越野雄心-- 大頭洲		行程
大頭洲，由於港島石澳對出的一個海島，與石澳一橋相連，島上多奇岩異石(其中更有一塊甚似卡通版的董建華石)，其東岸就是石澳天然攀石牆，島上建有水泥小徑，沿岸環海都是郊遊賞景的好地方。 6/6/06
石澳新村沿車路上石澳山仔東就可以去大頭洲		潮退，可以行石灘，潮漲都有條藍色橋仔可通
一過橋就由北岸開始玩		一開始就已經好多精彩巨岩
仲有一座巨型石塔，竟然險攀上去...> <		到阿成，真係好險...> <
呢堆巨型石塔真係唔簡單，一D都唔易上		打橫睇成座石塔，真係好巨型，可以話係石城
原來中間分開幾大組，上得，要落都好難		玩完石塔，開始綑岸，都係好大幅既石崖
由大頭洲北岸開始綑，唔算難		只係有時D位高少少
遇到個海峽，好在係潮退，可以過		如果潮漲就要繞山，但都唔易行
唔使攀爬，有組三角石可以行上去		呢組三角石真係幾有趣
唔止海邊，山邊都有野玩，阿成一見到即刻上		前面整個岩岸都好精彩，真係大把野玩
呢頭講，呢到就已經有座超高石塔		又遇一個大海峽，好大，留心搵阿成出黎
呢個海岸既岩崖真係好宏偉		高高既岩崖，得個睇字
好快己經去到東岸		去到東岸，遇上一個絕峽，唔泳渡係冇可能過去 其實呢到就係石澳攀石場
呢個攀石場似乎都幾高難度		不滑既石場，雖然打晒扣，但都唔覺得以攀既...> <
呢個時候，對面有條友係到揮手		過唔到，又攀唔到，唯有繞返上山過對面 順便可以探探董建華
有水泥路落黎，條友走咗去爬崖		原來條友係肥pe，結果被困格仔崖
回望返山頂又有一堆石塔，精彩		繼續綑，一個大大既石台
去到南岸，可以望見五分洲同鶴咀山		不過前面又係一個絕崖，唔落水過到
廢事返轉頭，但要險爬上山頂		上到山頂，望咗一陣，發覺唔可以再綑，行公園
不過山頭一樣好多石玩		大大舊麵包石，一見即刻走去爬
石罅係大條，但要爬都唔易		返返到小藍橋，算係行咗一圈...^^
返到石澳海岸依然有好多石玩，係咁爬		爬完又爬，有難有易，好似去咗遊樂場咁
仲有人係到影婚紗相添		繼續沿岸綑返去石澳海灘
呢到既海岸侵蝕得幾得意		不過呢條海岸係人地後花園
都算仲有D野行下		返到石澳，去食個lunch，之後繼續去石澳坑玩
回首頁		山海探奇