今日真係白痴，總之無厘頭下去左行大塱坑
呢到係大塱坑下游，燈柱左邊就係大塱坑上源
繞咗一段路仔，就入咗黎澗裡面，原來有村路入，
林木敝天，條澗上面發現一大堆偷渡客遺物
氣氛都幾鬼異，唔理喇，黎到就照行，
條坑澗都幾窄，先黎一條小堤
冬天冇乜水流，間中都有一兩個小潭
條澗又窄又多藤，又有水堤小潭阻路
走咗一段悶途，原來左邊有山路接
不過上咗去唔知落唔得返澗，都係沿澗上
冇耐，又接返山路...> <，呢到又發現一大堆偷渡客遺物，
有衫有膠袋有褲有鞋，有煲有牙刷有米有洗頭水，乜都有...> <
唔好理，繼續上，條澗都係麻麻地
嘩...D藤多到密到，吊起個人都仲得
澗道開始上陡，有D位都要爬下
之後又係好密，仲有澗分三源，中間先係正途
又發現一個ii遺棄地，又係乜都有，底衫褲掛到周圍係
條澗越黎越斜，開始有D睇頭
穿過呢條坑道，前面就出現一幅巨壁
呢個壁好高好闊，係村口車路都見到
可惜冇水冇瀑睇，要爬上去都唔算難
全條澗最精彩最好玩，就係呢個壁
粗略可以分做三層，呢個位係第一頂
頂位一棵打橫生既樹
壁外可以望下風景，唔使再係個林裏面喇
第二層細好多，內外都可以爬
橫壁外伸，相信村口望見就係呢個位置
當然，係到睇風景就更清楚
第三層都係細壁一幅，但比較濕滑
風景唔錯呀，麻雀嶺上禾坑下禾坑，鴉洲都見到
過咗精彩既壁段之後，又接入密林斜坑
嘩，好多荊棘藤蔓
咦...發現壁上有古代石刻，哈哈哈
穿咗一大段林坑，見左邊幾舊大石，立刻鑽出去
跟住就沿草脊上花嶺
山脊全部都係草，脊頂有座發射站
紅花嶺個草脊都幾靚，冇路，但鐘意點行都得
山脊上面個收發站，係到欣賞南沙頭角海唔錯
閒遊完，沿脊落山，發現深圳大小梧桐就係隔離
回首頁
石澗總覽