相集
石門甲整裝，ling係到抹鼻涕，成係到食蕉...
下源地塘仔澗行過，今次直上寶林寺入澗
水吟橋，好似係人地後花園咁，好污糟，都係上D先
上到呢條"枟度橋"先入澗，好好多
森林澗道，除咗好靚既光線，不值一提
一般青苔大石澗途
都係一樣，透射既陽光最靚
走咗一段路，終於出現一壁
呢個瀑壁都唔錯，左中右各走一線上
上到壁頂好開揚，終於可以望下外面個世界
瀑壁分兩層，呢到就係第二層
跟住又入返林，間中都有一兩個石坡行行
枯水季節，所以冇乜水玩
又走一大段悶途，留意左右分源，右邊係北天門
澗道收窄，發現前面有高崖出現
為免唔知爬咗去邊，都係跟澗上，結果又走返出去玩
崖上面得一棵樹，下面就係北天門澗谷
過咗呢個崖，再上少少就可以望見臥佛崖
北天門就係中間既位置，兩邊絕崖好有氣勢
回望澗谷出面，右邊就係軍帽石，又係岩崖絕壁之上
到北天之前，先經過羅漢峽既大石河
黎到呢到，大休一會，決定先上一上羅漢塔玩
回望北天門石澗澗谷，風景唔錯又有氣勢
跟住就上羅漢峽，左右絕崖，羅漢塔個壁真係好有氣勢，第一次係羅漢塔下望呢條羅漢峽仲以為好難，實際原來好易
成班友仔話咁快上到峽頂
左邊岩崖都唔弱，都可以上攀一少層玩下
羅漢塔上過，走去對面幫佢地影相
另一邊回望羅漢峽，依然係好有氣勢
風和日風麗下既羅漢塔，好有氣勢但唔靚
靚就要好似上似行 倒腕崖之旅咁，有雲霧半遮咁
係佢地果邊影返過黎，我其實係一個壁上面
玩完羅漢塔原路返落北天門繼續，上北天門一般會由右邊繞道上天門棧道而過
不過我地見正攀都可行，決定直闖天門...^^
第一層ok，第二層就好難，攪咗好耐
第三層只要攝罅上就可以...^^
輪到四方形，攝咗好耐先上到
三層完畢，就可以進入北天門
呢個就係北天門既左大門，一幅巨壁
成功直闖北天門，感覺好好玩，因為南天門個南天尾瀑爬唔到，冇得玩，而北天門就正好多...^^
上得黎就要回望下，慢慢欣賞一番
呢個時候，唔知點解兵分兩路，殿後同四方形去咗左脊
而呢邊就返轉頭去天門棧道影返張相
對面山崖，兩個人就係到險攀，睇見好激
天門棧道橫移，有一個淺淺石洞，好有氣勢
之後一段就係草坡石河，直上鳳凰門
上之餘，不忘玩下周圍既石...^^
到咗鳳凰門，考慮下邊到落山先...^^殿後建議行鳳尾脊...好呀
回首頁
回主頁