31/8 [Tuesday]
Sabi心靈雞精句：“簡單地生活！”

煩屎人
如果你呢家問我最憎做乜野，我可以好快咁唔洗1秒就可以答到你，就係 ~~~ Plan Classes Schedule！10個煩呀唔該！煩得要命呀痴線！好憎好憎好Q憎呀白痴！呢尾野好邪，會攪到人頭暈身興、心肌梗塞、精神分裂、眼花聊亂、心煩氣燥、體弱失眠... 妖~~~ 總之無樣好啦！>0<

29/8 [Sunday]
Sabi心靈雞精句：“ 失去的有時並不如你想像般難過,或許往後能從此得到更多的喜樂！”

5pm Movie: 凶相 with B、Alan & 小彬
似 "午夜凶鈴" lor，驚ssssssssssssssssssssssss！但係覺得唔係咁好睇，因為d驚既部份同 "午夜凶鈴" 差唔多。不過個女主角既角色估唔到原來係咁，到差唔多尾先知，呢條橋都幾Okay既。一到d唔對路既時候，我都咪埋眼 + '暗' 住雙耳！驚sssssssssssssssssssssssss！

8pm Swim at 摩理臣山
呢個係 indoor pool，過左去訓練池玩左陣先過大人池。嘩，個大人池d水好暖呀！好開心呀又有得游水！唔知點解次次一落水都笑到痴晒線。唔夠氣一次過游晒成個直池喔，我同Karen講，如果我地好似人地Olympic比賽咁，但係我地就游到一半就係池邊停左 + 抖，但係其他人就十幾秒就游完，人地游完我地都繼續抖 >>> 好好笑！今次游水見到個人好攪笑，做左兩個超好笑既作動，一個難以形容、另一個就係在水中只申上兩隻已合上既腳掌，但係識得向前旭，唔知佢練乜鬼，好好笑！另外我地發現左個靚仔，成個飛機司！點解咁講？！佢帶個未鏡好似帶到飛機司咁！佢個鼻好靚，好一個又直又高既鼻再襯番成個樣 >>> 掂！可惜9點半都無佢就走左魯... 10pm 離開Pool，在銅鑼灣行左陣買左件衫，行到Sogo附近見到Fanny同佢細老！最後送Karen搭車之後，去左許留山買 "西瓜燕窩蜂蜜爽" (嘩好叻呀咁都記得個名)！

Wahahaha... 呢期成日望靚仔！好Naughty！

呢家睇緊Olympic Closing Ceremony
約兩個星期既奧運結束了，下次奧運將會係2008年既北京奧運。岩岩做左雅典與中國既交接儀式！覺得特別感動！簡直係一個歷史性時刻！我期待2008年既北京奧運，好想可以去到現場親身睇！好想親身感受現場緊張既氣氛、每位運動員身上發出既點點光芒、運動員奪獎既時刻！不過呢家好眼訓，唔知做到幾點呢... 3點半啦呢家... ...But, I've already missed the open ceremony, I don't want to miss the closing ceremony！ ^0^

28/8 [Saturday]
Sabi心靈雞精句：“ 有只會看電視而不洗碗的青少年，因為那表示他/她乖乖在家而不是留連在外！”

愛上莫作棟
"棟篤神探" 有個Happy Ending on Friday night 全線大搜查。又係出左街，特登錄黎睇。Happy Ending 係睇得舒服過 Orginal果個，不過，如果出街既係Happy Ending我諗會有更多打去TVB投訴結尾太寒。之前如果唔係有人打去話唔想莫作棟屎，都唔會係大搜查播Happy Ending。莫作棟咁好，點可以俾佢就咁就走喎！更想會拍續集，下個Summer返香港又可以睇！咁就最好魯！ 10個支持送俾莫作棟 & 黃子華！

同GiGi Lunch講左好多恐怖野 + Drama
一路食一路講d身體易出現既毛病，講左幾個Cases，真係要做下Body Check先得，好恐怖，呢度生野果度又生野咁！又要割又要做手術咁！好恐怖！仲有就係，要坐得好正確先得，尤其第日如果係坐Office做野，仲更加要坐得好！之後去睇Drama，今次有Anna，都Okay啦，無咩要彈同讚！何偉龍先生都有黎睇，梗係，佢係戲團既總監點會唔黎。我諗佢都唔認得我魯，仲讀緊中學既時候跟過佢學戲。今次見返何生覺得佢老左，仲整親腳添。何生你要好好保重喔！

無得沖涼?！
�菮� + 廚房都要整撻地，又要等唔知咩乾先用得，所有野都要lor晒出應，超多野。連個屎塔都唔用得！無得沖涼就訓覺我覺得好核突... 第朝起身第一件事就係要 沖涼！

26/8 [Thursday]
Sabi心靈雞精句：“ 有每夜和我搶棉被的伴侶，因為那表示他/她不是和別人在一起！”

吉之島盤點... ...
12點幾Mum & Dad & I 就去左太古吉之島行街，點知去到貼左張紙話盤點要3點先開。咁我地就�鈺d怡度行左陣，見到日本城，佢兩個拿拿聲就入左去... ... 哈哈哈！一入到去我就同Mum講，Dad第一樣一定係睇水壺，Mum即大笑！Dad對水壺係情有獨鍾，我特登跟Dad睇下我岩唔岩，真係俾我講中！梗係，做女既點會唔知！你知唔知呀，佢兩個睇一個咁既日本城都可以睇左成9個字，我就真係好似人地d細路咁周圍走都唔知做乜咁！一時走去搵Mum、一時走去搵Dad、一時無端端發現左d新野之後就自己同自己玩... ... Wahaha... 好無聊呀我！最攪笑既係，睇左咁鬼耐都只係買左1pack3對既手套... ... 2點半去左東湖飲下午茶，我去拿野食，已經返返埋位食緊架啦，點知頭先個女人走入黎我地度又話我無俾張野佢吸！明明成張野俾左佢，跟住又搵返我話無吸！我地係文明人，梗係得佢一個�鄎袡芊A我地都未出聲，嘈到個經理行埋黎。之後，我地講乜都無用，果個咁既女人係咁話我無俾佢吸！果女人都係想吸之麻，咁個經理咪比佢吸lor，吸完之後果女人咪無聲出然後走。等個女人行左出去我地先同個經理話其實已經吸左，唔信可以數下d碟，最後咪個經理同我地簽返個名Cancel返岩岩個印。都唔知係唔係路架！痴線架！咁既人都有既? 果個女人真係夾硬黎架喎！去佢度拿野食既時候，又唔係多人，多人就當你睇錯無所謂啦，但係果時得我一個，明明好清楚咁俾左張Card佢，我仲等佢攪掂完俾返張Card我先拿野食走！咁佢都仲可以慢9拍走去搵返我然後話無吸到個印?！記野記到唔清唔楚又識得記鬼住我個樣又識得搵返我?！都唔知好嬲定好笑。唉~~~ 真為此人感嘆！遇上佢都可算係奇遇魯！食完行返過去吉之島，估唔到我地3個都係買飲品，仲要買左百幾蚊都係Drinks！攪到好鬼重！最後去淘大Dinner at 魚米之鄉，最後美滿咁回家！

又去秋家
尋日下就去左秋家幾個鐘幫佢攪Homepage既野，攪到我都好眼訓，皆因秋家好舒服又有冷氣又有堤子汁飲。最後係埋秋家同佢Mum & Dad食Dinner，好大碗飯呀... ... 真係好似做戲咁大碗... ... 秋's Mum & 秋係咁叫我食雞翼，秋's Dad好攪笑，同秋's mum & 秋，佢地3個人�鄎蚴Y咁拗咩係叫做 "同志"！我都唔識，所以係咁食，睇住佢地講，wahahaha。點知俾秋's mum見到我係咁起世扒飯，因為真係有好多飯�酯虒J度... ... 叫我 "你唔好係咁靜係扒飯先得架"... ... 一個字 "Full" ！然後，秋妹個fd有車，車左我同秋出去，秋&我一齊落車，秋就返教會而我就去附近搭車返屋企。

24/8 [Tuesday]
Sabi心靈雞精句：“ 不經歷風雨，怎麼見彩虹！”

早場Movie: 3更2之1<餃子> + Garfield
9點幾就同阿Hei落去睇戲，去House3睇3更2之1<餃子>，睇完之後11點半左右，去左個�菮狺妨寣A入返House3睇加菲貓。兩套都係早場！每套都只係$25蚊！兩晒兩套都只係$50蚊咋！不過，餃子唔係好驚不過個故事就好殘忍，因為係講食人，仲要係食BB！雖然係Cat3 Movie，但係唔係咁恐怖，不過，落仔果場戲睇到我都覺得痛，有好少好少好少Sex戲，仲見到梁家輝個八月十五添呀！哇哈哈！另外，Garfield就無乜野，好多小朋友睇。加菲貓sings & dances + 做埋d白痴動作 = 好好笑！首歌係基仔唱架，呢個都係其中一個我去睇呢套戲既原因！嘻嘻！仲有呀，仲有呀！激開心！因為 <餃子> 係3級片，入去之前有人Check我地ID！Wahahaaa！Check ID！ ^0^

莫作棟愛你
星期日出左街無睇大結局，好在Mum綠左。嗚嗚嗚... 點解莫作棟個Ending咁架，ViVi好慘架... ... 越睇越鍾意莫作棟、好好笑、好得人心、孝順、叻叻、除暴安良、有腦、機智、破大案、講野有頭有路、次次佢同ViVi嗌交都好好笑、又做埋晒d好攪笑既野，例如丘到條褲上心口扮腳長，真係俾佢笑鬼屎呀！可惜唔係Happy Ending... ... >.< 莫探員... ... 不過你咪話喎，黃子華�鉥刐w神探入面靚仔左喎！

@唔該我想要陽光@

22/8 [Sunday]
Sabi心靈雞精句：“ 有待修整的草地，待清理的窗戶和待修理的排水溝， 那表示我有個家！”

Lunch K + 睇樓
本來約1130am，10點幾小彬打比我話改1145am，因為美儀AlanKit都會遲到。好在我無特登較Alarm，小彬晨運咁早就起身，wahaha佢次次都係咁。我又白痴左，落錯車... ...因為係搭以前返中學架車，架車去到返學果個站就自動走去落車！落左車之後，想繼續行，之後先諗 >>> 我去邊呀?! 去返學?!?!?!?!?! WAHAHAHA~~~ 10個好笑呀！唯有再搭多一次車。唱完K之後過維園等Karen Chuck，我地去左好Grand既 <嘉亨灣> 睇樓！我好鍾意果度呀，不過交通唔係咁方便。 可能 <嘉亨灣> 同我個名一樣有個 "嘉" 字，特別有感覺。

KuBi
去完睇樓，就過左去太古城，去Log-on，門口就見到KuBi！即買！咁岩有$50Coupon，用左黎買KuBi，俾多$5就得啦！不過今次就無基仔既親筆簽名魯，唔緊要啦，上年買Volume 1都有基仔既簽名版！今次買Volume2無簽名都唔打緊啦！返到屋企叫埋媽咪一齊開封，驚喜呀！見到入面有激大KuBi貼紙！KuBi其實都出左T-Shirt，有幾款，見過基仔著過、另外仲有電話繩、環保購物袋、貼紙等等，9月仲會出KuBi Cushion！好想帶晒佢地返屋企呀！Wahaha... ... 呀！你唔知Who is KuBi嗎?!?!?! 喔！KuBi 就係 Ku Kui Kei 同 Sabi 既Baby！由於KuBi父母都很可愛，因此得出可愛名字叫KuBi！

Last Friday同阿Dad去苗鍾徑既相
行既時候會見到Ocean Park同埋入面既Cable Cars！離遠見到d Cable Cars好似好多細菌係度好整齊飛飛下咁，好好笑。
Click入 & Choose "Mills & Chung Path" 就係架啦！

21/8 [Saturday]
Sabi心靈雞精句：“ What is most valuable is not what you have in your life, but who you have in your life！”

銅鑼灣遊蕩
又係Karen Chuck個妹攪到我地無得游水！最後就係銅鑼灣係咁行，又見到人彈鋼琴，Dinner既時候又想食呢間又想食果間，最後無奈地去左元綠度食。點知見到個白痴仔... ... 記住佢係一個男仔。坐我隔離再隔離，我地都唔係坐Order�^，所以對住會有塊鏡。食食下無端端聽到果個人同佢個fd(都係boy)講: "ｅ！咁樣可以自己同自己映相喎！"　然後自己對住塊鏡係度笑，好似真係映相咁，但係又唔係真係有相機映喎，呢個定格動作維持左起碼15至20秒，佢似映證件相多d lor。差唔多食完，佢望住某個男然後又問佢個fd: "我靚d定係佢靚d？" 我心諗，無野麻你... ... 好奇心駒使下，我繼續聽佢地講乜，不過都唔係我特登聽喎，佢地講得大聲咋喎！知道左，原來係講緊頭髮隻色邊個靚ｄ... ... 真係頂佢唔順。食緊途中，我仲見到佢兩個lor左又唔食，放返上條Line度！SHIT！乜咁既人都有架？！

Kida Garden
食完元綠，就繼續遊盪，在CitySuper見到Kida Garden！估唔到我一見到就大叫 "Kida Garden"！可惜無豆腐味，唯有買Banana + Cheese Cookies，差唔多去俾錢既時候見到有楊支甘露！即刻買楊支甘露，唔食Kida Garden。行左去睇香水，試完又無買，哈哈哈，好似好衰咁，但係覺得自己有10個香！Wahahaa... 行去搭車既時候，見到個女仔好似Yumiko，我同Karen Chuck講 : "喂，果個係唔係Yumiko呀?" 佢既回答係: "e?! 係喎，你唔講我都唔望佢添呀！" 無呀，周街望，見到個女仔做乜白得黎咁鬼濛瀧，咁先望多兩野，睇睇下又好熟口面，不過，真係唔係特登望佢都唔會認得出係佢。

20/8 [Friday]
Sabi心靈雞精句：“ 在你嘗試了解其他人和盼望其他人明白你之前，先把你自己變成一個更好的人和了解你自己！”

GiGi's Show
Night同Anna去睇Drama，GiGi個傻婆岩晒做呢d咁鬼八婆既角色，真係煩到你呢想即刻話唔識佢呀！另一方面又好羨慕，如果我唔係去左果度讀書，我諗我都同佢一齊做緊Drama魯，就係因為走左去讀書就無左好多機會... 好在既係，仲有跳舞，有時又有Show添，呢樣係佢地羨慕我，哈哈。大家咁話啦，有得必有失。今次睇，係有由兩個唔同單位演出兩個獨立既故事。無GiGi果個故仔係講3個Firemen，個故事本身有d悶、無重點、帶唔到主題、每個actors既character係有，但梗係覺得有d問題，但係又講唔出有咩唔妥、導演 & 編劇做得唔係咁好，成套戲都幾 "笠羅"，好多場其實可以唔要，有點拖時間既感覺。攪笑既係，我見到唔知阿關定係阿張著左3條褲lor，完全唔知佢想點lor，係做做下戲穿崩俾我見到lor，想笑爆我乎? 最後佢3個玩除衫... ... 唔該修修身先好唔好... ... 個人又跳d肉又跳咁，真係好好笑 >>> 笑爆左！GiGi果套就無乜野，平安過度，係一套比較典型既Drama，係就係無乜Surprise，但係整體都算Okay喎！

簡單美
早兩日出街，去到一個巴士站，有d師奶大叔等車，另外就有幾個後生仔。果時我好肯定得我一個人過馬路過行去個Bus Stop等車，行到過去，我企左係個站既背後。企定左之後，聽到其中一個後生仔講: "岩岩行過係一個典型既香港靚女，著得簡單得黎靚。" ^0^ 爆開心！果日我就係著住同秋Shopping時買既白色衫。因為佢地見唔到我其實在佢地塊板後面，佢地仲有繼續講，不過我都開心到咩都聽唔到！哇哈哈哈~~~ 無耐，其中一個轉個頭望去後面見到我，即同佢d fds講: "喂，原來仲係度。" 即刻扮無野聽唔到啦我！點知我地原來等緊同一部巴士，單層果隻，我企無坐，咁岩佢地坐正我附近，一眼就望到，嘩！驚sssssssssssssssssssssss呀！望乜唧！但係又好開心喎！變態... ...

18/8 [Wednesday]
Sabi心靈雞精句：“ 人生最大的敵人是自己，人生最可佩服是精進！”

真係好d喎今日
知道點解前幾日我會咁啦，Period呀... ... 無啦無架啦！Wahahahaa... 覺得自己好白痴呀！

悶、 熱、焗

做左一件正義既事
睇到一d人好唔客觀地俾意見、玩針對，阿X & 阿Y 只不過係做返自己，其他人就一味話佢地做得差差差、有意見又唔係俾由衷既意見、一味就只係識得人生攻擊 。睇左幾日，終於睇唔過眼魯... 哈哈~~ 真係唔明阿X & 阿Y 做錯左d乜會野黎一堆咁既言語，我信有唔少人都會有睇果個 Forum，我諗阿X & 阿Y 自己都會睇返，佢地兩個係咁俾人話，又唔可以駁咀，相信駁都只會用假名。哈哈~ 我都係用假名留言，邊有咁蠢用真名！希望阿X & 阿Y 繼續努力，支持你地，唔好俾d 閒言閒語令到自己唔開心！加油！岩岩睇到有人 Reply我既留言，話我係果間公司入面既人喎、又話我係阿X個Fd幫阿X講說話、又話我係阿X本人自己留言... ... 好在有人心水清，睇到我留言既時間係阿X做緊野既時間，一定唔可以留到言，所以唔會係阿X留既。而我既唔係阿X & 阿Y既朋友，亦都唔識佢地，只係路過，睇唔過眼，想 抱不平！ 咁我又唔會介意佢地既Reply，我寫得出黎就預左有唔同既人會Reply。認同我既意見又好、唔認同我既意見都好，只係想講我想講既野，係睇唔過眼佢地咁針對阿X & 阿Y。呢個Forum入面針對阿X & 阿Y既人實左唔少，唔理佢地係唔係善男信女，只可講句，佢地所講既說話都係好幼稚、好難聽、只管鬧人、唔會有同理心。哈哈... 繼續睇下d人點Reply先，越睇越覺得好笑，笑佢地膚淺。董生，我終於知道咩叫 "膚淺" 啦！諗下好唔好一次過先Reply晒佢地咁多個，定係連Reply佢地既Reply都費事呢... ... 個個都係 "牛皮燈籠" >>> 點極都唔明！善哉！善哉！

17/8 [Tuesday]
Sabi心靈雞精句：“ It only takes a few seconds to hurt people you love, and it can take years to heal！”

呢幾日都好易發脾氣
唉... ... 做乜失常... 唔通真係為左咁小既事? 唔似自己喎... 就連在家都好易發脾氣... 旭一d唔妥就發作... 唉哎... 我唔想咁呀~~ 如果真係為左一件有關同朋友既事而又係一件咁小既事，細到其實無乜野值得一提既事，都可以令到自己呢幾日咁易發火，咁朋友對我黎講比我想像中更重要... ... 到底咩事呀Wasabi，你無野呀麻！七月節鬼上身定係痴左線呀！快d用雙筷子夾住中指先！醒呀！醒呀！醒呀！夠啦！夠啦！夠啦！回魂呀！回魂呀！回魂呀！連我自己都知道呢幾日自己好難頂，Mum呢排有時都頂我唔順，我睇得出Mum見到我咁易發火都會唔高興，攪到好憎自己點解會咁。我估朋友對我黎講真係好重要，如果唔係我都唔會為左咁小既事有咁反常既反應 after 朋友咁。I was hurt, but I'm hurting other now! Being hurt is not easy to take with, so I understand I should stop my bad temper. 尋晚同朋友講，本來無乜野，但係越講就越歐起已平息既怒氣！越講就越唔開心。。。But，anyway，講完就算架啦，唔會再提，之前同朋友傾過既都可能係d意氣說話，發緊脾氣咩都講得出，我諗係自己問題，唔關人事，係自己無端端發神經。如果Person知道，可能都會比佢笑返我轉頭魯。

警告: 正能量 Index 已經下降左啦喂，要 RELAX，要 HAPPY，要加油呀Wasabi！仲有大約2 Weeks Holiday咋，要好好珍惜。 Cheers x N！！！

16/8 [Monday]
Sabi心靈雞精句：“ Do not marry a person that you know that you can live with; only marry someone that you cannot live without！”

Go to 秋's new home
秋入伙之後都未去過佢新屋，3點幾4點就去秋屋企。秋帶我行左陣，睇下個新到乜都無既商場，再去睇下咩都要俾錢先可以enjoy既會所。買左西餅上秋屋企。Print完野我地一齊出左尖咀Shopping，7點秋要返普通話，秋走後自己一個繼續行，買左幾件衫！好開心，有兩件白色、有一件螢火綠，3件都只係用左5X幾蚊咋！行過Simply Bread入去見到個好Cute既麵包，真係唔買唔得！總共買左差唔多40蚊麵包... ... 乜麵包都可以咁貴既... ...

晴天娃娃公仔麵包，願夏天不要下雨
頭 = 奶皇; 下面 = 芝士

與秋巴士談話
秋話佢有3個fds同時在11月結婚 = 破產！哈哈哈！心諗咁早結婚? 原來佢話佢果3個fds都大過我地有27歲左右喎，咁都差唔多啦。跟住又講到有無拍拖既野，哈，估唔到秋話想拍拖，但係未遇到，亦唔強求。我都係咁話，唔強求，尤其我唔多時間在HK，有都等於無、如果在果邊有，畢業之後咁又點? 唔走留喎果度定係叫埋佢過HK? 讀書跳舞已經花唔少時間，唔想再花時間拍拖，拍拖既野好煩，我知道自己比較難頂，唔想害人，哈哈哈。至少都要等大學畢業先至諗呢個問題！其實在果邊都有人話鍾意我架，哇哈哈！我要保護證人，所以唔會講係邊個，我好有口德架！

15/8 [Sunday]
Sabi心靈雞精句：“ 能找到最遠的那個停車位，因為那表示我還能走路，且還有幸能有輛車！”

海下村 + 西貢灣仔
People involved: Lok、Simon、Person、Me、Karen Chuck、Yobie、美儀、小彬、Alan、Kit、心痛、熊貓、 "老手" 、北極P、紫、Kit、Eileen~ 以上人名當中由心痛開始到尾我都唔識架，wahahahaha~~ 去到西貢巴士總站，係咁逐個打電話俾佢地(From Karen Chuk to Kit) 睇下佢地到齊未~ 點知個個(除左Yobie之外)個個都未見人，無野呀麻... ...話晒都係自己叫黎，如果遲左就唔好啦，我攪就話jei。其實今次去既人都唔係個個識~ 首先我識Lok、Simon & Peron (1)，我地係以前拍野既時候識，兩年啦，兩年無見啦！今日見到佢地既時候，真係好想攬一攬佢地！Karen Chuck & Yobie (2) 我地一齊0係 Bank of China Tower做Temp識。美儀、小彬、Alan、Kit (3) 就係我既中學同學。其他 (4) 既係Lok、Simon & Person既朋友。其中1, 2, 3, 4都唔識大家，哈哈哈~~~

無麵包 + 行
入到去海下村之後，我地就去其中一間野度食左少少野。我又無乜胃口就叫左個腿旦治，竟然個人同我地講話無麵包喎！ 無野呀！~.~ 叫左另外一d野係咁e食算魯。開始出發，沿途都有d境既，不過就唔多同埋唔夠我上次行麥埋浩徑咁正！今次行既路線短，好快就到，半個鐘左右，但係條路都算窄。有見到2個海灘，但係一個會有海膽偷襲、另外一個又唔知點先可以落到去。當我地去到目的地(一個Camp Site)，有jar人岩岩拾好晒野準備走，佢地尋晚應該�鄎蚾V左晚。話明係Camp Site個地方好大好大好平好平！有dBBQ爐、有個京亭... 阿Lok佢地有人竟然帶左飛碟黎玩！咁大個女呢次係我第一次玩飛碟... 估唔到有咁多人分享我既第一次，Wahaha~~~ 最後我地過左個涼亭玩左個好益智既Game >>> Killer！Total我地有17個人，有16個人玩Killer，果個小彬唔知乜鬼上身自己一個人走左去玩飛碟！係一個人，自己同自己玩... ... 眼見佢一個人，大力一飛，然後走去拾返再飛過... ... 驚ssss！之前有叫佢玩Killer架，不過，佢又話唔玩喎！無耐，阿Lok話: "嘩！佢做乜一個人係度跑步呀?" 16個人一齊望過去，即場大笑啦，嘩，真係估佢唔到喎！笑屎我啦喂，唔好咁啦！繼一個人飛碟之後，又一傑作，一個人跑步！十個好笑哇！ ^0^ 當小彬跑步完畢歸回之後，梗係叫埋佢一齊玩Killer啦，怕佢又會做出d驚人行為呀！點知，佢一玩就做Killer！果真係一個變態殺手！哇哈哈！我呀，等左好耐好耐，好彩到最後一鋪抽中做Police！仲俾我估中邊個係Killer添呀！幾叻叻呀。一開眼梗係講出邊個係Killer啦，因為我係Police！！最後由衷講左句: "好開心呀，我終於有角色啦，好開心呀，仲有對白添呀，哈哈哈！"

西貢食海鮮
美儀、小彬、Alan & Kit 都唔知係咪Fds黎架，一句唔講就走左，氣憤呀！果個Karen Chuck仲話: "下?! 你d fd 黎架?" 之前Miss左Kit個Call後來知道佢打黎係想同我講話走先。過多陣，小彬打黎話走先喎，架車會直出彩虹喎。果時係有10個Depressed架，唔係講少 >0< 不過，都過左去啦，算啦。 其他人都齊集之後，我同Yobie & Karen Chuck3個一齊去一間叫 "中泰XXX" 食2人海鮮套餐 。一路食一路傾計一路笑，3個人食2人套餐都真係飽喎，不過就無上次我同屋企人去果間 "全記" 咁好食。"中泰" d野唔新鮮、無鮮味、唔鮮甜、炒蜆太Salty、干燒e麵無乜味... ... 食完之後，玩自拍，好攪笑，Karen Chuck似隻雞泡魚。Dinner之後過左McDonald食Ice-Cream，Chocolate Sundae正！

Simon、Person、Me & Lok

14/8 [Saturday]
Sabi心靈雞精句：“ 有陰影陪伴我的勞動， 那表示我在明亮的陽光下！”

大清水Beach : Swimming + 野餐
超開心喎！又去同陽光玩遊戲啦喂！哈哈~ 大清水都Okay既，不過到呢家我都係鍾情於鹹田、大浪西 & 石澳！d沙都算幼既，但係幼得黎又唔夠佢地幼、仲有d石仔呀貝類呀咁，好吉腳、痛sssssssss！有Daddy & Uncle既陪同下，今日小女子游出浮台！開心開心好開心！自從小學定中學既時候(耐到我都唔記得魯！)出過一次之後，都無出到咁遠魯。當然，小女係有用野幫先可以游到出浮台啦！呵呵呵... ... ^0^ 出到去.... 我仲做左d野... 哈... 無人知！0殊！游返去之後食野，但係飲左d已變質既豆漿lor... ... 仲要係我已經飲左大半杯先至知lor... ... 食完野再出去游多個鐘就走魯，出左官塘既菩提林素食食齋。嘩~ d齋做得超真喎！又有沙薑雞腳、又有牛肉炒唔知咩豆、又有火腿津白、海深津白... ... 嘩~ 我唔食牛肉甘麻，不過，Daddy叫我試下呢d，一食... 嘩！驚sssssssss！似到震！想嘔返出黎！要係咁不斷諗住 "佢係齋！佢係齋！佢係齋！" 咁先好d咋！返到屋企照鏡見到自己塊面又紅左，wahahaha！沖涼既時候見到個身幾parts都唔同色就好開心！沖完涼出黎同阿Dad講話見到個身有太陽晒過果d印就覺得好開心，阿Day竟然話我 "變態"... ...WAHAHA！

再次表演5隻腳指分開既絕技
尋晚Dinner向堂妹表演5隻腳指分開晒既絕技，點知佢兩個都係話好核特喎！哈哈哈哈~~~ 我都唔見得有幾核特！好開心喎！

13/8 [Friday]
Sabi心靈雞精句：“ 這個世界並不在乎你的自尊，只在乎你做出來的成績，然後再去強調你的感受！”

Collateral
早場睇Collateral！兩個男主角講既野都有Point(除左講粗口之外)、無我想像中咁激、a bit slow pace、激得一場、Vincent (Tom Cruise) 最後既下場預左會係咁所以無乜驚喜、最Impressed既係Max (Jamie Foxx)為左被迫要配合Vincent而變得勇敢！ However, it's a kind of movie like talking more than exciting actions. 所以，你睇之前唔好咁大期望會好似 Matrix or Mission Impossible 果類戲。Instead, you may find that it's time for you to review or rethink your life as well as what you really wanna do and need in your whole life! 仲有，我好鍾意Max (Jamie Foxx)張Post Card，係一個好靚既地方，馬爾代夫，又係Sunny & Beach 既渡假好去處。Max 想做既，唔係我所估既咁，我開頭估佢係想 save a huge amount of money to spend a relaxing holiday there at Maldives，但係原來Max係想儲筆錢在果邊做生意，要旅客有一個好好享受既holiday使佢地唔想落車。同時，Vincent (Tom Cruise)講左d野令到 Max 略有所悟！我呢家發覺Tom Cruise仲型仔過Divid Backham！成套戲既Story within 24hrs，有d覺得好似睇緊24咁！雖然Tom Cruise型爆，不過，佢在套戲好粗魯，成日講粗口，d人又笑喎(我指睇緊戲果d人)，都唔明有咩咁好笑lor，笑人句句都有粗口，定係笑自己講既時候原來都係咁無聊，咁樣衰，識講粗口威d咩? 白痴咋！唉。。。可能其他人會覺得無乜野，但係我硬係覺得好硬耳、唔鍾意人粗魯、好憎人講粗口！好在係做戲，雖然Tom Cruise真人可能都會講，但係起碼我未聽過，所以，Tom Cruise係極品！哈哈哈。。。哈哈。。

尋晚Dinner見到好多Cousins！
^0^ 玩緊既時候，同佢地映在d相！尋晚一去到，都未行到去張Table度，起碼離開張Table有7呎，就俾成班細路協持左去Toilet！但係一入到去，個個入晒�萛箵邟縑I唔理我啦又！>0< 變得勁快！食完飯，同佢地玩左個Game，當我地要諗中左Boom之後要罰既時候，罰咩好呢? 我真係諗唔到！同小朋友玩唔係同朋友玩，唔可以亂黎！諗唔到．．．靜左！好在佢地好快就諗到，包你諗唔到係咩... ... 包括 ~~ 1. 講故事 ~~ 2. 唱歌 ~~ 3. 跳舞... ... 同小朋友玩真係好開心！哈！ 今晚都會過去同佢地Dinner，好似話有海鮮食。
Click入 & Choose "Kids ^0^" 就係架啦！

10/8 [Tuesday]
Sabi心靈雞精句：“ 我愛大自然！”

麥埋浩徑 (其中一段: From 北潭拗 To 西灣亭) Hiking + 大浪西Swimming
Last Sunday (8Aug) 同Mum & Dad 8點9左右出門口，10點鐘在北潭拗出發> 赤徑> 大浪西村> 鹹田(又係正海灘)> 上山落山(唔知咩山)> 大浪西(正海灘 ~~ 到左大浪西逗留左一段時間，大概個零鐘左右 = 換衫游水 + 沖洗走人)> 3點幾左右離開大浪西，繼續上路> 差唔行多9個字至1個鐘，就到西灣亭> 搭$15街車落西貢McDonald(Terminal)！全程(都有十幾公里)大概用左6個鐘(including swimming but not including taking any transportation)，我地已經算行得快，途中只去食過豆腐花，停過幾次飲下水咁(無坐)。本來想游耐d，但係因為我地都係第一次去，唔知走果段路要幾長，所以唔可以游咁耐，可惜！可惜！你知唔知呀，果度d沙又幼又細、海水清到見底！十個正！游閒暢泳！簡直可以同泰國既海灘媲美呀！雖然行到成隻野咁，但依然興奮喎，連續行山3、4個鐘都唔識Tired！好叻呀！^0^ 因為我知道大浪西係一個超正既海灘，學王子華話齋 "有目標"！ 哈哈哈！但係如果下次要去既話，最好由西灣亭出發去大浪西，就無咁遠，但係都唔近！我地咁既方向去會經過鹹田，又係正海灘，都有少少想�鄋G度游，不過，始終一心想去大浪西。好在無在鹹田游，因為如果在鹹田游完先行果個唔知咩山，咁就苦過弟弟喇！最辛苦係呢段！急上急斜，簡直似萬里長城... ... 過左就係大浪西。大浪西之後既路就無咁辛苦，係無咁辛苦，唔係唔辛苦！希望下一次可以去浪茄，好似話段路都唔易行，呢個灘都係一個好正既海灘，好想去！

熱！晒！覺得自己好叻！
你知唔知呀！又晒又熱喎！但係見到咁靚既風景成個人醒晒！一落車，仲未開始行山既時間就見到19隻牛！何其壯觀！好似�鄎袢奶琱h咁！入麥理浩徑既後，途中見到好多Spidman好多好多好大隻既蜘蛛，仲有唔少Bees。外國人又有、日本人都有、香港人就更然之有啦！有d仲跑既添呀！最唔好彩既係，俾大黑蟻咬左啖！痛到我大叫先知有野咬！真係俾佢嚇親！好在My Dad用行山支野幫我殺左佢，如果唔係仲咬緊，痛到我唔識反應喎！好在無乜事，可以繼續行。後來有分刀叉路，行左一條比較難行又有水又有石又有青台既路！無驚無險行過左，不段再行就見到好多沙，但係個海灘 (鹹田) 仲有好遠路先到。到左鹹田，環境實左勁靚，超優美！映左幾張相之後就上果個唔知咩山，佢真係一個山！... ... 又急上又急斜咁... ... 之後就落到大浪西。一路行，我真係覺得自己好似毅行者！^0^ 不過，毅行者真係一至二日之內跑足全程，唔夠體力都真係唔好Join~~！

西貢食海鮮
離開大浪西就行上西灣亭，亦都係最後目的地。搭返街車(車程都有半個鐘左右)出西貢就食McDonald！本來我只係想飲波羅特飲架咋，But Mum wanna sit，hahahaha！咁所以就食埋野啦，我仲換左個Drink彩盃！今朝7點幾食左個包之後就無食過野，Lunch都無食，真係行山都行到飽晒魯！不過就勁飲水！出到西貢先知原來我好耐都無入西貢魯！勁多狗喎！都係有人養既就，但隻隻都係大大大大大狗lor~~~ 另外，打電話叫Brother join 我地Dinner在全記食海鮮，佢地規模勁大喎！成條街都係佢既！食左: 芝士焗龍蝦、花蟹、算頭豆士炒蜆、粉絲唔知咩整帶子、油爆龍躉！不過，龍躉唔好食，同上次食差好遠，今次都唔新鮮既，一食就知係雪藏！>.< 之後，Brother去滿記買芒果班Kick & 榴槤班Kick！不過都只係Okay好食咋喎，Mum & Brother 兩個都係食榴槤 >>> 一個字 臭！

可以太Tired，發左個好恐怖既惡夢！驚sssssssssssssssssssssssssssssssss！
Click入 & Choose "MacLehose Trail" 就係架啦！

9/8 [Monday]
今日一次過補返Photos Taking & Lamma Island既Diary

做Model好好玩
藍田某處映相映到人都癲！我咁大個女都未試過一日連映成千幾張相！好開心呀！簡直表演一樣，無計啦，我係Professional Model黎甘麻！呵呵呵！下就兩點幾Anna、丸丸(who takes photos for us) & 我就去到藍田某處映相！我地唔知果度係邊度，基本上係唔會有人入去，因為周圍都有鐵絲網圍住！我地都係由個小口入去咋，但係入面就好靚！可能我鍾意Green啦，入面成個地方都係樹樹草草花花咁！好開心架入到去！就�鄋G度都映左成 708 張相啦我同Anna兩個！之後上左丸丸屋企抖，途中我地經過McDonald，我地3個每人一杯Sprite Pineapple Punch(好似叫波羅特飲)，^3^ 舒服晒~~~ 好飲到震呀！呢個係夏天必備！上到去，我地睇晒果 708 張相！之後丸丸就幫我地燒返隻碟！YEAH！雖然今日果度係好熱，又晒又熱，但係可以咁開心咁映左咁多相，真係好開心！難得有個fd鍾意映人多過映景，呵呵呵！不過，如果下次都係去呢d地方，一定要帶蚊怕水，大大話話都有廿幾三十粒蚊"難"~ 做咩喎~~ 你地d蚊呀！咬到我成腳係~~ 呢家係唔係好有成就感�魽I今次我忍你地！下次你地就知！ >.<
Click入 & Choose "Green" 就係架啦！

7點左右會GiGi at 杏花村新城繼續做Model
呢場就得GiGi同我，Anna有事走先。GiGi一見到我就話: "嘩！你個博頭晒到紅晒啦！" 哈哈~~~ 好晒今朝~~~ 丸丸繼續帶路，去到一個唔知咩地方入面，唔... 似似地Studio不過又其實唔係好似，我諗睇相都可以厄到人掛。呢場我映無咁多魯，可能晒左成日，有d累，唔識做表情，就襯丸丸幫GiGi映獨照時，我就走左去灘左一陣，唔得啦，So Tired！灘左陣，補充體力繼續映！呢度映左大概都有700張左右，映完之後先去食野咋！全日食左個Tuna包之後都無食野喎，我都唔記得左！食完一間之後，我地都唔係好夠，再去KFC食，哈哈哈！仲有呀！仲有呀！GiGi同我玩左個 "小天使噴水池"！SO SURPRISED！兩邊都有一個小天使，我地一隻手拖住個小天使，另一隻手拖住對方，然後個噴水池又有彩燈又有音樂！嘩！好感動呀成件事！我毛管都棟晒呀！係因為好正所以先毛管棟！之後睇返，原來我地咁樣拖住，我地就得到天使既祝福！多謝！ ^0^
Click入 & Choose "Crazy" 就係架啦！

Thank You 丸丸幫我地今日映相！ 謝謝！

南丫島兩日一夜:Fredrick，Iris，Anna & I
勁趕！1點船，我1點先到碼頭落車，係咁跑過去，之後見有兩個入口: 榕樹灣、索罟灣！即打電話比Anna問係邊個入，因為我叫佢地如果可以入既就入先，如果我趕唔到就搭下一班船，好在趕得切上船！上到船再打電話睇下佢地坐邊，最後我地都團聚啦！好快就到左，我地到左首先周圍睇下今晚可以食乜，行到2點左右，我地就去lor屋。入到去，放低晒所有野、換泳衣、出發去海灘！途中我地去食豆腐花，亞婆豆腐花超正！10個好味！又滑、又厚、又大碗、又夠晒薑甜！正正正！都只不過係$6蚊雞咋！我地4個就咁抱住個肚行去雄勝爺灣。Fredrick竟然話怕晒，要搵個無太陽既地方放蓆... ... 無奈... 一個男仔竟然怕晒怕成咁，佢仲話唔記得帶Mask黎... ... 你咪咁啦... 隔離有人走喎，咁佢地就比埋佢地果兩張蓆我地添呀！買一張變3張！勁呀！之後，Iris、Anna & 我就走出去游水喇！點知，個灘Dirty到爆，好唔開心lor！我覺得自己好似0係坑渠游水lor、同d垃圾一齊游水lor、從未如此核突過lor... ... 游游下我地上返去映左幾張相然後周圍行下，海灘過少少就有個種野既地方，入面都幾靚，仲話有Tea食。之後就行返去搵Fredrick，4個人3張蓆放埋一齊，4個人 >>> 灘晒係度 >>> 夠晒啦！最後，6點返屋沖涼。
7點幾，丸丸打黎話會搭730船入黎Join我地。等埋丸丸，我地就出去食Dinner，但係首先食咖哩魚蛋！好味到震呀！又大粒，又多汁！唔記得個間餐廳叫咩名魯，不過，入面可以叫埋隔離間印尼餐廳既野食，所以，叫左個印尼薄餅，but a little bit spicy。Dinner之後，我地去左另外一間食甜品！細細間咁，裝修簡單，我叫左個香蕉船，嘩！又正、又靚！佢仲有好多Drinks架！之後行到去士多買零食 : Jumbo熱浪(至愛)、Jumbo卡樂B、蝦片、黑白配... ... 返到屋，嘆冷氣，食薯片... 發達lor！

有刺客
話說我地一入屋個個除鞋，之後，當Fredrick行開就有屍體殘支在腳下，大家都估唔到係乜，以為有隻野被Fredrick踩段左隻腳然後跑走左。3秒都無，Fredrick大叫:"嘩！有隻野係我度走出黎呀！" 大家見到係一隻好鬼核突既蜘蛛！隻蜘蛛係間屋度走左大半個圈，Iris、Anna & I 在床上又跳又叫 >> 諗返好白痴好好笑！Fredrick又自己一個在Sofa果邊大叫喎~ 成屋得丸丸快手快腳用鞋掟屎隻野！如果丸丸無黎，我地幾個都唔知點算。隻蜘蛛好樣衰，梗係覺得佢有毒，見到佢重驚過見鬼呀！驚魂未定，睇左陣電視都仲係毛管棟！尤其係Fredrick，好在隻野爬返出黎，如果爬上佢身，都唔知點算！

唔想咁早返屋企
去左天后搵Venus食Lunch，又係食！哈.. 哈哈... 呢間野叫 "Wood Inn Cafe" >>> 食左個意粉 + 一個細Pizza！傾左陣計，Plan下之後可能有咩節目咁，快d攪啦，好想玩呀！原來之前佢去過Stanley，果度有間Beach Club，$120蚊French BBQ Dinner，聽佢講到好似好正咁，好想去試下！

7/8 [Saturday]
Sabi心靈雞精句：“ 有各樣對政府不滿的抱怨， 因為那表示我們有言論自由！”

大美篤Cycling
拾緊相既時候姑姐打黎叫我去大美篤Cycling喎！梗係拿拿聲話去啦！I like Cycling！一去到，見到8歲個表妹，佢一見我就her her聲跑去我度，之後見到佢個妹，得2、3歲左右咋！好得意架！我見到佢，然後mou低d等佢一眼就可以見到我，於是，佢一見到我就飛奔過黎攬住我啦！超Lum呀！咁耐無見，估唔到佢仲記得我！又難得唔驚喎！哈哈哈！去大美篤踩我都係第一次，原來都好好view架喎！一條大直路，等我可以風持電制，哈哈哈！踩完之後，阿八話想BBQ！咁岩原來果度有BBQ site！嘩，好開心呀！一日可以玩晒咁多樣我都想玩既！最失察既係唔記得帶DC！真係... ... 最細個既表妹超可愛！燒完野食之後，搭到去大埔中心我就轉車回家魯，佢地就繼續坐到去火車站。在大埔中心我又去左McDonald買波羅特飲！正晒！

上次Photos Taking 同去南丫島既Diary容許我用多少少時間整理，最主要係d相未得！好快架啦！等等！好快就會有得睇架啦！^0^

1/8 [Sunday]
Sabi心靈雞精句：“ 我鍾意~~ 日日同陽光玩遊戲！~~~ ^0^”

八一閱兵
較左Alarm起身睇堂本綱做既 "5C班新人王" ，點知做閱兵喎！開頭以為播少少，點知原來係現場直播，早知訓多陣... ~.~ 但係睇睇下又好似幾好睇咁喎，成幾大隊人係咁操，齊到咩咁喎又，仲有佢地d腳好攪笑，直到乜咁。之後有直昇機，估唔到飛左上天都仲可以咁鬼齊，齊到呢~~~ 離遠睇仲以為係Cable Car！勁！佢地好多腰間都濕晒架，熱到咁呀！你話佢地幾辛苦，操出黎果d都話有得旭下，無咁悶，有d就咁企�鄎蛂A太陽就成個照明彈咁對住佢地，最正既都莫過於坐係直昇機上面既人啦！點坐都得，�鄐W面，跟本無人見到！哈哈哈！見到佢地我又諗起排長啦！呵呵呵！

水清沙幼、環境優美 === 石澳
12點幾，Mum突然間話不如去海灘晒太陽！唔洗諗就梗係去石澳啦！想去左好耐架啦！又約唔到人去喎！一唔係話唔鍾意Swim就係話怕晒又話怕黑咁，頂瓜瓜啦！本來上個Week同Fd去，不過落雨~~ 陰公無得去！難得今日Mum話去喎！我梗係跟！唔通就咁呆坐家中呀?暑假黎架大佬，你唔係要我無街去呀麻，咁就真係頂瓜瓜喇！1個鐘頭車就到左啦！不過... 好多人... ... 多人到嘔！Mum晒太陽，我就一個人走左出去游。嘩~ 個海靚到呀！藍色架d水！ 不過... ... 好多人~~~ 游唔係幾倒呀~~~ 周圍都有人~~~ 我游幾步又要被人喎~~~ 又有d屎0靚仔玩野喎，之後再走出少少先好d咋。但係，就咁游，大大話話都可能游左成個鐘魯！上岸後、晒乾、換衫走人！Mum無游水呀，佢唔識游架，好怕去游水，所以次次去Swim有Mum既話，就一定會有人睇住d野！呵呵呵... 叫左Mum出去玩下水啦，Mum返黎之後我問Mum出到幾深水，點知佢同我講話去到膝頭哥水都唔知有無！把鬼~ 把鬼~ 把鬼~ Mum講左d好笑野我聽~~ 因為我地旁邊有兩個西人，我出左去游水果陣，其中有一個西人放屁！哇哈哈..哈哈...哈哈哈... Mum話不過唔係好大聲，細細聲 "Fu~~~" 咁(高音)！仲話個西人自己都笑自己呀！哈哈..哈哈哈..哈哈...哎呀~ Miss左添！如果我�鄎蚺@定笑爆咀！

游完水 >>> 身痕
今次游水好叻呀我！個頭頂d頭髮無濕到架！嘻嘻.. 嘻..嘻嘻嘻嘻... 晒黑左少少啦我諗，不過頭先沖涼都見到條狠。快面就紅紅地啦，靚晒！但係個咀唇呢家都仲係好似好乾咁，仲好似漲漲地咁！哈哈~~~ 熱到發漲 >> 熱漲冷縮！等緊車回家既時候，周身痕呀~ 可能海水Dirty、又可能敏感，不過次次游完都係咁，除左�鉈鶧窵憭臙N會好少係咁。如果平日去就會少人d，咁就好啦！下次要平日去先得！拾車時仲見到爸爸個fd，Uncle對上一次見過我既時候，我只有5歲！如果唔係Mum叫Uncle我都唔知原來係識！哈哈哈~~~ 以前，Dad會帶我地出去同佢d朋友玩，有d佢地都結左婚，咁我地呢d細路仔就會一齊玩。Uncle話唔認得我，梗係！以前係一個黃毛丫頭，呢家係黃花閨女喎！哈哈哈！