澗道，又係一堆高崖壁瀑
濕有濕攀，林有林走，各施各法上去
上段都幾撓攪，穿黎穿去
結果前面係一幅高壁橫崖，要沿崖底向右走入林
雖然未係正攀直崖，但呢個大崖斜坡都唔簡單，好企
不過呢個石坡離開林段，可以回望整個西馬肚
入林之後，又依樹林棧道穿梭上脊回澗
回入澗道己經係上源既樹林坑澗，但仍好陡斜
尾段仲有好大段樹林石河要走，四方形仲落咗
舊籃球咁大既石落黎，好在避得快
終於上到馬頭峰既西脊頂，回望牛押三角石河吊手岩，
風景唔錯，阿溢仲走埋上馬頭頂
玩完三澗都已經黃昏，仲要落山，望過麥徑彎曲山大金鐘，好靚呀...
一於行礦場脊落山，唔想行麥徑咁悶
礦場脊兩邊某距離，都有D咁既三角形既野，有乜用
礦場脊失落的一角，好危呀...
呢個失落的一角，估唔到都仲有石堆玩
呢一堆，假以時日，肯定又失落埋
落到大草坪，一塊大平石上面有一舊大響石...奇
天黑啦，過唔到跳板石玩，哎吔玩玩礦場石河
最後肥Pe帶路，行秘道返落耀安，完成今日上上落落之旅...^^
回首頁
回攀澗篇