目的地:泰國布吉
旅行社:美麗華旅運
領隊同導遊:KK.Chan & 小龍
目的地:泰國布吉
旅行社:美麗華旅運
領隊同導遊:KK.Chan & 小龍
前言:
第一天:
可能地方太落後啦,d人既辦事效率真係勁唔掂~~好慢...而且d攪笑野太多了...好了,入左境,我地竟然係第一個搵到領隊既人...心諗...慘了...我地肯定有排等...咁我就即刻搵番自己d行李,勁爆笑...條行李輸送帶停左既,我地d行李仲要周圍四散,幸好,我都算快搵到..小玲就慘了..搵左好耐先搵到..結果又惹黎領隊既竊笑~~無奈~~
行完supermarket,我地先行生果街.最後都求求其其買左一個小西瓜同埋4個柑,都係100bht,好平啦,而且仲好好味~~之後行完就返酒店,我地住既地方是一個遊艇會既酒店(Boat Lagond Resort),那裡好大,而且真係泊左好多遊艇係到,又近海,環境真係唔錯,不過唔知個領隊係咪同我地有仇呢...將我地遠離其他團友,雖然佢話我地上樓梯係最少層數,咁我地都無咁火,但小玲話仲覺得佢是變態的~~唉...我都唔知~~
今次跟美麗華純粹因為爽爽,同埋都可能係日後既公司(不過都依家都係未知之數),而選擇布吉這個地點亦不是本人原本希望去既地方,不過說真的,雖然泰國去過了,但這次是另一個島,感覺仍然新鮮,而且仲係好期待,布吉一直俾人既感覺就係陽光與海灘,其實除此之外,布吉仲有好多佢迷人既地方,而且島上既人令我覺得好親切,仲有能夠在整個行程裡面可以同d團友打成一片,都係非常難得,當然,每次我去旅行總少不了一些奇奇怪怪既事情發生,今次亦不例外~~
一早9點左右就起身預備這次期待巳久既旅行,由於今次搭既飛機是下午才起飛,我地既集合時間就係下晝既1點15分,我12點幾左右係屯門搭E33出機場,到達時間剛剛好....可憐了小玲要等我咁耐了~~~~其實之前我都巳經有想過我既領隊會唔會係我之前去北京見過既那一位....點知一去到...god...真係咁邪???真係佢~~哈哈...都唔知點解一見到他,他好似巳經同我地好熟絡~~
走到去,報左到,我就自己去將d行李過磅,settle左之後,我地就去左seven-eleven買壽司食,匆匆食過之後,又返去集合,終於俾我地見到我地要見既人,又係咁,都係令人失望的~~跟住領隊講左一輪野,咁就入閘了~~今次我地入43號閘,要搭無人駕駛,我地搭既機原來係泰國東方航空,上到機先知道我同小玲唔可以一齊坐,即時火到黎埋....kk走過黎既時候,同我講,唔好扁嘴,promise我回程既時候一定可以一齊坐~~頂,我搭左咁多次飛機都係第一次遇到咁既....真係有d失望....無無聊聊坐左3個幾鐘頭機,終於到了(7:25pm到達,同香港時差慢一個鐘),嘩...天,好細呀個機場,只係得一層,一出停機坪,行兩步就係出境既地方,真頂癮,而且一落機巳經feel到炎炎夏日既感覺,真係出汗呀~~
為左打發一下我地等d團友既時間,我地就影下相...影左一陣,等極d團友都未出黎...天...眼見其他團巳陸陸續續離開,我真係等得勁唔耐煩...原來又係那4個騎呢一家...佢地勁好野呀..可以最後一個排隊..佩服佩服~~終於走得了...見到我地既導遊,ok啦...有番咁上下,有d似老版,肥版同黑版既林文龍(尤其係佢既7分臉就更似~~)
上到車,第一站就係去食dinner(餐廳叫V.I.P.,中文名叫大家樂),搭左幾個字車就到了,今餐小龍話算ok架啦...都ok啦..我對食要求唔係咁高,我地分左3圍枱,咁就識左2個女仔,佢地叫joey同埋阿ling,都好好人,另外又識左一對嗲聲嗲氣既情侶,真係有d頂唔順....哈哈....食完飯,就去了整日唯一一個景點---夜遊生果街,那裡一條街都係買d生果,不過唔熱鬧,因為只有我地d團友係到...落左車知道附近有個supermarket,咁我地就去左先,其實所謂既supermarket,就好似一個大貸廠,不過d野真係好平,我地都買左唔少飲品同埋野食~~
那間酒店其實都唔錯,外表睇其實好靚,唯一有d缺點就係d梳化同d椅有d唔乾淨既感覺~~但總括黎講都真係幾ok~~那晚我地整下野,講下野,不知不覺都成3點,唔知點解我同小玲訓極都訓唔到,而且愈來愈精神....最頂癮係我地真係3點,係凌晨3點,走左起身打開個雪櫃食西瓜~~第二日仲要6點morning call~~食飽左我地再上床...點知係食飽既情況下,就訓著左...真係肥死都似了~~~
泰國機埸，完全唔知ｄ泰文寫咩??#@!!*
這就是第一日既餐館--大家樂
生果街
泰國既超市