呢張係舊年五月，雨後既南天門澗，好有氣勢
天陰，山上有雲霧，天氣麻麻地，係麻埔坪出發
沿車路行上去，見到呢個花槽就可以轉入後面條路
呢條爛鬼木橋就係牛塘、鳳塘同南天門澗既下源
鳳南水系既最後匯合點，所以澗谷非常闊大，左鳳右牛
不過澗谷雖闊，但比上面引水道截流，變成乾澗一條
好快行完下源去到引水道，(發現南天門啦...)
唔行下源可以係引水道入澗，(有路唔行走去爬水堤...)
牛塘石澗既水閘，有成四個大轉盆，(開閘...)
牛塘石澗係主源，又叫長刃坑，南天門澗係支源
走一少段寬闊既澗道，就要留意左邊一條支源
南天門澗係呢個入口，又用石加深字體，直去係牛塘石澗
南天門澗初段澗途全係樹林裏面，時值冬季冇水，天氣唔好，條澗又濕又滑又悶
偶然先見到一D小水潭，仲有蚊添
真係冇野好講，400m以下都係咁既路程
到300m有一條明顯分支，茶壺咀坑，左上正路有樹為証
呢個時候已經進入山中雲層，回望整個樹林都比霧包圍住
400m左右，石澗開始上陡
因為大霧，望唔清上面情況，原來已經係連崖階段
陡直既澗道，一壁接一壁
離開樹林，但又四圍都係霧，今日註定冇遠景睇
呢段澗床係一幅滑壁，要係右壁攀上，有繩係度
瀑壁一層一層好精彩，如果有水流就犀利
又到另一個石峽位，阿成挑戰難度，左邊係正路
本來都已經唔易既澗道，而家又濕又滑，仲加難，加上大霧迷離，真係差D都唔得
上到壁頂仲要橫移入返澗位，下面既霧好似深淵
回望澗谷，白汒汒...唔知有幾高
精彩路段，繼續上攀
如果天氣好，就可以望見面絕壁，後係斷崖既氣勢
行行下，到咗鬼荊林都唔知，冇晒荊棘
坑左突出現一巨大突岩，原來已經接近陰陽壁
進入陰陽壁中間既坑道
左為陰壁
右係陽壁
而家就陰陽不分，天門內峽盡頭，南天尾瀑
絕壁一幅，聽聞有人可以爬上去(應該係蜘蛛俠)
欣賞完內峽，要返轉頭係左壁繞攀上去
一D都唔易，所以又有繩，不過有繩還有繩，信唔信得過就唔敢包，最好都唔好亂拉
繞上壁頂，右橫移返入南天尾瀑頂，南天門就係前面
進入南天門，唔使多講，奇地
天門右壁都仲有一罅隙可以攀玩
回望奇峽南天門，真係好正
過門要再上走一段斜坡
直接可以係鳳凰徑走人，好方便
落到伯公坳，發現有大量救援車係度，檢查下自已，除咗周身濕...冇事丫...原來大東山果便有人報警求救，不過好似係得一個人唔舒服...
回首頁
回主頁