相集
由大澳巴士總站出發，己可望見獅山的石景
沿大澳道直行，山腳墳地係西南脊入口，繼續向前行
去到西南脊既谷地，就可以好清楚咁睇晒小花狗石，雞石，狗石同一片岩崖景象
我地唔係墳地上，過咗黎就直接係護土場上
初段山脊唔算斜，亦唔難行
但另一邊谷地既石崖就可以攀爬一番
呢一邊係險線，不過石崖尚可攀爬
另一邊西南正脊，越上就越崎嶇
為咗可以走近谷峽內岩崖，初段攀幾層石崖
西南正脊就已經上到石區，四周圍都係石頭
谷峽內就層崖不斷，有唔少觀景崖台
西南正脊就有唔少石台可玩，對面既就係尖峰山(高339m)
谷峽內就可以更加接近雞狗石
西南正脊已經上到大斜位，係呢度以上一段就開始險，但就好接近小花狗石
繼續上，去到一個大石堆石景
另一面繼續係崖峽內谷前進
近距離觀望崖峽內谷，陡直既岩崖，好精彩，好可惜，經一輪觀察後，無可能上攀
但係崖峽既左手邊，竟然有一個石柱台，精彩
石柱台又正對住西南脊一塊尖石，又精彩
玩完一輪，開始上大斜位，上探小花狗
係大斜位上回望石柱台，正對尖石
此時係西脊既石崖上面，又有好正既觀景台，唔放過
呢舊就係小花狗石，bonnie即刻走上去
隻狗咁大隻，其他人上晒去都冇問題
小花狗係好精彩，好似，其實佢係岩脊上一塊石柱
多角度去欣賞，好險又有氣勢
同時係西脊上面又有更正既觀景崖台，爬
西脊比起西南脊有更多石崖，而且呢個崖台真好正
係崖台上面好險，但就可以有個無敵靚位欣賞整個大澳
上到脊頂就可以返落南脊探雞狗石，
呢舊係係雞石後面既石塔
上到雞石就一D都唔似雞，但係狗石呢，距離雞石好遠，不過係一隻狗頭
因為係南脊雞石呢邊望返小花狗石，實在太正，所以又返過去影相
大笨狗上望雞石，右就係個雞咀，左邊係石塔
玩完主要石景，上獅山頂再去象山
呢度就係象山頂，背景係鳳凰彌勒
象山範圍好廣闊，有好多個山頭
象山北脊上既一個石崖，可以欣賞深屈灣既風景
象山西稜，幾個山頭，好多石頭
呢度係北脊頂，山脊上面全都係石頭
跟住又返去西脊，象山另一個特色，D草好靚
西脊頂又可以無阻擋咁欣賞大澳水鄉好風
西脊落山，一路望住靚景大澳，仲有舊豹頭石
落到山腳，就會見到嶼北界碑
順路去埋海邊，搵番隻綿羊出黎
探完綿羊返大澳，完成雞狗獅象豹羊...^^
回首頁
回主頁