Sabi心靈雞精句：“1234567，做完功課乜都得。”

熊亭。。。UM。。。
今日同小彬,Kit,阿B去熊亭日本料理食自助餐。食評9個有7個話好食，點知都唔係既!!! 點2個佢俾成4,5,6個。。。有兩碟勁難食!!! 都唔知佢點整架! 好笑就係,我地點左好鬼多野食,跟住個個都飽飽,哈哈,攪到自己要食返自己叫0個碟。。。每黎一碟就互啤即問,"呢碟邊個架!!!" 跟住就會自動有人應頭, 哈哈哈, 個情景好好笑~!! 不過, 我去個時又落錯車。。。我行黎行去都唔知行左去邊, 攪到佢地到左之後都要行返出黎搵返我。。。講返先, 食完之後有甜品, 係雪糕。。。但可以叫佢做 "綠茶雪糕牙膏" 亦都可以叫佢做 "綠茶牙膏雪糕", 哈哈哈。。哈哈哈哈哈。。。死未!!!! 埋單七百幾, 位位一百八十幾~~~ 唔試過又點知好唔好喎~~~ 係咪?! 最多下次唔去呢間位於銅鑼灣同灣仔之間既~~~"熊亭日本料理"

聽日10點半就有約啦~~~
勁早呀!~~遠遠狄狄同埋我三個人去唱K, 哈哈哈!! 我諗聽日係我走之前最後一次唱K魯。。。好在遠遠得閒, 如果唔係都去唔成! 希望聽日少d人去唱K, 咁就可以唱耐d, 唔怕俾人趕走, 哈哈哈~~~

Sabi心靈雞精句：“日日嘻嘻哈，玩完快回家。”

做完Teacher魯
做左兩個星期，雖然班學生好鬼嘈，不過，可以認識佢地真係好開心，仲有就係無Generation Gap，哈哈。。。梗係無!! 想有都幾難!!! 以我記人名既能力，我可以記得成班學生既名，都真係好犀利!!係有時有一兩個唔係咁記得，不過，通常唔係好記得0個d都係d乖學生，記得0個d係迫住要記，因為有時佢地作反我就要大大聲叫佢地個名，哈哈，不過，有好多都唔係既，有d就好得意所以就會特登記住佢地個名，好似春生同錦塋!仲有一個好好笑，有時又麻麻煩咁，哈哈!!!成日叫我請佢食野!!!又有一個仲叫我記得要返去探佢!雖然只係對左兩個星期，不過，真係有d唔捨得，有時對住佢地真係唔知好嬲定好笑!有幾個學生問我攞左ICQ no.哈哈，呢幾日都有同佢地玩~!~!不過，班學生好攪笑，成日都會話我地邊個導師同邊個導師有野，哈哈，好好笑~~~呀!仲有呀~~我同Partner(狄狄,哈哈哈!)都知我地班1C有個女仔鍾意邊個男仔，好好笑架，好易就睇得出，哈哈!!! 唉~~~真係笑鬼死!

歡樂回憶
朝朝8點好似dMiss阿Sir咁入去Office簽到，其實都幾型，哈哈，好似真係老師咁，哈哈!到佢地放左學，我地先開始做其他準備功夫，日日都會超時工作，雖則係咁，但係成班導師一齊一路整野一路玩，係好開心!有一兩日我地要拍MV，最好笑係其中有一日我好眼訓，0係我地間Room度訓左... 之後仲俾人拍左... 無野講啦... ... 好在唔係好多，哈哈哈!!不過，話時話，都唔知做乜鬼日日都好眼訓!真係仲累過返學做學生! 每日送走班學生之後，我地都會返Room "Hei"下，之後就玩埋晒d無聊遊戲，真係好好笑~!~!估唔到你就會Au爆頭，估到你就想打人!!!! 哈哈!!!

好既開始
班Form 1學生，Summer都要花兩個星期返學，其實都幾無隠，好在佢地都有返學，係就係唔留心上堂，其實都預左，哈哈! 不過，可以以舊生身份返母校教中1學生，係好有意義架!!! 等佢地1/9返學都唔洗話怕無Friends，呢兩個星期成班都熟左好多，所以攪到之後既日子，上親堂都幾嘈下~~~ 希望，1C班1/9開學之後生性啦，哈哈!!!

有機會我一定會返去探你地架!!!
1C班，努力喔!

Sabi心靈雞精句：“衣飾宜啡宜黃，事事謹慎冇徬徨。”

老師唔易做
對住班學生原來少d Energy都唔得。好在我班1C都Okay，係有一個好易唔妥人，少少野都會動粗打人。今日Recess都差d出事，差d同個1A打交，嚇鬼死我！好在有個Officer係度，如果唔係真係打得成！跟住去上IT堂，佢唔聽IT阿Sir講，跟住除左大大聲鬧返阿Sir轉頭之外，仲夠膽死一手Bu開阿Sir隻手，睇到我好驚架！傻架！咁都有既？！不過，佢上我同我Partner堂既時候就無乜野，有時Pa係度，好多時都唔係點出聲，叫佢地做數、做英文佢都有做、都會交。佢唔係班房入面上緊堂攪事，咁我就謝天謝地。呢個學生，唔可以用硬攻，哈！佢呢d就真係「受軟不受硬」佢地都叫我睇多d佢，仲講笑咁講叫我個Partner唔好行咁近佢，哈哈，唔係等陣打交就幣！

做老師都好累
以前返學，通常都係學生覺得眼訓，先生就成日捉人，睇下邊個Pa係度，又成日覺得d先生就咁教又唔洗用腦，係咁講就得，佢地唔會覺得眼訓。但係，原來教書之前都要做好多準備功夫，做左三日王中，日日一放學都好累好眼訓。。。上緊堂又要好Energetic喎！唔可以死古古咁，如果唔係佢地唔會聽你講；又唔可以講得咁悶，如果唔係佢地又會作反；一定要Encourage佢地有Participation，所以Games係唔少得！今日教Days of week、Months、Seasons都有同佢地玩遊戲，哈哈！我都係突然之間諗到，本來係就咁講下點讀、點解、點串就算。不過，咁就會有好多時間剩，佢地又會勁悶，我都悶啦，好在佢地都肯玩，哈哈！玩下Games佢地都有得旭下，俾個機會佢地發下癲！！！因為佢地真係有太多Energy。。。雖然係Form1，但係始於都係細路仔。。。都係d女仔乖d，哈！可能比較少女仔，成班37人，得11~12個女仔。前面有個細細粒既男仔都幾可愛！哈！！^_^

咁都要OT？！
學生返8點9放11點9，我地就8點簽到，話就話放1點，不過，呢幾日都OT。。。呢個星期我地要拍野，遲走就一定會。。。以前返中學，覺得d先生好嘆，但係，其實原來，放左學之後都要為學生做好多準備功夫！雖則如此，我依然覺得，做老師的確係幾嘆！不過，教幼稚園或者係小學就好玩d，不過，教中學就比較有挑戰性！總之教書係一份幾嘆既工！！！最後，其實最幸福既都係做學生同做小朋友！！！

Sabi心靈雞精句：“過去的留不住，未來的難預測，守住現在，當下即是。”

好開心，好開心！！
去左5日，5日天氣都好好！不過，第二日就有意外發生啦我~~~好痛架！唉~~~都未試過呀！好似做戲咁！成隻腳叉左落Resort出面個Han渠。。。本來唔會架，不過，見到有個團友想過馬路，但係佢見唔到有車，我又顧住叫佢睇車，又無睇路。。。就係咁，成隻左腳叉左落去。。。又羅唔返上黎喎~~~有入無出！之後，阿爹同阿桃(靚仔團友！！可惜食煙兼已婚)兩個人一齊幫我羅番隻腳出黎！好痛，損晒。。。呢家好番好多魯。以下就係5日大概行程~~~

Day 1：28/7
去到都食晚餐魯，食火鍋。。。同團友Nick兩公婆同阿桃兩公婆同台。住0個度仲攪笑，無Lift！又大喎，又唔識路搵房喎，好在有地圖，幾個團友一齊行，好在都唔係好遠，不過就好騎哩，又上又落咁先到，哈哈！！雖然係咁，但係好好View喎！！我地間房望到一個海灘，又對住個泳池，真係就咁跳落去都得！！

Day 2：29/7
哈哈島玩半日！今次玩海底漫步，即係用個好大個頭盔好似太空人0個d咁落去水底，都幾深水。落到去因為氣壓問題，耳仔好痛，初初整過幾次都唔得，痛到我想即刻上返水面，之後，我好用力咁整，就卜一聲攪掂左！跟住等左陣就行行下咁，行完就餵魚，好多魚魚呀！哈哈哈！！不過，都唔知d魚魚係咪餓得濟，連人都咬！！！哈哈哈。。。食完Lunch玩多陣就要返Resort沖涼；之後就去玩鎗；再去買蜂蜜；跟住去水果街買水果；然後就去參觀寶石；and then就去食Dinner，仲有得邊食邊睇泰國舞、放燈船；接住就係去芭東夜市行街街，仲俾幾個人妖圍我！！！最後就返Resort，先去Resort對面晒相。。。就係我叉錯腳既時刻。。。沖涼食水果訓覺覺！

Day 3：30/7
鳥旦島玩半日！坐快艇出海中心浮潛餵魚魚！呢度d魚仲狼過之前0個d呀！！！勁咬我隻手？！我係水入面叫晒救命！不過，其實唔會有人聽到。。。好多魚魚呀！仲多過之前0個次海底漫步，有大有細，好多不同種類既魚同不一樣既顏色！好靚！d水又清又乾淨！成個島都好靚靚！食完個Lunch再玩多陣就要走魯，真係唔想離開呢度！之後既時間就係自由活動。我同阿爹游唔夠，返到Resort再繼續游水，哈哈！阿爹游游下走左去Sunbath + Sleeping！！！我就梗係繼續游啦！游下抖抖又游，都唔識累，游到阿爹訓醒先走，咁耐無游水都可以游咁耐，自己都嚇一跳！沖完涼就出去搵餐廳食Dinner。途中撞到團友Nick兩公婆同阿桃兩公婆，之後我地又再一齊食。間野有兩個Waiters好攪笑，哈哈！一個成日話自己係Andy Lau成日唱Andy's歌，另外一個就成日話自己係周星馳成日“曱甴！曱甴！”咁打功夫！佢兩個無端端會走埋黎同你搓包剪揼、經過你面前又無端端跳舞、一係就扮d好攪笑既樣對住你，總之食得好開心！

Day 4：31/7
呢日我地就上山騎象象。d象象好攪笑，好可愛！！！佢地識得用樹支歐痕！行到舊大石旁邊就用佢黎歐PetPet！！！哈哈哈！個Pet留下留下咁！！！超可愛哇！象象都行得好辛苦架，所以我地買左蕉蕉餵佢食。之後就去睇象象表演畫畫、跳舞、踢波、打Golf。。。然後就睇人點整椰油、同馬騮、牛牛映相、睇點整香料同試食。之後就去左一間Hotel食Lunch Buffet，最正係呢餐！！食完就去Big C Shopping！！好開心！跟住就返Resort食Dinner。

Day 5：1/8
嘩嘩嘩~~~5：30am Morning Call？！？！？！7點幾出車去機場。Check In左之後仲有時間就0係機場入面行左陣就上機返香港魯！

布吉之旅的總結
好開心呀！！陽光與海灘！近距離同大自然接觸！實現左「我要同陽光玩遊戲」！！不過，去旅行真係唔好亂講野。。。我就係去到布吉同阿爹講左句：「哎呀！今次唔記得帶膠布添！次次去旅行都記得帶，又會今次唔記得！」點知！真係要我叉左隻腳落Han渠、真係要我無膠布用。。。最後用膠布都唔得，因為傷口太大。。。所以，去旅行「千祈、千祈、千祈」要「記住、記住、記住」唔好亂講野，費事好似我咁「開口中」！