出門時三號風球，又風又雨，但天氣唔太惡劣，照去
去到城門仲幾好天...^^(今日仲有初哥Shirley同Katy)
王母係大城上源，行虎縱徑入，到第二個此路不通牌入
其實此路明明係通上相思林徑，政府就係咁...> <
一路係咁行，當山路去到大城石澗時，就見到精彩既王母
跟住右邊有條小路抄路大城石澗(嘩...有陽光呀)
落到大城，右邊支源就係王母石澗--一條龍
又闊又大又開揚又大水既地方，靚靚
一條龍，淨係睇下源呢層直瀑已經夠晒正
未行先興奮，+2係到踢爆腳趾...^^
瀑底有一個大潭，可惜今日水涷...冇玩...> <
上到第一層頂，跟住一個橫高瀑接住
安全就行右邊，唔安全就學阿bill...> <
嗱嗱嗱...阿bill被困壁中啦...^^
第二層瀑頂有一個水潭，潭後又一連環疊瀑
實在忍唔住要落水玩，好涷呀...> <
潭後一個闊瀑，好靚，瀑壁仲好似梯級咁可以上
只要唔怕濕，小心D就可以行上去...^^
黎到呢到，一個小瀑後入林，算係第一階段
入林之後並未放緩，仍然有瀑
呢個瀑位幾特別，一條石坡分隔開山林同石澗
一個闊落既瀑壁峽，精彩，可以話進入第二階段
呢個壁就更加好玩，可攀瀑可上壁
bonnie就犀利，硬闖瀑峽...^^
係瀑頂回望呢個瀑峽，好有氣勢
崖壁未完，又一層靚瀑
第三層瀑，又係咁沿瀑爬上去
第四層，依然石靚水正
之後又入林，林中一個高瀑，一樣可以攀玩
林瀑頂第二層，已經係最後一個高瀑
精彩既石壁瀑途，終於歸於平淡
有既都只係小瀑
之後仲要入林，澗道收窄又濕滑
行行下發現一粒黃豆咁大既昆蟲，好似孔雀咁開屏
呢段坦途，Shirley跣到攤攤腰...^^
好大段路，終於出到相思林徑，
一話休息，即刻攞晒D野出黎食...> <
其實去肥佬麥先食野，沿相思林徑去，
穿過一段竹林，bonnie話要影張鬼相...點呀...^^
過咗竹林，嘩...呢段風景好靚...
原定上北源，但天氣開始變壞，決定落山，回望王母
沿相思林徑行去龍門郊遊徑，上到一個山頭，好大風
大風又爽，幾特別既天氣
龍門郊遊徑一陣雲霧，今次到Shirley扮鬼
回首頁
回主頁