28/12 [Friday]
Sabi心靈雞精句：“你可唔可以唔好不斷地傷害我? 乜好難咩?”
排新舞
在無食野既情況下跳舞2個幾鐘, 都跳到喎, 無手軟腳軟!! 去到個個自己做熱身, 因為陣間一開始就跳架啦, 阿Sir唔會好似之前咁帶熱身, 要自己做~ 唔... 呢班我係新人黎架, 個個都好似勁人咁, 我要努力d先~ 呢班就係之前提過Miss搵我去跳果班既其中一班, 好似講到有好多班咁... 都好既, 鍾意跳舞到發癲呀我!! 今晚教左1/8首歌左右, 唔係好多, 但係就已經有好多動作動作動作, 估唔到咁少時間我都記得晒喎~ 希望下次去唔好唔記得啦~ 鍾意跳呢種BoomBoom聲既舞!!! 未知呢首係咩歌, 肯定唔係Canton Pop, 好似黑人音樂, 節奏分明而快, BoomBoom聲, 正!!! 不過跳完落堂既時候好頭痛, 呢家都仲痛緊~ 可能無食野... 走果時好似好強壯咁, 著住短就衫走, 過左馬路之後, 見到撞車... 唔... 唔食野嚕, 都唔餓... 無胃口掛... 好頭痛, 好頭痛, 好頭痛...
25/12 [Tuesday]
Sabi心靈雞精句：“開心既時候就要盡情!”
Ice skating + 周圍映相 + Dinner@TST + Play@Toys"R"us
8個月無踩冰啦, 今日去玩要溫習一陣先行出去! 如果唔係好易跌! 不過, 有幾次都差d比人剷跌呀! 不過好在馬步夠穩咋, haahahaa~ 如果唔係都比人剷跌呀! 哈哈~ 開始玩時, 無開晒成個場喎, 所以玩開果邊既冰好花, 唔係幾好玩~ 尾個半個鍾左右就先開埋另外果邊, 果邊既冰好好流呀! 即刻流過去!!! 嘩~ 正好多呀!!!! 不過, 玩多兩玩, d冰又唔靚嚕, 花晒嚕~ 但係右腳下邊瘀左... =_=" 不過, 今日都玩得okay開心~ 因為可以流冰lor~ 打後成日就係咁映相, 都映左幾多相~ 靚架!!! ^-^ 呀! 係喎, 流完冰見到Jolin(蔡依琳)呀! 哈~ 都幾近架我地個位!!! 哈, 無啦啦又比我地見到明星~ 尋日EO2, 今日Jolin! 哈!
24/12 [Thursday]
Sabi心靈雞精句：“Contingency plan is more important than any plan which is well-planed!”
投名狀 + EO2 + Bowling + Presentssssss for kids + Dinner
@投名狀: 睇完之後個腦出現左幾隻字... "d男人諗乜架!!!!" 可能係我睇唔明啦~ 男人既世界, 女人唔會明; 女人既世界, 男人都唔會明~ 同埋, 做大事乜真係需要犧牲人命? 算啦, 哈, 都係做戲姐~ 不過, 金誠武好靚仔!!!!!!
@EO2: 好開心呀, 見到EO2呀!!! 睇埋到佢地現場又唱又跳 "舞林群英"!!!!! 正呀!!!! "Break it! Spin it! 不低估 你的存在 無須緊張際遇轉機要靜待 西裝白領 請鬆開領呔無礙 來高舉雙手起舞 潚灑就會自在 Break it! Spin it! 請拋出 你的能耐 南派北派舞動輕功太厲害 Break it! Spin it! 不擔心 太多無奈 來艱辛緊守方向爭取直到現在" WOOOOOOOOOOOOOOOOO!!!!! 鍾意Otto!!!
@Bowling: 有全中呀, whahahahha~
@Presentssssss for kids: 行左4個鍾左右, 行黎行去, 哈~ 好累... 但係買左好多, 簡既時候好懊惱, 但係買野既時候都幾開心~ 返家既時候都幾重, 買左都幾多!!!
@Dinner: 9點幾先食, 行左好耐, 都幾累~ 不過, 叫野食既時候, 好攪笑~ 話說我食鐵板餐Bon食蓄茄焗豬扒飯, waiter問我個扒餐: "要薯菜, 意粉 or 飯?" Sabi: "意粉" waiter: "要咩汁?" Sabi: "黑淑" Sabi問Bon: "你要咩汁?" Bon同waiter: "唔好理佢..." Sabi: "..." ????? 你地睇完明唔明發生緊咩事? kakakaka!!!
20/12 [Thursday]
Sabi心靈雞精句：“原來這句歌詞真是很對的~ "你太重要使我淚亦落得多!"”
20Dec2007: 今日發生既野我會記住
我又low亂左兩個堂妹既生日~ =_="
20/12 [Thursday]
Sabi心靈雞精句：“What if you were the only survivor in the city!"”
I AM LEGENT : 好睇!!! 睇到我好驚~~!!
9/12 [Sunday]
Sabi心靈雞精句：“真人不露相, 露相非真人!”
Jazz
嘻... 今日Miss教我做個動作, 之後讚我手型幾靚, 哈哈哈~ ^0^ 開心開心開心!!!! 一定要記好d舞步先得!!!!
Buffet at Newton Hotel (HK)
今次真係要多謝Rachel做攪手啦!!! 15個人, 哈哈, 大家都食得好開心呀! 唔講唔知, 原來Rachel在電影公司做, 劉德華金誠武李連傑果套投名狀就係佢公司~ 話有咩concert飛可以搵佢呀, 哈哈哈~ 希望再有下次呢d gathering la, hahahahaha
8/12 [Saturday]
Sabi心靈雞精句：“今次好敗家, 下次我會再努力d!”
Last class
今日係呢期Modern dance既last class啦, 訓左個晏教先去, 如果唔係會眼訓到爆~ 呀, 尋晚發夢線左落地, 但係我落地果陣做左個好靚好直好順既一字碼出黎, 哈哈~ 好好笑~ 跟住頭先上堂, 落一字碼果時都okay順暢, 估唔到~ 跳晒成首歌嚕, 不過, 原來Miss話另外有d班跳唔到呢隻舞, 要改喎, 哈哈, 我地呢班真係叻! hehe... Kitty話留意到我跳舞d姿勢好靚, 嘻嘻~ 多謝呀!! ^^ 停3個星期之後, 星期六晚又開始dance返! 下次星期六既dance就會去左另外一班嚕, 就係搵我過檔果班~ 唔知有咩唔同呢~ 1月先知道嚕!
快d比相我啦^^
星期一果晚wedding night, 有邊個有我既相呀, 快d send比我啦, 哈哈, 好想睇返果日個d相~ 果日由朝到晚呀真係! 我地呢d做姊妹既, 7點半就到左新娘家, 前一晚其實在新娘家都攪到11,12點先走~ 係呀, 講d開心野比你地知先, 話說Yumi(姊妹)叫左幫新娘化妝果個化妝師化妝, Sara(姊妹)黎到見到Yumi同我之後就話: "e你兩個同一個人化架, d手法好似喎!!"~ 我聽到之後好開心, 因為我個妝, 係我自己化的, 呵呵呵呵呵呵~!!!!!! ^0^
講返先, 果日好開心好好玩呀, 朝早一咋人一咋車, 浩浩蕩蕩咁, 唔計拍野架車, 好似有8架呀, 之後又去左映相咁, 下午就同兄弟姊妹食lunch~ 食lunch果陣, 因為我記得有個兄弟叫 "陳豪" 之後我咪問下班兄弟邊個叫 "陳豪" lor~ (因為其實所有兄弟姊妹入面, 真係識既只有Yetta & Yumi, 同埋一個兄弟係以前表演跳舞識既, 不過, 我已經唔記得佢個名, hahaha, 其他都唔識嚕, 哈哈) 之後, 其中一個兄弟叫坐隔離table既 "陳豪", 仲話: "喂, 陳豪, 廖碧兒(指我)話想識你呀" 救命...=_=" 哈哈哈哈~ 同埋, 在花車上, 同兩個兄弟同車, 其中一個係咁講笑野, 笑死我... 哈哈~ 去到會場大家都要幫手做準備, 兄弟姊妹合作合作, 食食下野途中, 都要幫手架, 係咪好忙呢, 哈哈~ 好好玩, 不過, 就好累, 一返到我地個房既時候我就除左對高掙鞋... 真係痛到我死... 由朝到晚著左成日... 痛到爆炸... 走果時好在有兄弟車, 同埋行去停車場既時候, 已經除鞋赤腳行, 我真係頂對腳唔順, 10個痛... 痛左幾日... 對腳好似唔係自己咁, 條腰都痛痛地, 哈哈~ 好在都係痛幾日, 如果唔係點跳舞呢~ ^^ 所以我都覺得好surprise點解今日可以落到一字碼! 哈哈~