Genki&DigDig日記簿

Genki&DigDig日記簿

....... 2002 年 11 月 28 日 (Thu) .......

呢幾日爸爸好乖,一放工就返屋企,有時媽媽都唔知佢返0黎,係聽到我吠左一聲先知!就因為咁,媽媽唔想我吠個一聲,怕比樓上樓下既人投訴,所以佢去邊都叫住我一齊,就連沖涼佢都預埋我呀!
唉!佢係度沖熱水涼時,我就係浴缸隔離等佢,仲有好多蒸汽陪住我,咁仲唔係蒸汽浴,hehe!唔知會唔會有減肥作用呢?
daily fm Digdig

....... 2002 年 11 月 30 日 (Sat) .......

■ 我唔開心呀

媽媽今日擰左罐好誘惑既罐頭比我睇,之後我就梗係跟左佢入房啦!無耐佢就開左d音樂比我聽,嘩!我心諗今日咁正咩日子呀!又有罐頭同音樂,正當我食得津津樂道之際,佢竟然帶埋阿妹出左街唔理我呀!一日最衰都係自己喂食啦!
daily fm digdig

....... 2002 年 11 月 30 日 (Sat) .......

■ 我真係生尿石呀!

今日媽媽靜靜雞同我出左去,剩返阿狄係屋企。仲以為有咩好節目,唉!原來去睇醫生照x-ray呀!一去到,我就見到隻fox terrier,佢好活躍架!一見到我就係咁叫我玩,我為左保持我女仔既形象,我唔啋佢囉:)之後,醫生幫我打左支鎮定劑,呢支鎮定劑果然並非浪得虛名,真係打完震到我七彩,仲好眼訓添呀!之後,我咪係朦朦朧朧之間比個姐姐帶到一個黑蚊蚊既地方,剩係見到有d強光閃下閃下都唔知做咩!
過左一陣,爸爸同媽媽睇報告,醫生話我生尿石呀!為左避免做手術,我以後只可以食死一隻狗糧成世呀!仲有其他零食都唔可以食添!哎呀!我好慘呀!人生最大既樂趣都無埋la,點算呀?
daily fm Genki

....... 2002 年 12 月 01 日 (Sun) .......

■ 無斷斷有筍野

今日唔知點解咁正!阿媽開左兩次罐頭比我食,嘩嘩~仲好大罐添呀!hehe!阿狄聽到我係出面食罐頭佢無得食仲唔係咁吠!車!我都無綠色骨骨食啦!有咩咁好吠喎...daily fm Genki

....... 2002 年 12 月 02 日 (Mon) .......

原來因為我病,所以我每一日都要食個種罐頭,唔!等我尋日仲咁開心添:(可能尋日飽得滯,我晏晝已經開始嘔la。媽媽驚我肚餓,再開一罐比我,咦!又係個d罐頭,我唔食呀!食左兩啖,我就停左去梳化坐la,爸爸話我炸炸帝想要第二d野食,而唔係唔舒服,所以搵d牛肉乾引我,我定力幾夠呀!我都唔食呀!不過,都聞下。之後,我都無得食,可能太過唔開心啦!我又再嘔,爸爸媽媽都唔知幾擔心呀!結果,訓到半夜我又再嘔。唉!我差唔多將尋日同今日食既都嘔晒出黎la,呢次仲唔瘦身!罐頭呀!罐頭呀!我仲有幾耐要食你呀:( ....daily fm genki

....... 2002 年 12 月 02 日 (Mon) .......

■ 爸爸同我玩

阿妹唔舒服呀!爸爸為左令佢有d反應,所以爸爸今日同我玩引佢注意等佢一齊玩,點知佢一d反應都無:(
不過,我都好開心呀!我地好似玩舞獅咁,大家彈0黎彈去:p
之後,爸爸仲諗住哩埋嚇我,我梗係無咁蠢啦!媽媽係廳我就死都唔入房架0麻!我要痴住晒架0麻!hehe!傻仔0黎架!咁都唔知:p
daily fm digdig

....... 2002 年 12 月 03 日 (Tue) .......

■ 好肚餓呀!

好肚餓呀!好肚餓呀!唔!雖然都係食個d有藥成份既狗糧,無辦法啦!肚餓都要食架:(唔係會餓死個喎!
唉!頂硬上,死就死啦!點知我食左兩啖之際,阿媽突然話聞到陣味都唔想食wor!我咪嬲嬲地坐係度唔食囉:(
哈哈!跟住爸爸就話阿媽la,你睇下佢聽完你講又唔食la!之後,阿媽話對唔住,無野la^^聽完佢咁講我先食返喳!我係咪好有性格呀? :p daily fm genki

....... 2002 年 12 月 07 日 (Sat) .......

■ 有街去呀!

我地今日去睇狗展,見到好多狗狗朋友呀!而且仲見到媽媽以前細個個陣睇廣告好鍾意個隻史納莎bobby呀!bobby今年14歲la!不過,佢真係好叻呀!識得分20元同500元紙wor!如果唔係佢,我媽媽都唔會咁鐘意史納莎,咁就唔會養我地lu:p
今日仲有好多節目睇,有開幕禮呀!我地個朋友仔阿芝都唔知睇得幾開心呀!好似睇F4演唱會咁,全程投入,佢梗係覺得個D警犬好有型la^^仲叫佢地呀!攪到d警犬失晒魂同失手添呀!哈哈!
唔!不過可能今日太開心,又可能太熱,我飲左好多水啦!我返到屋企賴尿呀!嗚嗚.........之後仲比媽媽困左入櫃裏面呀:(
daily fm digdig

....... 2002 年 12 月 16 日 (Mon) .......

■ 我好有性格

我又尿尿係張床度呀!結果我咪比爸爸打囉。人地做錯事,駛唔駛打人咁大力呀???嘿!之後佢想同我講翻野,諗住比塊面我錫錫,我仲寧埋塊面唔啋佢添呀!我係咪好有性格呀^^ Daily fm Genki

....... 2002 年 12 月 19 日 (Thu) .......

■ 野食要有人爭先好味

我呢!平時都唔多like獸醫叔叔開比我d罐頭狗糧,所以媽咪為左(乙水)我食,又要再買醫生d乾糧溝埋我先肯食,就係因為咁阿狄先有我個d貴價狗糧食:p不過,佢好衰架!次次食完都謀住我個d(因為我食得慢丫麻),仲係我身邊係咁兜圈,兜到人頭都暈埋:(我為左唔比佢食,我死都將個頭離開個狗兜。嘿!點知一時食唔切,諗住透下,佢就即刻伸過頭埋0黎!呀!我諗住食返之際,佢竟然(狐...狐...狐)聲咁狐我wor,結果,佢咪比媽咪打petpet囉,跟住佢又再兜圈囉^^daily fm Genki

....... 2002 年 12 月 22 日 (Sun) .......

雖然今日有得出街,但係點解阿狄今日有得去飛髮鋪飛髮而我就無既?????唔制呀!點解我要由媽咪飛wor????仲整損左人地隻耳仔添:( 嬲死佢呀! daily fm genki

....... 2002 年 12 月 22 日 (Sun) .......

今日我地去左西貢一樹新地方,個度無咩人架!只係得一家人係度燒烤,仲無車添, 幾好呀!我鍾意行幾遠就幾遠! happy, happy!
之後我去阿咖啡去開個間飛髮鋪剪髮,哈!出黎既效果就好似大左既咖啡一樣,不過媽媽話我呢d係bb庄,所以我咁大隻呢!就好似大左既bb,不過,爸爸都話我後生左呀! daily fm Digdig

....... 2002 年 12 月 24 日 (Tue) .......

■ 有好多人0黎探我

今日呢!係人類成日話好唔平安0既平安夜,阿媽就約左iris姨姨同carman姨姨佢地去我地屋企打邊爐,不過無狗狗架!因為我地住個度唔比狗狗入,又唔想比我地住:( 雖然係咁,好彩有咁多姨姨0黎探我地,呢個平安夜都不至於太寂寞,仲有iris姨姨請我地食既芒果蛋糕添!好耐無食過d雜食la ^^今日我地仲有獎抽,我地抽到雪糕同多毛老鼠,雪糕無得食都有得玩下丫!多毛老鼠~iris姨姨話咖啡佢地好驚架!嘿!我地都無有怕,仲唔搶過夠...hehe! Daily fm Digdig

....... 2002 年 12 月 27 日 (Fri) .......

唉!今日突然得翻個幾度,爸爸驚我地凍,返緊工都打電話叫媽媽比多件衫我地著,唉!我咁大個女都未試過著兩件咁多衫!攪到人地定晒格,d大人都傻既,人地有毛架麻:( daily fm Genki

....... 2003 年 01 月 01 日 (Wed) .......

■ 新年快樂

新既一年又0黎!唉!唔知今年有幾多街出呢????日子會唔會都咁平安呢?希望媽媽爸爸可以繼續養我地啦! 天氣凍都係訓下覺,唔好諗咁多la^^
daily fm genki

....... 2003 年 01 月 05 日 (Sun) .......

■ 媽媽個姨甥

好驚呀!媽媽個姨甥今日唔知點解無斷斷走黎我屋企,雖然佢得個三歲人仔,佢好勵害架!因為佢唔驚我地囉。反而,我地真係好驚佢:(
嘿!佢仲上黎同我爸爸打機,嬲死我呀!為左表示我唔高興,我決定係廳度加篤臭臭,好彩都無比人打喎!
之後,我坐係佢隔離,等佢知難而退先,點知我望佢時,佢又學我望返住我喎,我咪試下用個鼻聞落佢個鼻度,睇下佢驚唔驚先。嘿!激死!佢又學我,仲用個鼻聞返我個鼻添呀!仲用手(斜)人件衫呀!我楩係即刻吠一聲鬧佢啦!
爸爸叫佢唔好蝦我呀!爸爸話我好乖架!佢竟然話:佢頭先賴臭臭喎:(真係比佢吹漲呀:( daily fm genki

....... 2003 年 01 月 09 日 (Thu) .......

■ 媽媽去左邊呀?

今日我地兩個係屋企等左好耐好耐!點解咁夜都未有人返0黎0既?媽媽平時夜極都唔會11點都未返架!我好掛住媽媽呀!
到左12點爸爸返0黎la,但係點解都唔見媽媽既????
爸爸個樣都好似好無奈咁,佢成零晨3點幾先訓,唔通佢同媽媽鬧左交,唔通媽媽走左唔要我,嗚嗚......唔制呀!我要返媽媽呀! daily fm digdig :(

....... 2003 年 01 月 10 日 (Fri) .......

今日晏晝5點幾,我地既媽媽終於返黎la,好野!為左表示我地對佢既掛念,所以我地特別預備左兩套小蜜蜂衫迎接媽媽,但估唔到.....以下係媽媽既說話:-
(嘩!你老豆傻架!咁熱仲著咁多衫!)
都叫左老豆平時得閒睇下天氣佈告或者做下家頭細務架啦!唉!都唔識照顧我地0既!所以媽媽決定以後唔返大陸過夜^^好野! daily fm digdig

....... 2003 年 01 月 12 日 (Sun) .......

咩味!咩味!又係咖啡味,哦!你兩公婆都算對得我地住la,又唔同我地去街,原來又同左咖啡佢地去街街,唔制呀!
daily fm genki

....... 2003 年 01 月 13 日 (Mon) .......

■ 好味好味

媽媽為左補償我地無街去,今日特別去買左d雞柳比我地食,好啦!見佢咁有誠意,我地就唔嬲佢,食左先算!嘿!點知佢竟然留翻最好既比自己食喎!唔制呀!我地又要食雪糕:( daily fm genki & digdig

....... 2003 年 01 月 16 日 (Thu) .......

■ 我地結左婚

媽媽今日返大陸,爸爸因為返晏,所以好遲都未起身,咁我地唯有繼續訓覺啦^^到爸爸醒時,見唔到我地兩個就係度叫la,我地因為太眼訓0既關係,所以無理佢,繼續訓我地既衣櫃最底個一格(本來呢個位係我既,但自從比genki發現左之後,我就......唉!)咁唯有一齊迫埋訓啦,可能因為唔夠位既關係,我地有半個patpat都突左出櫃外面,咁就比爸爸發現左la^^當時genki只不過係用個頭訓住我個身之麻,咁個個八掛爸爸就同媽媽講我地結左婚la,佢都傻傻地:p daily fm digdig

....... 2003 年 01 月 18 日 (Sat) .......

■ 好耐無出街la

嘩!數數日子,我地都有差不多一個月無出街la,爸爸話驚天日無得同我地參加狗狗活動,所以同我地去街先^^唔!去到西貢0既空氣真係好新鮮,雖然無咩我地同類狗狗出現,但我地都好開心呀!可以係草地跑呀跑:p
跟住仲去左行石灘,hehe!不過,我驚喎,所以我唔會好似傻佬狄咁聽爸爸話行出去囉。daily fm genki

....... 2003 年 01 月 18 日 (Sat) .......

■ 咩日子呀

點解今日有街出0既?嘩嘩!好耐無見過既陽光與海灘,雖然我好耐都無去威,但我一d都唔弱,簡直老當益壯。係咁跑跑跑,仲同好多朋友仔打招招呼添,hehe!不過,我一上到車就....zzzzzzzzzzz daily fm digdig

....... 2003 年 01 月 19 日 (Sun) .......

■ 莎莎大聯盟

好好彩!爸爸今日真係唔駛返工,我地就好似有bonus咁連續第二日出街la^^發達! 今日見到好多莎莎朋友,好多都係細bb,個個都唔係一歲就得幾個月大,佢地d媽媽好得意架!成日都話自己隻狗好大la,成一歲,攪到我鬼死咁唔好意思,都唔知點講個年齡比佢知,hehe!因為全場最大都應該係我la,成6歲丫麻^^ Daily fm digdig

....... 2003 年 01 月 19 日 (Sun) .......

■ 又有街去

我地今日唔知行咩運,竟然又有街去喎^^不過,我今日嬲左coffee仔,人地女仔0黎0架0麻!攪到我失儀態同佢打交,佢唔知點解咁唔開心呢!梗係比iris姨姨綁住,所以嬲啦!叫左佢唔好去幫叮噹爸爸擰野飲0架啦!又要比人鬧la,唉!佢都幾慘,好心比人綁,算啦!我唔小器0既,等我下次同阿芝講叫佢呵返佢先^^daily fm genki

....... 2003 年 01 月 30 日 (Thu) .......

媽媽今日搵返我地以往著開既新年衫比我地過年著,唔!唔知有無肥到呢?佢今日仲買左個袋返黎話做個袋仔比我放利是,唔知今年有幾多利是收呢?^^
daily fm Genki

....... 2003 年 01 月 31 日 (Fri) .......

■ 年二十九

呵呵!我地今日有街出,仲約左雪雪同gigi去焦坑添^^玩完一日,我地咪去(爺爺)度食團年飯,嘩!正,今晚有盆菜食,不過,無我地份,嗚........
算啦!最後我地都有手撕雞飯食,仲有未有過既壓歲錢呀,今年仲唔過肥年:p daily fm Genki & Digdig

....... 2003 年 02 月 01 日 (Sat) .......

■ 大年初一

大年初一, 我地在此祝賀各位

╒╧╕╒╧╕╒╧╕╒╧╕╒╧╕
｜新｜｜萬 | | 龍｜｜橫｜｜心｜
｜年｜｜事｜｜馬｜｜財｜｜想｜
｜快｜｜勝｜｜精｜｜就｜｜事｜
｜樂｜｜意｜｜神｜｜手｜｜成｜
╘═╛╘═╛╘═╛╘═╛╘═╛
Genki & Digdig ^^驚青宿舍仝人鞠躬

....... 2003 年 02 月 02 日 (Sun) .......

嘩嘩!好多人呀! 今日媽媽請左佢d親戚0黎我地屋企食盆菜同睇煙花,唉!不過,有我地最驚0既..........細路呀!我一見到就震震震:(
但竟然有一個豆丁掉轉驚我地驚到喊,聽聞佢仲係咁多個小朋友之中0既大表哥呀!車!我都未喊啦>.<
唉!!我都知今晚一定比人困住,好彩有最錫我媽咪0既三姨媽封返封利是比我地,算啦!我地可以買野食補翻數,唔知媽咪會唔會收0黎自己用呢^^
DAILY FM GENKI

....... 2003 年 02 月 02 日 (Sun) .......

■ wow~好靚呀!

wow~好靚呀!煙花,今晚好好彩,天色好好,有煙花睇,仲可以嘆我地至愛既米通啦!雞片啦!仲有綠色骨骨添! 新年真係好:)
DAILY FM DIGDIG

Genki回應 : 傻佬,媽媽唔想我地嘈,先比咁多野塞住我地把口喳:(

....... 2003 年 02 月 04 日 (Tue) .......

我地約左阿雪雪同咖啡去咩咩大埔海濱公園玩,雖然個個公園好大好大,不過都好多唔比狗狗入0既地方,我地都好明白,唉!住香港係咁架啦:(
去到個個公園影相就應該一流,但只係得個單車徑可以行喳喎,唔!你諗下行行下有架單車剷埋0黎都幾危險,所以我地都無咩點放繩行,唉!一D都唔好玩,爸爸話下次都係唔去la:(
跟住我地炸炸帝走入個公園仔跑下步,點知比個管理員叔叔見到,佢仲話(唔該唔好係d唔可以放狗既範圍放丫,上個星期有人比狗咬到好大隻獲)d管理員叔叔好細膽架,成日都怕咩獲,噓! daily fm genki

....... 2003 年 02 月 04 日 (Tue) .......

唔制呀!我今日猜輸左,天日無得出街呀,嗚嗚.......
Daily fm Digdig

....... 2003 年 02 月 05 日 (Wed) .......

■ 單獨出街,正!

爸爸今日開工,hehe!首先祝佢開工大吉,咁我地以後0既生活就好d^^
不過,媽媽仲未駛返工喎,本來以為我地會你眼望我眼就咁過左呢個星期,點知!佢突然良心發現:)剩係帶我一個出街喎....哈哈!
首先我見佢用食物色誘阿狄,之後困左阿狄入房,呵呵!我仲唔逃之夭夭,呵呵!(忍唔住笑左出0黎)
經過一輪小巴,銀行既行程,我突然上左一架私家車,唔!好大殺氣,嘩!原來係咖啡老婆阿芝呀!原來媽媽約左iris姨姨去玩,跟住仲見到叮叮上車,叮叮一上到車車,佢就同阿芝對峙左唔知幾多分鐘,佢地全程都係度WuWuWu,丫!唔知係咪大家未有野落肚既關係呢?
之後,我地去左一間寵物店食出前一咩,跟住去蕉坑,然後再去叮叮屋企探噹噹,不過我係叮叮屋企玩左小叮既SNOOPY,點知比叮叮搵隻手拑住我,叫我唔好攪佢D玩具,阿芝見到咁0既情況又幫我話叮叮,我為左佢地唔好鬧交,我決定放棄唔玩^^點知個個靠害0既IRIS姨姨成日趁我唔記得又叫我玩,佢都無解0既,會打交0架0麻>.< (我指佢個女同叮叮喎!)
DAILY FM GENKI

....... 2003 年 02 月 05 日 (Wed) .......

0車!好開心咩!GENKI,天日到我出街la,等你成日蝦我丫la,我唔係度,抵你今日比人蝦,呢次仲唔報仇,嘿!
daily fm digdig
Genki回應 : 等你天日去完街返0黎就知,嘿嘿!

....... 2003 年 02 月 06 日 (Thu) .......

■ 輪到我la

媽媽今日困左阿妹係房,跟住帶左我出街呀^^好開心呀!都未試過同媽媽單獨出去玩:)之後,我地去地鐵站搵iris姨姨同carman姨姨,但係點解佢地都無同咖啡叮叮佢地出黎0既?唔我真係威,原來今日得我一個有街出,都話世上只有媽媽好架啦:p
講下今日既行程先,我地首先去食麥當當,之後搭地鐵過海,去到灣仔,咦!灣仔有個地方好恐怖個喎,我前主人都話本來想帶我去架,哎呀!唔通媽媽唔要我, 行下行下我越諗越驚,點知真係去到愛護動物協~~~嗚嗚!唔會架!媽媽唔會唔要我架! iris姨姨同carman姨姨突然變左樣同我講野,之後仲發出d好恐怖既聲音,佢地話 (阿狄,你驚唔驚呢?) 呀!好驚呀!
哦!原來媽媽係陪carman姨姨擰野,唔係遺棄我呀!好彩喳!
不過,我就見到一隻狗哥哥,佢個樣雖然大左小小,但行得走得,唔知點解佢爸爸媽媽要帶佢黎人道毀滅?個隻狗哥哥驚到身都震晒呀:( 媽媽同姨姨佢地見到佢咁都好傷感,點解喎?點解d主人成日都咁對我地喎,究竟我地做錯咩事丫?明明一開始係佢地擰我地返黎養,最後唔只唔要我地,仲將我地既生命決定係邊一日結束丫,唉!
無耐媽媽帶我離開左個度,姨姨佢地仲同我講要孝順媽媽呀!如果無媽媽我0既命運就同個隻狗哥哥一樣,我會記得架啦!所以我成日都痴住媽媽^^跟住我地去左銅鑼灣有間petshop個度有個女仔好熱情,明明都同佢唔同種架啦(佢係大隻曲架)!佢成日痴住我,攪到我好似舞男咁,唉!都話唔好生得咁靚仔,d女仔好煩架:( hehe!等我係佢鋪頭留翻個倩影先,仲寫明俊男,哈哈!呢雲仲唔殺食,呵!
最後,我地行翻去灣仔搭船去尖沙咀,媽媽話我唔知搭過未,不過我都唔記得lu,唔!但係好溫馨呀^^去到尖沙咀媽媽食完飯,爸爸就0黎接我地,爸爸話0岩0岩收工未食野,佢話想同我單獨食下野喎,好啦!比次機會佢,佢帶左我去西貢一間餐廳食,唔!仲有蘿蔔食,好味好味! 今日真係好開心呀! daily fm digdig

....... 2003 年 02 月 09 日 (Sun) .......

星期日la,又有街出呀!聽媽咪佢地講唔知去邊樹邊樹,咩澳門話,唔通會搭船^^同埋我地好似今日約左好多人,有叮叮噹噹,阿芝雪雪,仲有咖啡同阿芝既愛情結晶品coco:)我第一次見coco,唔知佢同咖啡其他仔女有咩唔同呢?咦!原來佢好似阿雪架,不過就無左d毛,之但佢既身形同雪雪一樣好fit架喎。佢地成家人都好得意架,全部都有一個習慣,好建談囉。唔知係太耐無見定係咩原因,佢地一見到就講個唔停,好好笑架!
噹噹今日就拆線好翻,唔知佢係咪心情唔多好呢?佢成日都情緒唔係咁穩定,後尾佢好似為左舊野食同coco打交呀!不過,唔緊要啦! 我地呢d小朋友要打打下先大架0麻!hehe!
daily fm Genki

....... 2003 年 02 月 09 日 (Sun) .......

■ 去街街-daily fm digdig

媽媽話今日去個度呢要唱twins個首歌~當風爭遇上風.....即使快樂的痛,lalala!
唔通佢同我地去放風爭,好呀!我未試過呀^^(genki 搭訕 : 唔係呀!係放你呀!即係放狗,you know!)哦!放我,咁我去到咪周圍走呀走!見到好多小朋友,仲有呀!遇見阿狼狗哥哥,不過佢唔多理我地喎,唔知係咪佢唔多習慣同人打招呼呢?唔緊要丫,等我係每一棵樹都留d味,証明我曾到此一遊,等我下次見到d老死時話佢知我去過放風爭,呵呵!

....... 2003 年 02 月 12 日 (Wed) .......

■ 我係人-daily fm genki

我成日都同人講我唔係一隻狗咁簡單架啦!我除左識聽人講野之外,今日仲比媽咪發現我識多樣野,哈哈!
媽咪今日係廳度同iris姨姨傾電話,佢幾衰呀!驚我地嘈,困左我地係走廊度,自己係廳傾電話喎。我屋企條走廊有隻磨莎門遮住我地d視線,等我睇唔到佢做咩,嘿!我都唔知幾醒,我用氣利lamlamlam,咁隻門咪透透地明囉,跟住我用一隻眼睇,雖然唔係好清楚,但起碼我知佢係邊樹,呵呵!

....... 2003 年 02 月 14 日 (Fri) .......

■ 情人節呀! daily fm genki

情人節呀!唔知爸爸會唔會同我一齊出去食個情人節套餐,唉!點知都係無我份,因為媽媽話好多人搭lift唔方便同我地出街!結果,呢個情人節,我要同傻佬狄過呀!嗚嗚.........等我咬佢一啖先^^

....... 2003 年 02 月 14 日 (Fri) .......

■ 有花食 daily fm digdig

媽媽今日唔知係邊樹擰左紮咁大0既菜返0黎,好似話咩咩情人節喎!咁我見佢咁大紮,諗住佢都食唔晒架啦!咪係佢拆棵菜時,等我睇下有無得食囉。呵呵!終於等到阿媽失手,d菜落左地下,正當諗住咬之際,嘩!好痛呀!又比人打patpat,汪~我唔制呀!人地諗住食多d高纖維0既野之麻!唔食得唔好比人睇到丫麻,攪到我以為有菜食咁開心,無斷斷又打人!嘿!我嬲呀!情人節唔快樂0既!等我下年識翻個情人先^^

....... 2003 年 02 月 16 日 (Sun) .......

■ 跳蚤市場-daily fm genki

唔知iris姨姨聽咩水講話:唔知邊度邊度有個跳蚤市場d野好底,由其係買拖鞋,所以我地約埋車人姨姨去。唉!去又有咩用喎,我地都唔駛著拖鞋.又無狗0既野食賣,仲有人以為我地係約瑟添,咁即係全程都唔關我地事啦!不過,算!有街去,好過無。之後,我地去左深井食燒鵝,汪~發達,唔知阿爸會唔會比隻燒鵝比我嘆呢?又或者嘆住隻燒鵝飲翻兩杯都好。點知,我都係咩都無得食架,嗚嗚.....好彩!仲有iris姨隻飛碟,呢隻太空飛碟真係唔好彩遇正我啦,阿雪雪,叮叮噹噹同狄狄,結果.....hehe!要解體呀!好味好味!
一日行程完畢,我地又去車人姨姨度癡飲癡食,當我正在嘆緊叮叮噹噹支葡萄糖水之際,突然聽到車人姨姨話,哎呀!genki你唔飲得。我梗係第一時間望住佢同iris姨姨啦!心諗,我飲葡萄糖水喳喎,姨姨咩你咁姑寒架!跟住爸爸話唔怕,咁我望一望爸爸又再飲過la^^原來車人姨姨佢地驚我有尿石唔飲得,佢地真係對我好啦!咁擔心我0既身體狀況,不過,佢地之後對我頭先d反應就好似好開心覺得好得意,佢地話我好似識聽人講野喎,等我仲以為佢地有咩咁覺得出奇添,我不嬲都係架啦!傻0既佢地,唔!葡萄糖水,好味好味:p

....... 2003 年 02 月 16 日 (Sun) .......

■ 大獲la :(

呢日去跳蚤市場,唔知係咪真係好多跳蚤0既關係,我隻就梗係跳下跳下架啦!驚比d跳蚤咬到丫麻!正當我隻腳舉0黎舉去之際,就咁0既!你知啦!人地係仔0黎架麻,習慣一舉腳就射..............唉!我年紀大一時開心有街去就咩都唔記得,結果,我就向住媽媽對boot,敝la!濕晒呀!對boot仲留左我d尿尿既痕跡添,呢期無得抵賴啦!咖啡老友又無出0黎:( 終於,我咪比媽媽打左幾下patpat囉,嗚嗚........daily fm Digdig

....... 2003 年 02 月 21 日 (Fri) .......

■ 沉悶既日子 daily fm digdig

雖然呢排都多街出左,不過,唔知點解d日子硬係過得比較無聊。lam手手lam得多都悶架,有咩新玩意呢????wow,垃圾桶~呢樣野我以前都玩過,不過,依家玩唔知會唔會比人打到飛起呢?等我搵個頭睇下有d咩係裏面先,正!tempx紙巾,用左唔會癡到周面係,等我試下先,嘩!好好口感喎,堅韌0既程度都唔錯,正所謂一分錢一分貨,媽媽真識貨,敝!有人鬧鐘響,原來媽媽未返工架!跟住我既命運就係..........一連串比人鬧既聲音~嘿!你個衰仔呀!無用架!咁大個仲抄垃圾桶呀!係咪唔想食飯!不過,我都無比人打呀!好彩0即^^

....... 2003 年 02 月 23 日 (Sun) .......

■ 米飯班主生日 daily fm genki

我阿爸牛一,等我送個飛吻比佢先,kisskiss!我地今日好早就出左去la,首先見到咖啡同蛋糕,蛋糕唔係人黎架!係食得0既^^之後,去接表弟loklok。我地今日出城,去到呢個高尚住宅區跑馬地嘆tea(呢頭就係我第一次見到阿芝同阿雪0既區域)wow,到左coffee shop我地有cookie食,姨姨佢地幫爸爸攪左個小型birthday party,以往都無我地份,因為爸爸都有節目,今年有我地同佢一齊慶祝好開心呀!所以我今日特別多野講,多到仲比阿媽彈咀咀添,佢話我太嘈喎。0車!唔嘈又點叫開party呀?
後尾,我地就去左山頂行山,仲有玩波波呀!我好叻呀!媽媽買左個飛碟比狄狄玩,當媽媽擲出去時,我跑跑跑比我接到喎,hehe!d姨姨都覺得好意外,仲好開心,好似好耐無見過我跑添,咁醒就梗係即刻去爸爸度等讚賞啦!爸爸當然就話我乖乖啦!
唔!可能樂極忘形0既關係,我想行開下睇下有咩風景,點知就比媽咪打話我走狗la,係呢個時候,突然有人伸出援手,嘩!係iris姨姨呀!佢抱起幫我脫離左媽咪既魔掌,好感動呀!原來iris姨姨係咁鍚我0既,好開心呀!多謝晒^^

....... 2003 年 02 月 23 日 (Sun) .......

■ 牛一? daily fm digdig

咩係牛一呀!食唔食得架!丫,真係食得個喎,仲可以去咖啡室食添^^好味好味!生日邊個生日呀!哦!爸爸生日,敝!唔記得祝佢老人家生日快樂,身體健康添!唔係到時佢又唔要我架la。不過,唔緊要,我仲有媽媽,因為今日好似我生日咁, 媽媽買左個飛碟比我同我去山頂玩囉,好開心呀!好似發緊夢咁。咦!肥妹genki今日好似唔知食左d咩藥咁,突然跑得咁快0既?唔通佢想減肥,其實瘦d都好0既,好似爸爸成日話媽咪咁,hehe!