狗牙嶺係鳳凰山以南既山脈，分三條，東中同西；
由石壁水塘起步，經貝納奇小徑上山(黎個大合照先)

係石壁水塘東行至郊野公園經過呢條橋，就開始進入山路上貝納奇小徑(下面有洪水呀...)

開始上山，一條又長又直既樓梯(上啦！喂！)

沿貝納奇小徑向昂平方向，沿途風景好靚，如果唔行險山狗牙嶺，呢條小徑都係一條唔錯既郊遊徑。經過中狗牙既入口，大半公里路程，過埋西狗牙坑，去到一個山咀，見到一個"危險"路牌棟係山脊上

呢度就係西狗牙既入口，一開始就要向上"行"

進入既山路唔明顯，要經過一輪狹窄既石路

西狗牙係狗牙嶺其中一條山脊，只要沿山脊行就得，
去到中段地方稍為闊落D，可以休息(好靚呀！呢度...)

當然，出名險，就梗係冇咁間單啦(好斜呀！呢度...)

行完一輪，休息完一輪，"狗牙"就出現係眼前....
(嘩！唔係呀話....)

上攀狗牙，未算最斜，但都要小心D

係狗牙脊上面回望，風景一絕
(比心機上啦...)

狗牙頂，就係牙隙"一樹崖"所在，
呢度就係中西狗牙既會合點，亦係"一線生機"

牙隙過後，就要上"閰王壁"去鳳凰山
此時回望狗牙嶺，可以見到佢既氣勢

閰王壁比上狗牙既難度有過之而無不及，斜位同險位都要家陪小心，上去既路己經唔可以以行黎形容，真係要爬係度慢慢上先得架

到鳳凰徑之前，可以見到石壁崖上
有一舊"小鳥石"，人稱"哨牙石"

跟住接返鳳凰徑，可以上埋香港第二高既934m鳳凰山；天氣好就可以睇到好遠既地方，風景好靚

向北望，可以見到機場，望遠D重可以見到屯門，
再遠D連天水圍都見到

落山可以選行去伯公坳或昂平，我地經天梯落昂平

到昂平之前，係呢個鳳凰觀日牌度影張相先，後面就係"倒腕崖"；有時間既話仲可以遊埋寶蓮寺同大佛