相簿
今日年初三，唔願起身，成10點幾先係新元朗中心人齊出發
新田公路，經過錦田排洪河呢條行車天橋，好有建築美感，加埋水中倒影就冇得彈...^^
呢段路，坐車經過就多，踩單車過黎都係第一次
元朗經坳頭，到錦田排洪河
估唔到呢到都幾靚，D天橋好有FEEL
本來目的地係想係大生圍環遊漁塘，不過都係得河邊可以踩車
沿住排洪河出大生圍，環境唔錯
喂，前面地盆，道路封閉
都唔理得佢咁多，一野踩咗去甩洲
可惜，呢到唯一一條通道，就係呢條"橋"
結果都係要繞返轉頭，經新田排洪渠到錦綉
自成一國既錦綉，有"護城河"...> <
一出返公路，阿龜架車陣亡，租車都係差D，
修車佬誠誠，竟然將兩隻腳踏改至同一方向，笑到肚攣
整咗一輪，又浪唔少時間，繼續行程，
先踩入米埔玩
米埔真係一處好靚既地方，最可惜係入唔到保護區踩車
當然，米埔跟本唔會比你入去
唯有係附近塘邊踩下，一樣好靚
呢到就係米埔保護區，步行一圈要3個鐘...
玩完米埔，踩過去鳳崗食午餐，都已經係tea time
呢間就係大休既士多，
沿車路一野衡到落河上鄉，後面就係大石磨
呢一段都係踩車路，不過唔多車，要上山過大石磨
跨過石上河，週圍風景都唔錯
向左走，已經係邊境禁區，向右走
呢到，唔知係咩地方，幾條巨型東江水管，好玩
前面就係羅湖站，不過唔入得
大型既東江水輸水管，下面原來有路通過去路軌對面
呢到既設施，就好似一個大型遊樂場
又似片場，到底呢兩組係乜黎既呢...
都唔理咁多，總之好好玩...^^
十足十兒童遊樂場...^^
條路就係輸水管下面經過
上一條鐵板橋，又穿返落鐵路底
呢條真係一條秘道，出返虎地坳道，直去文錦渡路
跟住就順勢上埋杉山山路
呢度就係華山長城既起點，大斜路，只有推車...> <
正當推到死死下，呢班人就輕輕鬆鬆咁抽頭...> <
嘩...一斜又一斜，越上越斜
真係推到氣咳，回望杉山
好在脊頂條路有得踩下，有上有落好好玩
想全踩呢條長城，睇黎都幾困難...> <
捱上一個脊頂，就可以好free咁飛車落山坳
不過前面又係一個大斜坡等緊你...> <
結果，又係一半未到，又要推車...> <
終於上到"華山"之巔，阿成嫌唔夠高，要爬高D
山頭上面有好多子彈殼，唔通同練靶場有關
咦...日落啦，要快D落山
長城之名，真係冇錯，真係好有長城FEEL
又一大山脊，仲好鬼死斜
過埋松山，即刻極速落山
不過又有野玩，粉嶺軍營後山個徽號
原來係條甩呀龍，好攪笑
趁未天黑，都係繼續極速落山
突然一群惡狗走出黎，比佢地嚇死，原來有人帶住既...> <
衡呀...爽呀...，好景好靚呀...
一野到底，下山雞乙村，好怪既村名，有冇上山雞甲村
山落，沿沙頭角公路踩返上水...^^
回首頁
小組活動