我爹o地係一個好保守既男人!!佢唔係咁鐘意我同男仔玩...其實佢真係有樣睇

架!!例如..女仔/男仔上黎我屋企...佢個樣都有分別架!!

佢對我ｄ女性朋友...會笑多ｄ同和藹可親ｄ架；而對ｄ男性朋友就唔同喇...

佢會板起塊面...同埋惡ｄ架...但媽咪話...因為爹o地唔想我俾男仔蝦...所以先

係咁喎!!唔知係咪真呢?!?!我同爹o地好少傾計架!!爭執反而較多...但我知佢都

係錫我o既!!可能我性格似佢喇...都係要面､冇耐性､講野粗聲粗氣...

但佢都係一個好人黎架!!哈哈^^

相反，我媽咪思想就比較開放（唔好亂諗野呀）!!佢認為我呢個年紀一定會多左

異性朋友...所以佢唔會好似爹o地咁唔鐘意我同男仔玩!!不過佢成日都會叮囑

我...「唔好屑低呀」...我明白點解佢要咁講架!!因為呢樣野係女仔最寶貴架嘛!!

係咪??我同媽咪o既關係都幾好架!!我地成日都會傾計同玩架...hehe...我覺得

佢係全世界最好o既媽咪...我知佢為左我...辛苦左好耐!!而且佢真係好緊張我

架...我仲記得有次我對藥敏感...成個人都抽搐...但當時我爹o地番左大陸...所

以我媽咪自己一個人送我入醫院...講真...我好怕死架!!因為我聽到2個醫生話唔

知我點解會咁...當時我就響度叫:「醫生,救我呀!!我唔想死住!!」當時媽咪聽到

我咁講...就響度喊...同call爹o地番香港!!好彩媽咪帶左我之前食o既藥黎咋...

於是醫生就知我係對藥敏感...所以先會發生呢ｄ現象...後來打左支針...就冇事

嚕!!之後我媽咪請左成個星期假黎照顧我!!其實仲有好多野都反映出我媽咪係好

愛我架!!

講真...我都好愛我媽咪架>3<