31/1 [Thu]
呀~~~尋晚我又發夢呀!!!
我夢見周杰倫, 阿Jay呀!!!
嘩~~~開心死我!!
你知嗎! 我去佢屋企呀!!
阿Jay仲彈琴俾我聽tim呀!
嘩~~~~~~ ~~~~ ~~~~~~~
又係超超超超超超超開心呀真係!
唔!… 今晚我都係要早0的訓
早0的發夢, 個都會夢長0的
30/1 [Wed]
激死我呀~~~又唔見野!
點解次次都係我唔見野架!
我放0係Refrigerator 0既Cheese不翼而飛!
可惡!
今日睇報紙話栢芝可以出院
真係好啦, 好得咁快!
仲有呀, 我聽收音機知道有槍枝案呀!
哎吔吔… 小心0的呀…
好似係0係尖沙咀定旺角呀!
不過, 我淨係知道個人搭的士去到旺角
跟住就唔係好知0魯…
呀! 仲有就係好似係開左兩槍
係呀, 我前晚發左個超超超超超超超開心0既夢呀!
我夢見LeeHom呀!
雖然, 個夢唔係好長, 但係…
總之, 超開心啦!
哈哈哈~~~哈哈哈哈哈哈~~~
呵呵呵~~~呵呵呵呵呵呵~~~
2月2號就係LeeHom演唱會
每日都至少用14個鐘去KitFit, 做Gym, 練舞, 練歌, 練樂器…
俾心機呀LeeHom!
28/1 [Mon]
唔制呀, 唔制呀!
屋企On到Line呀!
唔制呀!!!~~~~~~~
嗚嗚嗚~~~
…嗚嗚嗚~~~
歌子…你要等我呀…
嗚嗚嗚嗚嗚嗚~~~
25/1 [Fri]
歌子！誕生日 おめでとう！
好開心呀, 收到Utako0既回信呀~~~!
放心啦, 我俾得ICQ#俾你, 就梗係會Authorize你啦! ^_^
私はほどにすき歌子ね！
今朝準備換衫返學0既時候
突然有人how門, 嚇鬼死我!
原來, Mary係0黎話俾我知, 我被推薦直入大學!
Yeah! 我好開心呀!
arm arm0個個星期三有個Talk俾所有Pre-U學生
係介紹各學院, 叫我地小心選科之類
其中都有提過推薦呢件事, 仲話佢地應該已經通知左0個10%0既學生
個時, 我心諗…唉, 無tim… 要考多個試先入到U…
不過, 今日我個英文阿Sir又通知我呢個喜訊
咁就係真架啦! 哈哈… 好開心呀!
但係, 我知道即使被推薦都未必100%可以免入學試直入U
因為, 仲有Interview(9,10/3), 要過埋個Interview先至知係咪真係成功被薦
我一定要好好準備個Interview至得!
最驚係佢問到我口“艾艾”
答問題係人都識答, 但係答得好, 答得大體就唔係個個都得
突然間好似講到要去選美咁tim, 哈哈...
不過, 有左呢個咁好0既機會我一定會好好把握
I'll do my best!
無論如何, 你地都一定要支持我呀! 知道嗎!^_^
24/1 [Thu]
喂, 喂…
仲記唔記得我講過話Library條路有狗呀?
唉~~~我上次只係記得話我個Time-Table如我所願!
但係, 我唔記講, 下晝有兩日係0係Library上
仲要兩日都係放6點…
呢個時候…正好係狗狗出動0既時候…
我呢次“Die Hard”喇…
好在, 呢個係第一個星期, 唔會點教書, 所以都會早放…
但係… 難保下個禮拜我…
唉… 唔諗!唔諗!唔好諗啦~~~
越諗越驚…
Arm arm 睇完一個Homepage
個主人0係上個Sem教我Computer Literacy, 叫 Utako
Utako唔係日本人, 都係一個Chinese
不過, 呢個名係佢個Japanese老師改
哈哈… Utako好平易近人, 一0的都唔惡
有時班學生好嘈, Utako都會笑笑口咁話:
“你0地今日做乜咁多0野講0既”
0的先生例排0個句…:
“唔該你地想傾計就出去傾, 唔好左住想聽書0既同學”
我都只係聽過佢講兩次
老實講, 以我0係香港讀左咁多年書0既經驗
如果Utako係0係香港教書, 一定走夾唔“斗”(唔識寫, 哈哈)
不過, 可能教大學會好過教中小學0既
係呀! 咁arm聽日就係Utako0既生日!
如果, 我唔係咁arm今日去Utako個Homepage
我都唔知聽日就係佢生日
頭先Send左張Birthday Card, 我仲寫埋我呢個Homepage Address
可能, 你地係同一時間睇個Homepage or Diary架!
20/1 [Sun]
唉~~~聽日就要開學...
不過, 唔開學, 我又好無聊
尋日都話好0的, 去左銀行, 同百佳, 仲有郵局
呀! 仲有, 就係晒埋相喇!!
哈哈… 呢筒菲林都好耐, 11月尾到大大前日
其實, 之前0係香港我自己幫自己錄歌, 哈哈...
無錯, 好似出碟咁, 哈哈…
不過, 我就係錄落餅Cassette度
開頭只係想聽下自己把聲有無變
哈哈… 不過, 聽聽下又覺得無乜野, 都幾好聽0丫, 哈哈…
我仲0羅左過0黎聽, 哈哈…
呢幾日我日日都有聽, 0係房度開
咁我個同房都會聽到, 我特登開大聲少少
但係佢唔知係我唱, 我亦無話俾佢聽, 哈哈…
佢都有聽過Twins0既歌, 聽到前奏仲問我, 係唔係“女校男生”
我話係, 不過, 佢聽唔出係我唱
哈哈… 好好笑, 我成日0係度大笑, 不過, 佢又唔知我笑乜
仲問我係未因為就0黎要返學, 所以興奮過度
哈哈… 笑死我啦…
除左“女校男生”, 仲有“戀愛大過天”, “愛情當入樽”, “最愛演唱會”
“痛愛”, “誰來愛我”, “告解”, “吻著道歉”, “愛人”等等, 哈哈...
不過, 有一首國語歌叫 “Show your love” 蔡依林0既…
唯有係呢首歌我無大聲放, 哈…
因為, 佢一聽到肯定知唔係蔡依林唱, 哈哈…
我0的國語未有咁勁!
不過, 對於佢地0黎講, 其實, 聽唔出係我唱都不足為奇
因為, 對廣東話唔係咁熟, 就算識聽都未必分得出唱歌把聲
哈哈… 總之, 好攪笑啦, 哈哈…
Chermaine我估你依家實係0係度勁笑!
哈哈…
April你又有無係度大笑呢?
哈哈…
大家一齊笑啦, 哈哈哈哈…!!
19/1 [Sat]
喂, 尋晚你地有無聽港台頒獎呀?
有LeeHom呀! 好開心呀!
LeeHom有獎呀:
飛躍大獎男歌手金獎
全國最受歡迎中文流行歌曲獎銀獎~~~唯一
而周杰倫就有:
優秀流行歌手大獎
最有前途新人獎~~~金獎
優秀國語歌曲獎~~~金獎~~~星晴
四台聯頒卓越表現大獎銅獎
好開心, 我兩個至愛都有獎0羅!
好似聽日就有得睇, 不過, 我唔知係無線定ar視
18/1 [Fri]
Jay! Happy Birthday!
今日18號, 係周杰倫生日呀!
^_^
剪左頭髮
嘩, 佢幫我洗頭洗得好舒服呀!
洗頭加按摩個頭, 用左差唔多半個鐘
真係舒服到暈呀~~~
不過, 好騎哩, 就係坐0係度洗頭… …
原來, 佢地興坐0係度洗頭
沖水0既時候先去第二度沖
好似我地平時去Salon0個0的咁
雖然係坐0係洗頭, 不過, 都無整濕我呀!
個頭係咁俾佢舞, 我自己洗都未有咁好心機, 又舒服喎!
之後, 佢攪我耳仔, 你知啦, 耳仔好鬼敏感甘麻
初時, 好痕, 忍笑, 不過, 之後又覺得好舒服
攪到我好想訓覺, 哈哈…
嗚…不過, 我覺得好似短左好多咁
但係我睇過地下, 我0的頭髮都唔係剪左好多
唔知點解呢… 不過, 洗頭洗我咁舒服, 無計啦, 哈哈…
洗頭仲耐過剪頭髮, 哈哈…
0係香港, 都未試過洗頭洗得咁鬼正
係咁椅, 洗兩洗, 就算, 仲快過打針!
哈哈…
0的開叉無晒0魯! 好野!
你地估下我需要俾幾多錢?
洗剪吹, 咁鬼舒服, 真係無得頂!
以呢個價錢, It’s impossible in HK!!
我又覺得唔好意思啦…確實係好平…
平到震~~~
開估啦… 係15蚊(*人民幣*)
係咪估唔到呢~~, 嘻嘻…
今晚又到港台頒獎啦
等陣, 我會返房聽直播
唔洗講, 我諗周杰倫就梗係會0羅好多獎!
哈哈… 咁arm今日又係佢生日
真係喜上加喜, 恭喜恭喜
等我聽日又同你地會報會報啦!
呀, 唔知TVB幾時播呢...
17/1 [Thu]
Yeah! Enrollment好順利!
如我所願!
等我又講下今個Sem我讀D0羊野科啦~~~
中英數
Economics, Management, Research & Economics
Total有七科, 同上個Sem一樣係七科
其實Minimum 係六科, 不過, 我想讀好D有關Business0既科
所以, 有關Business0既科我都有簡
希望第日唔洗追得咁辛苦
係呀, 尋日唔記話俾你地聽, 勁歌有王力宏呀
我尋都有落去睇
嘩! LeeHom0的廣東話勁左好多呀!
LeeHom好叻呀!
我肯定, LeeHom二月二號個Concert一定好正!
^_^
不過, LeeHom瘦左
我諗到Concert0個日一定好Fit
我知道Portuguese個Grade0魯!
好啦, 等我話俾大家聽我個GPA啦!
就係3.47
嘻嘻…好開心!
今日仲有件開心野呀!
呢我之前咪話宿舍0個度, 一層Share一, 兩個電話0既
今日竟然有人上0黎裝電話
依家, 每間房都有一個電話呀!
如果, 之前要有一個電話0係房要另外收費
依家係免費架!
不過, 其實對我0黎講, 有個電話只係用0黎叫外賣
有時如果要叫外賣, 咁arm有人用電話就唔係咁方便
仲有, 食店0黎之前會打個電話0黎叫我落去0羅外賣
有時會有人blow粥, 咁人地就打唔通
咁我就要久等…無得食..., 好慘...
都唔係未試過, 哈哈…
聰日我又去珠海啦
今次係想試下0係0個度剪頭髮
不過, 我都只係修一修, 唔會剪短
其實, 如果唔係有開叉, 我都唔諗住去剪
如果佢剪得唔好, 0係新年前仲0黎得切補救arm麻
哈哈…
跟住就陪個Friend0係個度買野
最後, 講件事你地聽, 係關於尋日我坐船
無乜人搭, 我坐樓上窗口位, 隔離無人, 前面只係有個西人
後面都有人, 不過有幾多人我就唔知啦…
咁呢, 差唔多到澳門碼頭0個陣格船係咁起勢咁搖
格船未到, 個西人就走肋
我就繼續坐…繼續望出窗外面…格船就繼續起勢咁搖…
以為未泊好船, 如是者, 我就繼續坐…
再過一陣, 我覺得唔對路, 點解格船泊咁鬼耐都仲未泊好?!
仲係搖得咁鬼勁0既?!?!
跟住我就望去後面…
上層只有我一個, 落到去好在仲有一兩個人落緊船…
哈哈哈…. 哈哈哈哈… 哈哈哈哈… 哈哈哈…
哈哈哈…. 哈哈哈哈… 哈哈哈哈… 哈哈哈…
好好笑, 俾人見到就真係0於到爆
哈哈… 點解D人落船都無聲0既????!!!
哈哈哈…. 哈哈哈哈… 哈哈哈哈… 哈哈哈…
16/1 [Wed]
噢! 我到左澳門0魯
聽日就要做Course Enrollment
希望今次可以好似上次咁好彩, 簡到想讀0個0的班同時間啦
因為佢地編左時間表分批俾學生去做On-line Enrollment
上次我就係十點幾Enroll, 今次就要成兩點九先有
所以, 真係驚俾人簡晒
頭先Check左Exam Result
如我所料, 中文係最差0個科
只有C+...唉~~~
真係慘...
我睇番個Mark Rang, C+係68-72分, Grade Point係2.3
算!
好左其他科考得都唔錯, 個GPA有幸可以拉番高
不過, 仲有Portuguese未知個Grade
所以GPA都未係最準, 下次至話你聽啦!
15/1 [Tue]
Wasabi係巨蟹座, 等我八下先
好運月份：6月
衰運月份：1月
幸運數字：2
開運顏色：綠色
吉利日子：星期一
幸運寶石：珍珠
有利地點：家中
好運方位：西方
貴人星座：金牛座
小人星座：人馬座
吉祥物：碎花銀包
唉~~一講到呢D野, 我就諗起Chermaine tim
哈哈, 好鬼掛住你呀Chermaine!
14/1 [Mon]
今日去左尖沙咀買野
買左D衫, 跟住去恆豐中心行左陣
差唔多走0個陣見到劉玉翠
其實, 我返0黎0個日見到阿Paul
hehehe…
之後, 入左間Shop
個老闆見我抱住0的衫, 好似好多野咁
跟住之後佢就俾左個好靚好大好大個0既紙袋俾我
真係唔好意思…
未開始睇野, 佢就俾個紙袋我
最後, 我都係無買野
之後去等Karen食Dinner
唉…等死我…
不過, 你要Present, 無計啦, 哈哈…
0係我等Karen0既時候, 我又見到另一個人
佢就係“嘩嘩嘩打到0黎”0既吳君如
君如真係好瘦, 仲瘦過我睇“愛君如夢” 0個時
唔通上鏡…真係會肥0的0既?!
同Karen傾左好多計計
好多好多計計, 傾到唔想走
好好笑, 哈哈… Karen仲話笑到頭痛
哈哈…犀利
話次次都係同我一齊時先笑到頭痛
哈哈…
不過, 笑係我強項, 哈哈…
我無笑到頭痛, 我仲犀利
哈哈哈哈哈…
12/1 [Sat]
考完晒試~~~正!
返埋屋企~~~仲正!
喂~~你地有無睇過麥兜套戲呀?
~~~~~快餐常餐特餐~~~~~
...聲音演出 : 吳君如(麥太)、黃秋生(伙記)、麥兜...
兜：唔該，我要一個常餐呀
太：常餐？常餐有咩食o架？
伙：同特餐一樣o羅
太：咁特餐o系咩黎0架？
伙：同快餐咁上o下o羅
太：咁快餐又o系咩o黎o架？
伙：o車，快餐咪o者o系午餐
太：午餐食咩o架？
伙：午餐同晚餐一樣o架
太：咁晚餐又食o的咩呀？
伙：晚餐咪即o系常餐o羅
太：咁呀，我要兩個常餐呀
伙：好o野呀，我o地今日o的常餐
伙：唔好意思，常餐賣晒o番
兜：唔，咁改要特餐呀
太：特餐？特餐有咩食o架？
伙：特餐咪即o系午餐o羅
太：午餐食乜o野o架？
伙：都o系晚餐o個o野o羅
太：咁乜o野o系晚餐呀？
伙：同快餐一樣o羅
太：咁快餐食咩o架？
伙：o系，快餐咪即o系常餐o羅
太：咁你頭先又話無常餐？
伙：o系呀，常餐o系賣晒呀，咁你試唔試o下特餐呀？
太：兩份特餐o勒
伙：唔好意思，特餐賣晒o番
兜：唔，媽媽，不如改快餐呀
太：快餐有咩o架？
伙：快餐即o系常餐
太：咁常餐有咩o架？
伙：常餐咪即o系午餐o羅
太：哎呀，咁午餐有咩食呀？
伙：午餐同晚餐一樣o架
太：咁晚餐呢？
伙：晚餐咪即o系特餐o羅
太：o車，咁你頭先又話無特餐？
伙：o系呀，特餐o系賣晒呀，咁你試唔試o個快餐呀？一樣o架o者
太：咁兩份快餐啦
伙：唔好意思，無快餐呀
太：離唔離譜o的呀，咁你o地究竟有o的咩餐呀？
伙：午餐呀，午餐好o野呀
太：點好o野法呀？
伙：同晚餐一樣咁好o野
太：咁晚餐又點好o野法呀？
伙：同常餐一樣咁好o野o羅
太：咁常餐又點好o野法呀？
伙：常餐？常餐一早賣晒啦，你話好唔好o野呀？
太：好o勒好o勒，要兩份午餐啦
伙：唔好意思，午餐賣晒，試唔試o下我o地個晚餐呀？一樣o架o者
太：日光日白食乜鬼o野晚餐呀？
伙：唉……個名叫晚餐o者，其實咪即o系午餐
太：好o勒好o勒，怕o左你o勒，要兩份晚餐o勒，快o的手呀
伙：想快？想快就要快餐o勒
(拍台)
4/1 [Fri]
今日星期五, 終於可以鬆一鬆啦...
不過, 沖完涼之後我都會溫習
下個禮拜有4科呀!~~~未掂過呀~~~
唉, 呢次糟糕~~~真係有0的怯tim
呢次考試, 無乜心機溫習, 又唔專心
專心0個陣又讀唔入腦
都唔知做乜~~~
成日都同自己講, 好快考完, 好快考完, 考完就可以返屋企...
唔好理咁多, 係咁讀, 係咁讀, 係咁讀~
讀得好攰都會走出去行下
3/1 [Thu]
哎呀~~~
1月1號都無去update tim...
^_^ Happy New Year ^_^
1月1號0個晚, 我有聽903直播"叱o宅樂壇流行榜頒獎典禮"
我鬼感動, 個個講0的野都有文有路
好有意思, 令人反思
有耳非文講野好攪笑
話全香港只有903播佢0既歌, 話903識貨
最後又話佢依家仲未有唱片公司簽佢, 快0的搵人救佢
講得最有意思0既, 莫過於以下0呢句:
有耳非文: 我知道我唔會唱得好紅, 但係我都想一世唱歌俾大家聽
我覺得有耳非文好偉大!
佢邊喊邊用力咁用唔正0既廣東話講
其實仲有好多人講0既野都好好聽, 好有意思, 好感人
無論男女歌手, 好多都有喊
喊得最多, 都應該係Twins
佢地得到3個獎
1月5號, 即係呢個星期六, 就會0係無線播
到時我諗我都會睇, 不過, 唔知會唔會Cut好多呢
0個晚佢由8點幾開始Non-stop咁播到差唔多11點
不過, 都可以去903個Site度聽返
周杰倫都好勁呀!
其中, 開不了口獲票最多
會展內, 每場區都平均得到4百幾票
得到"叱o宅樂壇我最喜愛的歌曲大獎"
周杰倫得到的3個獎項包括有:
叱o宅樂壇生力軍男歌手金獎: 周杰倫
叱o宅樂壇唱作人大獎銀獎: 周杰倫
叱o宅樂壇我最喜愛的歌曲大獎: 開不了口
講個祕密你地聽0丫...
我聽到佢地得獎講野時都偷偷地淚眼汪汪
哈哈, 有一個獎, 阿林海峰講講下野, 講左千樺個名出0黎
全場嘩然!
以為千樺得到0個個獎
我直頭戥佢開心到喊, 梗係啦, 0個個獎係
"叱o宅樂壇女歌手金獎"
(銀獎同銅獎分別係Kelly & Joey)
後來, 原來係唔係千樺, 而係鄭秀文
不過, 唔緊要啦, 仲有其他頒獎典禮!
千樺下年都會再0羅!
^_^