27/4 [Sun]

Sabi心靈雞精句:“如果你懂得珍惜,你會發現你獲得的越來越多;如果你一昧追求,你會發現你失去的越來越快。”

坐電單車尾,V嘩鬼叫
一向方向白痴既我,今日因為落錯車,盪失路。。。 >_< 之後,朋友打俾我問我呢家0係邊,然後佢就渣架車黎車我。 我一上車,車都未開,我就開始大叫。。。 哈哈哈哈。。。 。。。 成程車我只係負責咪埋眼同大叫~~~ 諗番都好笑。 今次係第二次坐電單車尾,第一次係坐阿Dad車尾,坐阿Dad車尾梗係無今次咁驚啦,不過都有d驚! 係驚人地d車,唔係驚其他野。 不過,上次因為去考試,又唔識路去,費事又盪失路,遲到就無得考試,所以先坐。 之後無乜必要都唔敢再坐,我細佬坐多d,哈哈。。。 今次坐同上次坐個目的岩岩相反,哈哈哈。。。 。。。唔知點解0個d海盜船同過山車我都咁坐,係驚坐電單車。 哈哈哈~~~

收到兩首勁攪野既歌
第一首係千樺既「可惜我是水瓶座」;第二首係英文歌,勁攪野既 BB。 兩個你都要開Speakers聽呀! 哈哈。。。 尤其係千樺0個首,好頂隱! 救命~~~

 

26/4 [Sat]

Sabi心靈雞精句:“回頭看看你發誓取得的目標,然後評判你到底有多成功。”

兩個Homepage Assignment 交左魯~~~
第一個哈哈,入面張Form真係用得架,就係0個日Steven幫我0個個HP。 第二個就多左0的野,有篇Introduction,仲有教你點整野食。 另外有個Partner---Poy,佢係泰國人,入面仲有Poy幅相,想知Poy個樣係點? 就要去睇睇啦~~~ 係呀,呢份Steven都有幫我手架,哈哈。。。 真係唔該晒!

派左Math & Computer Mid-Term
唔,都Okay啦! 不過,唔夠好。 最把鬼既係,Math最後一條要畫Graph,我竟然唔記得寫X & Y 0係個Group度。。。 >_< eee~~~ 真係唔低呀~~~ 蹤橫Math咁多年,仲錯埋d咁既Minor Mistake?! 真係激氣呀~~~激氣呀~~~激氣呀~~~激氣呀~~~激氣呀~~~激氣呀~~~!

一個好感動的故事
岩岩Check E-Mail,收到一個故事關於一個啞爸爸。 之前打開見到咁長都唔係好有心情睇,可能前排有好多野做,無乜心機睇咁多字。 今日再開黎睇,睇到咁上下,我就忍唔住咸啦,哈哈哈。。。 感動麻。。。 其實都係講一個父女之間既故事,哈哈哈哈哈哈。。。 我一定會Forward俾你地架! 不過,希望你地唔得閒睇都唔好Delete佢,等到有時間先至再睇,不過,篇野都真係好長。 ^_^

下個星期三Econ Mid-Term
好驚呀,因為上次份Econ Assignment都唔係好識做。 不過,好在Mid-Term唔Include Gov’t,係Closed Economy Without Government。 因為,星期二晚要去跳舞,所以,我諗0個晚都讀唔到d乜,要之前讀。 最唔好既係,Mid-Term之前Math要補堂。。。仲要8點。。。

尋日無意中俾我知道左一件事,攪到心情唔係好爽。 嘻嘻,不過之後,當時人講出真相,哈哈哈。。。哈哈哈。。。 超級勁開心! 如果俾我再知多一樣野,而呢樣野個答案同我諗既答案係一樣。。。咁。。。我就會仲更加開心! 哈哈哈哈哈! 哈哈哈哈哈!

 

20/4 [Sun]

Sabi心靈雞精句:“最好的關係,存在於對別人的愛,勝於對別人的索求之上。”

Mr.Bean~~~正!
今日同Karen去左睇「特務“ On”J」,Mr.Bean超騎哩、勁攪笑,做錯野之後又成日死“chan”。佢0個d面部表情簡直一流,以佢既Character做到一個特務,真係。。。不過,佢都真係好好采,最後都成功立功。 真係好好笑,好想再睇多幾次,如果出VCD我諗我會買,哈哈哈哈。。。 上次買左「人妖打排球」VCD我都睇左成五、六次,哈哈,因為實在太好笑! 「人妖打排球II」就黎0係香港做,好想睇,不過,如果睇唔到都唔緊要,因為,係唔係我諗我都會買佢隻VCD,嘻嘻。

Easter Holiday過了~~~
聽日要返學啦~~~ 過左好幾日自由自在既生活,聽日又要回復正常魯。 Chermaine,今晚同你ICQ,講左大家呢家都要面對既“插曲”,我地一樣都要好努力、好努力、好努力讀書先可以達到自己心目中既Target。 No matter how hard it is, we need to achieve it! 大加一齊加油! 我地互相支持!

 

19/4 [Sat]

Sabi心靈雞精句:“請緊記,有時候,不是最好的收穫也是一種好運。”

Steven你好叻呀~~~
呢幾日都做Computer個HP Assignment,雖然,整體係做好,d Links都Okay,不過,因為入面有個Form,整極都收唔到個Submitted Result,攪左兩日都唔識整,問左好幾個朋友仔都係攪唔掂。 最後,好在有Steven兄主動出手相救,一下子就幫民女解決左個大問號。 如果唔係,都唔知點算。 呢家好開心呀! 呵呵呵~~~ Thank You,Steven! 唔該,Steven! 多謝,Steven!~~~

Recipes0個度加左野
今次加左d Photos Links同埋「我最要好的老友記」,哈哈哈。。。 想知佢係邊個就要去睇睇啦! 遲下有時間,我都會不斷攪攪新意思。 上面,小丸子學校都帶晒口罩呀,同香港情況一樣。

「恐怖網站」一d都唔恐怖!!!!
尋晚睇VCD “Fear Dot Com”中文叫「恐怖網站」,一~~~d~~~都唔嚇人既! 俾佢個名厄左,仲諗住會好好睇! 反而,睇睇下俾我間房個電話響嚇左一嚇,哈哈。 之後,更恐怖既事情發生。。。撻一聲。。。心有不妙。。。有一隻BB飛小強飛左入我間房啊∼∼∼!>_< 又無人喎,得我一個,咁我咪引誘佢入左個垃圾袋度,然之後成個袋Dum左出去,唔敢殺生呀我,好核突! 之後即刻山門,費事又有一隻飛入黎呀!>_<

 

18/4 [Fri]

Sabi心靈雞精句:“每年至少去一個你從沒去過的地方。”

太陽出來了~~~
呢兩日天氣好好呀!又有太陽,唔會好似之前天陰陰咁。 不過,今日出一出去返黎,熱到我吖~~~ 又要行0個條長命斜返宿舍。。。

尋日宿舍大掃除
十點幾,有班人上黎派漂白水呀、筒呀、手套呀、毛巾呀。。。 跟住我地就用1﹕99既漂白水抺下間房,不過,其實我都係求其溝,哈哈哈哈哈。 係咁抺~~! 係咁抺~~! 亂咁抺~~~! 我地間房不嬲都好乾淨,所以都好易攪,哈哈哈哈。。。 雖然係咁,但係,唔知點解攪掂之後又Tired,又肚餓,可能少做呢d野啦,嘻嘻。。。 之後,諗住叫外賣,唔想自己整,點知。。。打極間野都無人聽電話。。。 。。。最終都係要自己整。。。 >_< 咁樣令我諗起My Mom。 唔係一日,係日日都要打理屋企,又要買“送”煮飯,又要照顧我地。。。 一字記之曰﹕「強!」

尋晚同個朋友去左電腦房一齊做Homepage
聽日要交一個Homepage,今次用FrontPage整,幾個鐘頭就攪掂啦,嘻嘻。。。 不過,個Design好簡單,仲有Mickey Mouse添架!!! 嘻嘻嘻。。。但係d Links好有問題,放在係Geocities之後,睇到Index Page,之後Click乜都無野睇,我都唔記得當初點解個Wasabi Garden 點可以做得咁順利。 4月尾,又要交多另外一個。。。 等間,我地又要去做0魯,整完之後Send俾你地睇吖。

Easter 無返香港
阿Jar話最衰我唔0係香港,如果唔係聽日就可以同佢地去踩單車,我都好耐無踩啦。。。 天氣又好,我都好想同你地去呀阿Jar。 不過,阿爹叫我Easter唔好返黎喎,費事一個大吉利事有乜事,咁就唔好。 唉~~~ 呢家屋企隔離棟樓都有。。。 點算。

 

10/4 [Thur]

Sabi心靈雞精句:“盡多少本份,就得多少本事。”

Arm arm 0個個星期二派Management Mid-Term。。。
考0個日,覺得Case Study唔係寫得好好,其他Parts就覺得Okay,考完之後,仲因為覺得自己寫得唔好而化悲憤為食量,食左好多野。。。 。。。派卷喇。。。好驚。。。等左好耐都未到我。。。仲驚。。。最後一個派俾我。。。望下Jacky個樣。。。無乜異樣。。。再睇下幾分。。。嘩∼∼∼∼∼叮叮叮叮叮叮叮∼∼∼Wow! 勁開心!上個Sem Mid-Term,Jacky同我講話我考得比佢想像中差,所以,今次我都好怕好似上次咁,怕Jacky又同我講番同一句說話,怕再次令佢失望,所以先至咁驚。 嘻嘻。。。咁多日以來,有一片烏雲蓋我頂,Management Mid-Term既成績,確實令我開心到彈起,烏雲都俾我打散啦!之後,ICQ,俾我用Management既成績屈到個朋友仔請我食野,呵呵呵∼∼∼放心,返到香港第一個搵你! 哈哈哈。。。

星期六、日都有Mid-Term。。。
星期六Computer、星期日Math。。。點算,尤其係Math。 之前Quiz過都要再考,新野又唔係好熟,舊既又唔鬼記得咁多。。。點算! 雖然Computer只係MC同T/F,不過Total有成120題。。。仲有,岩就岩,錯就錯。。。救命。。。

呢幾日係咁落雨,攪到成日都好有睡意∼∼∼
咁既天氣,唔熱又唔凍,最易同周公子培養感情。 今日上Eng,打左好多個好多個好大好大既咸露。。。不過,之後上Management Tutorial見到Karen成個醒神晒啦!不過,途中自己口快快講錯野,話Karen講廢話,嘻嘻,唔好意思呀Karen!哈哈,之後因為我都要去幫Sonia補習,所以Karen同我一齊走,我地仲去左一間葡國Supermarket八,哈哈,最後去左隔離間麵包店買埋麵包就走Lu。 係呀!我問左Sonia0個個Supermarket有乜好介紹,佢話有d葡國運過黎既汽水好好飲,下次我地買支試下先lor!仲有呀Karen!記得我地要去0個間Restaurant食野呀!^_^

 

6/4 [Sun]

Sabi心靈雞精句:“不要擺脫不了昨天。”

過去就過去。
既然事情已經過去,無論是好是壞,都唔好太計較了。 尋晚睇左少少TVB個哥哥特輯都有兩滴眼淚,但惋惜過後,一切依樣。 Leslie請安息!

睇左鬼鈴同三更
鬼鈴係韓國片,講一個手提電話成為殺人工具既民間鬼故意。 戲入面有個大約四至六歲左右既小女孩,佢演得非常好。 由原本一個天真無邪既細路女,一秒就變成鬼上身個種邪惡憤怒恨之入骨既樣,一秒之後又回復一個可愛小女孩。 這個鏡頭係連住落,無剪接,所以對一個咁細個既小朋友黎講有一定既難度,我諗個導演同d工作人員都花左唔少心機了。 人仔細細,咁有演戲天份,演得咁出色,大個仲得了既!!
三更有三個故事:一個係韓國,一個係泰國,最後一個就係黎明0個個故事「回家」。 不過,三個之中,最好睇都係「回家」。 因為韓國個故事比較普通,泰國個故事又唔係好明,而「回家」不但有好既故事線,而且後來知道左整件事之後,你會覺得好感動好感動好感動,最衰唔係Happy Ending,有咸位,但係如果真有其事,就十分難以至信。

 

1/4 [Tue]

Leslie曾說﹕“不屈不朽,永不言敗,忍耐,朋友是最重要的。”

今天是「愚人節」,不要玩了。。。 你現在,在那裡?
你還記得,你曾說過「不屈不朽」嗎?
你還記得,你曾說過「永不言敗」嗎?
你還記得,你曾說過「忍耐」嗎?
你還記得,你曾說過「朋友是最重要的」嗎?
既然,你有勇氣摧毀自己生命,為何你無勇氣面對困難和問題;你要知道,後者所需的勇氣,遠比前者多。 這樣做,只會讓愛你的所有人感到傷心、心痛、失望;這樣做,只會讓問題繼續存在,不同的只是,你已跑掉了;這樣做,難道是唯一解決問題的方法嗎? 請原諒我,直接地說出這些話。 其他的說話,我已想不到了。 如果,要是想在「愚人節」玩弄群眾,你已成功達到。 明天,地球仍舊地轉、依美戰事仍未能平息、香港肺炎問題繼續、多番被投訴的香港政府仍然存在、港人依樣戴口罩出入。。。 。。。 你呢? 明天,你又會在那裡呀?

 

BACK