自從上次行圓角望見陰山南脊既天空祭壇，精彩既石景，一直都想去一去，係圓角海岸望過去，真係好正
今次上探天空祭壇，先到深灣，上深灣石河，然後橫移
一路就沿脊玩石景，呢堆係其中一堆石景
真係好多疊石奇石，仲有一D係搖搖下既風動石
玩完一堆又去另一堆，冇路，但唔使剷林
又一堆巨大疊石景，每舊石各有特色
同樣係上有疊石，下有石室通道
上到大概200m向左橫移，見到一舊尖咀石，幾型
尖咀石個尖咀，真係好尖
因為上得過高，要下行，又見一舊怪石
天空祭壇就係山脊下面，同時右邊山脊出現一舊好型疊石
沿山脊剷落去，一舊好似海豚既石
草好高，不過都唔算難行，但一有石台就可以大玩
又到一舊石景，左邊個粒似蠶豆
又係疊石，背景圓角好靚
呢舊就型啦，成張枱咁款
終於接近...天空祭壇啦
呢個天空祭壇係一舊巨石台，要上去都唔易，上面既疊石原來有四舊，背景係大角
天空祭壇實在好型，有埋人做比例就仲正
行近D另一面睇先發覺原來右面係分開，兩組石
呢到可以近睇三舊祭壇上面既祭品
其中兩舊...你地話似乜
上祭壇，要係兩件祭品中間捐過去
期待已久，終於可以一登祭壇，舉蕉慶祝
祭壇台上，第四舊祭品又係一舊風動石
而另一邊石台上既奇石，似一隻野豬逃走
祭壇係今日主打，上得黎就係咁玩
野豬奇石，好似就跌就跌，但又推都唔郁
離開祭壇向西面行去，回望野豬石又以條魚，斜疊係石台上面真係好似就跌，好精彩既奇石
玩完天空祭壇，下一站就係呢舊疊石
呢舊疊石又係唔易，但就唔知點阿成會上到去
kelvin上唔到去，一臉無奈咁離開
玩完祭壇脊，過返去踏板脊上陰山
中途遇上巨蛇開口石
繼續都有石堆石景玩
無啦啦係石底走條鱷魚出黎，嚇死...
上踏板石之前，又有怪石一大堆
阿ling已經上咗踏板石，阿成同kelvin就玩兩舊怪石
原來則面睇，好似一對阿公阿婆咁樣，阿公仲有一隻牙
但係後面睇呢，阿公變咗條飯剷頭啄阿婆...^^
陰山又一奇石，踏板石，唔使多介紹
真係好精彩既石景，點解可以咁樣
既然又一奇石，又玩餐飽，影個夠
下墮連還拍...^^
時間無多，上陰山回程，仲有神僧岩下次玩
陰山頂都有一舊疊石，真係周圍都石景
繼續沿北脊落山，一堆又一堆既石玩唔晒
kelvin企既又係一舊奇石
最後趕住落山，但都唔可以放過不文石，佢地未玩過
回首頁
回主頁