30/12 [Tuesday]
Sabi心靈雞精句：“請熱愛生命。”
唔識講
我想問, 夠未呢? 03年已經係第4個, 希望04年唔好再係咁！
26/12 [Friday]
Sabi心靈雞精句：“聖誕特備節目~Boxing Day。”
同Karen勁食
首先要多謝Karen送我Christmas Present!今日我地一出到去就食雪糕,全港得一間架咋,呵呵呵~~佢地d雪糕好得意架!有豆腐味,有飯味,有咖哩味,有紫蕊番薯味,又有薰衣草同日本酒味...我就食左個豆腐飯,哈哈,飯雪糕真係有D飯咁架,好特別得意~我係睇一個E-mail知道有呢間雪糕屋,咁岩Karen之前又去過,所以佢帶我去,如果唔係我係唔識去架,哈哈~~~行左陣就去大撻地食正野,又行多陣差唔多要返屋企時又食多次雪糕~~之前我地在Amiralty Center,United Center,Pacific Place行黎行去搵Toilet...個個Toilet都迫爆人,搵左成9個字先有個Toilet少人d...但係,個個Male Toilet都無乜人...真係好有衝動走入去!今日無乜點買野,不過,坐叮叮時,我地見到對男女,點解我地咁留意咁地呢,只因個女手上有My Lovly Big Size Baby Mickey Mouse!後來,Karen帶左我去一間MireBell,佢話入面有個靚仔喎~~~都幾啦,係幾高既又~入左去之後,d sale勁同我地講野,之後俾佢地個Supervisor大大聲咁話:"喂,你地3個專心d呀下!"好好笑,即係話佢地唔做野~~再行多陣就走魯,Karen送到我過馬路就分道回家~我等緊車時見到叮叮個對男女行去我附近等車,即係有Baby Mickey Mouse個對,因為我認得佢地,哈哈,同埋個男既件衫好Sharp係黃色既!Karen返到屋企之後打俾我,話佢見到0個對男女行過去我0個邊等車~~哈哈,真係岩,又會咁既~真係首尾呼應!今日可以同Karen行街街,好開心!
25/12 [Thursday]
Sabi心靈雞精句：“聖誕特備節目~聖誕節。”
兩個大鄉里去唱K
Last Monday同April去唱K，兩個人，勁唱~~好開心！我地扮Twins，哈哈~~唱風箏與風0個陣，我忍唔到笑，唱唱下係咁笑~仲有一首就係叫~你講你愛我~~都好好笑，真係唱得好鬼爽~~不過，我地都好耐無去過唱K，都好似大鄉里出省咁。。。唔識用個Remote Control哈哈~~ April仲攪笑，未唱就想俾錢先~
好耐無見GiGi
Thank you GiGi送我一個Mickey Mouse Wooden Coin Bank! 食到軟殼蟹手捲啦，仲一次食兩個，正!想食好耐啦，終於可以去食!食完我地就行街街，不過，有好多人~~好迫~~~迫屎人~~~呢幾日出街都有好多人，簡直唔洗旭都行到，係俾人推0個隻，攪到都唔想買野，哈哈~~我地去左行MongKok有個新商場，行行下我地都覺得點解呢度咁似旺中，仲一路行一路講，點知，原來，呢兩個商場係連埋一齊。。。 。。。又一次大鄉里。。。哈哈哈~~~
15/12 [Monday]
Sabi心靈雞精句：“人之所以能，是因為相信能。~~~ 維吉爾”
多謝Esther！
今日Econ堂完左之後，Esther送左個McDonald’s Calendar 俾我，好特別，都幾得意，仲有我地既相添架！收到0個陣，真心講﹕真係有感動既感覺。多謝晒！講起Econ堂，今日派左Test2，開心既係高分過Test1，不過，都係未如理想。就係因為有了這個進步，我會再努力d溫Econ然後去考好d個Final Exam！哎，聽日都有Statistics Quiz添，要快d讀先得，哈！
演出成功
講真13號個Show就無14號，即尋晚，咁好啦~首先，13號個場好騎哩，樓底又矮，跳一跳舉高手都撞頂。。。地下又滑，跳得唔放，所以覺得跳得唔係咁好~~14號個日就完全唔同啦！雖然0個日我不在狀態，朋友仔見到我都問﹕「嘩！Sabi，你唔舒服啊？面青口唇白咁既？」自己都唔係好知，不過，Rehersal陣使都無乜力。但係一到OnShow一刻見到咁有氣氛，又有唔少觀眾，又有d朋友仔黎睇，內心呢團火又再次燃燒啦，哈哈哈。。。跳得都好好啊，上身咁！自己都估唔到！超超讚我啊！！哈哈哈！不過，超超都唔弱喎，事因佢lor左當晚Singing Contest既季軍~~完Show之後我地就去左食野，哈哈！超超請晒！鬼咩，有獎金，梗比我地班嘩鬼屈啦，哈哈哈！多謝超超！係啊，超超比賽唱基仔既歌，d人話佢把聲似基仔，唔，聽聽下都唔係咁似，此終都係基仔好d，哈哈哈！基仔，基仔，基仔！放假前仲有一個Show on 18/12，呢日我地會連續跳兩首快歌，到時水準都要咁好！
小女 & Sabi發癲~~~
因為第二個節目就出我地，所以跳完之後我地就可以返入去睇比賽。我同小女仲坐最右面第一行，我地坐晒，哈哈，因為無人坐。之後我地一路睇比賽，一路講笑，真係好好笑，人地唱幾耐我地就講幾耐，我地仲lor埋朱古力出黎食，跟住仲要比老細發現，佢就梗係變樣發笑啦，我地咪扮無野lor，哈！真係把鬼~~但係一到d好好聽既參賽者或者係其他表演嘉賓唱歌，我同小女都可以話暫時停一停，靜一靜。小女睇大眼仔唱歌就發癲。。。我就無乜返應，哈哈。。。可憐既係佢對住我發癲。。。但係一到強強唱歌時，就輪到我發癲，哈！雖然係第一次睇佢同聽佢唱歌，但係我都好鬼陶醉、好鬼冧冧，哇哈哈！之前見過佢既海報，未真係見過佢，尋晚終於有機會見到。強強除左係尋晚既表演嘉賓，仲係評判之一。強強唱唱下，終於發現我地默默咁支持緊佢，仲行前向住我地唱！嘩~~救命啊~~你要記得我地係坐第一行，當時幾近呢你話！真係冧到暈，佢仲唔只一次係咁，真係殺死人。我心諗﹕你唔好再黎啦。。我頂唔順啦。。簡直有窒息既感覺。。。開頭其實都無乜野，不過，我係俾佢在台上既表現Attract！所以，台上表演者想要Attract Audience一定要投入，故，我次次表演都會好投入、好High咁跳好每一隻舞架！強強唱左兩首歌，一快一慢，快歌有型有格，慢歌過晒電最冧冧！
7/12 [Saturday]
Sabi心靈雞精句：“食碗紅豆湯丸，好運圍住你黎轉。”
好多小朋友！^_^
表演場地就係「理工大學新體育館(Macau)」，不過，就唔知係咩Function。成個場都係小朋友同佢地既家長，仲有好多好多氫氣球添啊~~~好多都飛晒上天花板，哈哈！！仲有啊~~~我被小朋友偷襲啊！！ 佢用Pringle薯片個蓋當飛碟咁飛。。。就係我好入神咁睇緊其他小朋友玩緊既時候。。。一野就飛左個蓋過黎，嚇鬼死我，個時都唔知係乜，又唔知係邊個添啊~~哈哈哈~~之後見有個小朋友走黎拾返個野再飛過，先知係乜同係邊個小朋友。。。我諗佢都係無心既~~佢拾個陣都幾唔好意思，哈哈哈哈哈！！！個度仲整左個好大既吹氣樂園，即係要除鞋入去玩，可以玩到痴晒線咁個d呢~~ 嘩！見到佢地玩得咁開心我都想玩埋一份！彈黎彈去都唔會痛，都唔知幾好玩啊！
今次真係「孤單芭蕾」
今日個Show因為其他人都有事出唔到，得我一個，另外一個就唱歌。。。雖然台上係有兩個人，不過，主要跳既都係得我一個，因為唱歌個人話佢跳唔到咁多，所以同個歌名一樣係「孤單芭蕾」哈哈！跳到最後，出事啦！撞倒大家，哈哈！
Shopping
之後我地就去左Shopping，好耐都無出過去行街啦。。。買左少少野啦，都唔係好多，有沖涼液、香包、襪襪。。。無買衫啊，睇唔岩，不如返香港先買，哈哈！見到有細光纖X’mas Tree，都幾靚架，其實都幾有興趣買，可以當禮物送俾朋友麻~~不過，今日就無買，遲下都會出去，都係諗下買唔買先。有機會走出黎，飲飲食食就梗係唔少得啦，見到有鮮搾苦瓜汁賣，我就要左杯奇異果+苦瓜！唔。。。唔怪之得Leo成日都話苦瓜汁好嗅。。。哈哈哈哈！！