日期：０５－１０－２００３
時間：０１：５０pm－０５：５０pm
地點：屯門工業學院至青山山頂
人物：WAI ，KEN，ANNA，KIU，亞蚊
呢度就係今次既起點（屯門工業學院），而身後就係今次既目的地（青山山頂），高度有５８４米。
睇下我地點樣去征服佢，唔好行開喎！
行完一大段斜路後，就到達青山寺，不過都未到山腰，仲有好遠先到山頂。（望下背後，其實都高過好多高樓大廈。）
＊如果想見到我，可移滑鼠到左圖！
終於到達山腰啦！係咪好宏偉呢？未算，去到山頂你就知！
都可以隱約見到對面山條麥理浩徑！
行到身水身汗，都應該休息番一陣！見唔見到後面有兩個人隱藏左呢？想唔想知到係邊個呢？想知就睇下下面張相啦！
唔駛扮可愛啦，仲唔俾我搵到你兩個！咪以為坐得咁高就睇你地唔到喎！
我地終終........於上到山頂啦！俾個V字手勢黎睇下先！YEAH！
獨自在山坡，高處未算高！呢舊大石都好似就黎跌咁，有D恐怖！
死啦，唔夠力呀！快D黎幫手啦！
好啦！黎緊啦！（如果想知道邊個幫手，就移動滑鼠到左圖！）
嘩！好刺眼呀！
妳係配角咋！咁多野講！後面D風景先至係主角呀！
要好似亞KIU咁先得嫁！（用滑鼠移到左圖）
好啦，做一個少少既簡介！左面最高個度，就係青山山頂，足足有５８４米高！晚上見到戔紅色燈，就係個到！再向左面望，見下圖！
望落去就係碼頭區，見唔見你屋企呀！再向左望，見下圖！
可以見到新屯門中心，龍門居！遠看都見到黃金海岸！再向左望，見下圖！
見到YKK，山景村，屯門大會堂！再向左望，見下圖！
黎到良景啦！中間位置，可以見到兆康，富泰！遠處都可以見到天水圍同元朗！山頂前面既景，就係咁多啦！
真係有大地在我腳下既感覺！一個人寂寞D，不如加多個人！（用滑鼠移到左圖！）
一個人咁貪心，加埋我好喎！（用滑鼠移到左圖！）
成個屯門，重唔係我最高！哈哈哈！不如轉下姿勢，我似唔似李寧呀？（用滑鼠移到左圖！）
話咁快就落左山啦！去到歷奇公園都成６：１５PM，總算完成左今日既旅程！YEAH！
咁開心，緊係唔好俾佢停！去埋龍鼓灘BBQ！YEAH！