巴士大涌口站落車，沿車路轉入村路直上
經過村屋幾隻衰狗，去到一條橋頭落澗
落澗前行少段已經有個長潭阻路，仲有瀑係前面，濕可走潭邊，乾要閃上山
潭盡有小雙瀑，唔錯唔錯
今日夠曬夠熱，第一時間玩瀑去...正呀
小雙瀑上又有小雙瀑，一路行一路玩
過晒四疊小瀑，開明闊大既澗谷就係眼前
一個全澗最大既 N 字瀑，大家一於係到玩
阿成試攀，冇乜難度啦...
N 字瀑頂有一個潭，大玩閘水呀...^^
閘咗水可以攀，一放水就沖咗落潭...HAHA
玩咗一大輪，繼續上，轉個灣又有一靚潭靚瀑
又再玩閘水，今次一定要沖阿成落大海
(有冇攪錯，點解你仲係到架...> <)
(我識龍爪手，沖唔到我走...^^)
玩到夠晒，起行，澗道開始收窄
跟住係好大段既林澗，小瀑潭，好濕滑
去到中段開揚位，一個園林瀑景
有個舊堤水管，仲有個人工水潭可玩
係呢到可以望見白沙灣，風景唔錯
開揚既峽流，都算有得爬下
呢段坑峽，已經算係全澗最險一段
阿成攝落去坑底爬，四方形失手跌落坑個電話
之後就進入上源小坑段，悶
又發現楊梅，又紅又大粒，梗係唔放過啦
上源一絛小坑好長，係道漫遊...
發現一棵鬼手樹，幾鬼異
一路行，原來主源係右源，上唔到芙蓉別
離澗接返麥徑，行上打瀉油坳休息，準備上黃牛
回首頁
回主頁