越野雄心--長情坑
越野雄心-- 長情坑 行程
長情坑,好美的澗名,但無法得知名字的起源,若以地方名之可叫黃竹洋石澗(但由於草山亦有一條黃竹洋石澗,所以不會用此名),源起馬鞍山東南黃竹洋村流入企嶺下海,下源巨壁疊瀑,甚有大澗之風,上段為密林區,大水時中小流瀑仍不斷,唯水質欠佳。 29/04/06

上午玩完隱龍雙澗,有時間,去埋長情坑先

長情入澗,非常之黑暗核突

澗名就靚,條澗就啱啱相反,水極差
加上下段因地龍截水,所以只係一溝積水

但其實條澗好闊好大

長情下瀑,仲有一個(濁水)大潭

好大既一幅壁,只可惜水源被截,冇瀑睇

呢幅壁係車路都望見,非常濕滑

沿乾位上攀,都幾好玩

行長情,淨係呢個壁都值回票價

壁頂左邊就係地龍口,係咁高建地龍--服

壁頂再上多一段先到水壩

係呢個位望出去,好靚好有氣勢

到水壩,上源既水就係咁...走晒

而另一邊,就係水位暴漲既去水位

水壩前既儲水池,水質真係麻麻

但前行一段,精彩野就係前面

一個兩層雙瀑,分四邊而下

呢個係上右瀑,呢到D位滑到飛起

呢個係上左瀑,好有氣勢

過咗雙疊瀑,前面就出現全澗最高既瀑

流水猛烈,好強勁既氣勢呀

瀑右係一個巨形石峽,好有大澗風貌

咁靚既澗峽,整張大相睇下

回望瀑峽,真係唔簡單呀

瀑頂開揚,可以欣賞企嶺下海景色

繼續入澗,一D都唔弱

流水充足,不斷都有短瀑小潭

雖然入林,但D瀑景都好靚

唔錯唔錯,都唔使點捐點穿

下源水質差,但呢到大水,又唔覺好大問題

一路沿澗玩,一路都有瀑睇

又一條靚流瀑

去到呢段梯級瀑,條澗已近尾聲

到咗呢條堤堰,條澗就冇野好行

右邊有古道接駁鬆人

黃竹洋,都係第一次到,環境好荒涼

出到黃竹洋村,好多廢屋,仲有好少人家住

村前既土地神位,好有古舊FEEL

沿車路離開黃竹洋村,行去麥徑走人

經山寮返落西貢,仲可以欣賞一下西貢海景色

回首頁


石澗尋幽