越野雄心-- 象山西崖倒靴石				行程
象山西崖，象山高585m，又稱middle hill，位於飛鵝山北面，與東山連一線，西崖位於象山頂西南面的山脊上，崖壁範圍不大，而西崖的左脊上就是出名的倒靴石，由於接近象山西坑，可以順道連遊。 14/01/07

係扎山道望上去象山西脊，就會清楚見到西崖同倒靴石(仙人晒靴)				今次先上象山西坑，再入西崖，輕鬆半天
上到300幾米，就見到西崖係左邊		放低袋，殺過去玩，回望西坑		呢幅崖唔算大，前面係右坡
右坡睇落幾平滑，不過都有線可爬		回望西坑對面山脊，有舊巨型石台		天下無新事，竟然有人留低手襪係到
先係崖底橫移，周圍視察一下先		睇完，決定先玩左崖		好好爬，左崖頂仲有座石塔
左邊線，可以同時上		呢條就係左邊靠中，都幾直		回望阿成條線，都幾險
呢到風景都唔錯，可惜天氣麻麻		崖頂之上，仲有一個石塔		嘩...幾型，個石塔
風景正，影多兩張		回望中崖頂，都唔錯		咁靚既石塔，梗要玩玩啦
原來係石塔已經可以望見倒靴石		跟住係中崖落返崖底		到右崖坡再上過
右石坡冇咁好爬，事關好少位		上到上層就好好多		頂崖最直，爬唔到
上到崖頂，視野廣闊		右崖頂又有石塔可以玩		不過就好兇狠
玩完西崖，就回落返西坑繼續上，再上左脊回望飛鵝		上到脊頂有暗路可通去倒靴石，不過之前都有石玩		其實如果由西崖直殺上黎，都可以到
呢D濕碎石景都唔錯，背景夠靚		呢堆就係西崖對上既石景，背景係飛鵝既倚天岩，好精彩
沿西脊暗路落，就係最精彩既倒靴石啦		倒靴石頂夠平，可以當床訓		倒靴既意思，就係咁樣
呢隻倒靴實在精彩		去到石底，其實好高既崖		另一角度，幾突出
西脊既暗路，係林中穿梭下降		出口就係扎山道既呢個位置，有帶		扎山道回望靴石
沿返飛鵝西脊大路落斧山		唔行唔知道，原來斧山係一個巨大石林		石林之巨，可以開晒通道
最後，落返平定道走人		回首頁		山海探奇