Sabi心靈雞精句：“種花時, 莫想要種出瓜來！”

演出成功!
尋晚個Dance都幾好喎, 下就係咁練, 唔好都變好啦, 我地都好耐無旭過, 點知, 練練下個個頂唔順, 訓左成個幾鐘頭, 哈哈, 好攪笑~ 我仲聽到有人打鼻寒, 係邊個就唔好講啦, 哈哈, 我只係知道我比佢d鼻寒聲嘈醒左0者~ 講返表演先啦, 個老闆, 司儀私低下走過黎我地度讚我地呀! 係就係門面功夫不可少, 但係, 比人讚喎~ 努力之後比人讚喎, 幾開心至得架! 其實, 我著左對唔係咁岩我既鞋, 跳到腳指公痛到爆炸, 練時都好痛架, 不過, 表演時都無感覺魯, 但係呢, 跳完開心完之後就... ... 尋晚最唔好既係, 在場就有班臭飛好多口~

Honey Honey 甜品屋
表演之後好想食甜品, 又唔知去邊食喎, 後來光仔就話去皇朝啦! 我心諗, 係喎, 0個度會多d選擇, 咁岩去到就見到食甜品! 嘩! 好靚呀! 上次澳門墟都有見到佢檔野, 原來係呢度~ 呢家識去啦! 食既係雪糕, 一杯普通既$22, 我諗在香港唔止呢個價, 上次同Karen在灣仔 & 銅鑼灣掃雪糕, 杯杯都過$22啦, 對不對! 都Okay啦, 算係咁架啦, 哈哈~ 我要求唔係好高架咋~不過, 值得一提既, 就係佢既裝修好得! 好得我呀!! 鐘意食雪糕既你, 記得叫我帶你去啦喂!

Strawberry Ice Cream
我叫左既係草莓雪糕~ 內有Strawberry Ice Cream, Strawberry Jelly, Strawberry 醬 & Cream~ 嘩~ 好士多啤梨呀! 一杯對我黎講實在唔係好夠, 但係奈何人家唔比我食~! 所以, 我諗過啦, 如果下次要去, 都要0係皇朝食埋Dinner先, 再過去食, 橫掂一杯雪糕都唔夠啦, 食埋Dinner去食甜品, 正呀!

Sabi心靈雞精句：“各樣好野猴住你！”

咁又一日魯~ 配Con + 買Tickets + 百佳入貨
唔配Con都唔係好知自己左右眼有幾多度近視, 左眼有250, 右眼有400! 唔好再深啦大姐仔! 近年, 我都有發現自己多用右眼睇野, 慣左用右眼睇野, 左眼就變左"懶"眼旁觀, 哈哈哈~~~ 可能係咁, 所以右眼又深左, 左眼就無乜變~ 散光都好似無乜點變~ 不過, 好啦, 夠啦, 唔好再深啦~~ 另外, 今日都仲買到Drama學生飛, 哈哈~~ 好難得, 仲估會無呀! 我買最貴既飛既學生飛都只係$75!!! 仲要坐2nd Row!!! 勁前, 勁正!!! 5號晚就會同Esther去睇!! 好開心! 然之後就去左百佳掃貨, 唔覺唔覺咁就買左好多, 成300蚊, 破財擋災!~ 拾下間房d野之後就去左Computer Lab燒隻碟救機, 不過, 後來小彬叫我不如拿隻Win2000再整仲好喎~ 不過, 只要入面d野唔好唔見晒咁就得架啦, 勁驚呀呢家~ 雖然d野唔係d咩好重要既Data, 但係, 有好多都有用, 總之, 如果可以攪得掂, 以後都要做BackUp... ...呢家勁驚~

Dance Show
岩岩又收到Call, 叫我聽晚去跳舞魯! 嘻嘻, 好開心! 岩岩過黎咁快又有Show出~ 聽日下晝就要去Dance Room練下先, 如果唔係都唔洗指意跳到, 哈哈! 成個Holiday都係訓玩食, 無運動過, 手腳都硬晒呔咁魯, 哈哈~~~ 係喎, 聽日上去, 唔知阿健在不在呢, 問下佢識唔識攪部機都好喎!! YEAH~!

Sabi心靈雞精句：“是禍是福,全在乎你點睇！”

好在Enrollment最後都係得左!
開頭Reg等3科, 其他3科都Full晒, 無位~~ 等左一個鐘左右, Office放位, 不過, 我唔夠人快, 比人Add, 又要再等~ 毫不容易比我入左2科~ 仲有最後一科, 等左成二個鐘都都唔得~ 最後去BA Office求救, 原來都有好多人等緊~ d就等緊第另外其他科~ 開頭佢唔肯開位比我架, 不過, 好在最後都肯左, 哈哈, 好開心! 好開心! 好好彩! 多謝多謝~! 呢家班班都可以同Esther同班, 好似仲有一班同Karen一齊上添, 勁開心呀! 仲有呀, Every Monday 都係Day off添呀!

真係有得必有失~
部機屎左, 尋日一黎到用左陣就用唔鬼到, 都唔知點算好!

Sabi心靈雞精句：“平凡也是福！”

身體健康! 恭喜發財!
今日係大年初一啦! 今日無出去呀, 聽日先開始出動~ 親戚們聽日黎我地度拜年~ 諗起尋晚搭入12am, 年年都係在次所過, 哈哈~~~ 都係沖緊涼! 今日下就睇返叱吒頒獎, 係Now.Com Version! 無Cut野!無廣告! Full Version!!! 哈哈~ 正!!

Sabi心靈雞精句：“少說話, 多做事！”

Happy Birthday My Dear Brother!

今日又食又玩~
今日同佢地去玩, 好開心, 一黎就Lunch K, 之後去左McDonald! 好得意喎~ 有Staff走過黎我地度問我地食乜, 仲同我地買埋喎, 我地都唔洗去排隊, 坐係度就有得食, 哈哈!! 好好喎! New Service?! 兩個表妹走左之後, 就得返兩個堂妹同我, 之後, 我地又去左許留山食野! 我地叫左兩樣野, 坐左兩個鐘~ 由好多人坐到無乜人, 到到又好多人咁, 哈哈... 好似人地d阿伯係茶餐廳叫一杯奶茶坐成五粒鐘咁,哈哈哈~~~ 我地不繼係度講笑, 笑到KaKa聲, 真係比Yo Yo笑屎, 不繼話咩手就好緊, 好亂, 我同Kan Kan真係笑到肚都"lurn"~~ 我地又Share訓覺發夢d白痴野, 真係笑到d人都望住我地~ 之後, 我就返屋企食飯, 佢地就同佢地Mum & Dad食Dinner之後去維園~ 本來, Mum & 我Dinner之後會同Dad去維園, 不過, Mum見我好似好累咁, 因為前一晚又好夜先訓, 第日又好早起身, 又玩左好耐咁~ 所以最後都無出去魯~~ 睇電視見到咁多人, 真係唔去好過~~~ 好驚咁多人...真係會迫偏喎!

Sabi心靈雞精句：“若不明, 請多發問！”

今日節目:940am "飛鷹"+K Lunck+Shopping +一連串的驚喜! So Surprising!
飛鷹 with Kit & 小彬
楊紫瓊係我好欣賞既女打明星,又好鍾意睇佢做戲,佢打得好好睇,好型女, 好靈活敏捷! 真係好有女俠Feel喎!越來越鍾意楊紫瓊呀! 掂呀! 如果我有幸可以同楊紫瓊拍武打片,咁就好啦! 唔得啦,今日開始要練武先! 不過,睇睇下有d攪笑野發生左 >>> 有個男人睇到咁上下訓著左不特只,訓到豬叫咁聲~ger ger聲,成個場都聽到晒~~可能係早場啦, 9點8個字就開場, 但係, 要訓都返屋企先啦! 套戲咁好睇都訓成咁... 真係...我心諗,如果套戲做完佢都未醒,跟住又黎第二場, 做到咁上下佢先醒, 再睇過, 咁佢睇完出黎就好似睇左成5個鐘!哈哈哈... 好好笑~我地走時,都有繼續笑個人,笑屎我!

K Lunch+Shopping
睇完戲之後我地就去左食野,呢個時候,最好就梗係去唱K Lunch啦! 好開心呀!睇戲+ K Lunch兩樣都係平野! 仲要連續做,嘩,爽呀!正呀!唱左好多Joey既歌呀! YEAH YEAH YEAH! Shopping我就無買野啦!但係就行行下見到唔知邊度隊足球人,佢地係黎香港踢賀歲杯,不過,都係Kit話比我地知先知,哈哈! 我同小彬都唔知佢地係乜水! 在我地行去搭車途中,去左買煎壤三寶+果汁! 正! 途中我地玩急口令,哈哈~ 不過,佢兩個都唔多理我咁...係佢地唔識講! 我自己係咁講! 哈哈哈!

一連串既驚喜
1st: 係尖咀行緊既時候,我見到個人,我即刻定左格,唔識旭, 無反應! 之後就黎個擁抱先,哈哈! 阿請同我都好耐無見啦! 起碼有2年,有contact既都只係用ICQ & Email~佢之後又去左英國讀書,我又唔係香港, 所以就梗難見面! 係話今日咁樣見到面,係唔係好Surprise! 阿請係其中一個朋友在我考試最悶期間支持我架! 仲同我傾d由淺入深既問題, 都係同學科無關, 可以令我放鬆一下! 但係又未至於係無聊野喎~總之,好得啦! 哈哈!
2nd: Anna就係第二個Surprise! 我地一見到, 咩都無講, 係咁好大力咁攬實, 然後喊! 哈哈哈! 好似人地拍戲咁, 條街又多人行黎行去,我地都無理,係咁攬住哇哇哇~~ 哈哈哈, 之後諗返好好笑~ 我都估唔到見返會咁架! 可能一個真既Surprise,就會咁架啦!!! 仲見到Aaron,開頭唔知佢係邊個,以為係唔識既, 點知佢地比hint我就估到! 嘩, 乜Arron靚仔左咁多,真係估唔到... ... 次次約都約唔到出黎, 2年黎一次都無, 但係, 突然之間係街, 亳無心理準備之下撞到, 心情感受感覺都係最真的表露, 有時無反應原來都真係一個好好既反應!
3rd: 一個來電,令我感到有"幣家火"既感覺,哈哈~~ 係王Sir! 又係好耐無Contact,有就有佢電話, 不過, 你知我啦, 王Sir又係長輩,我係幾唔敢打比佢,又唔知打比佢做乜, 又怕會阻住佢做野, 所以都係無打過, 哈哈! 今晚10點左右, 收到王Sir既電話,好開心! 無諗過王Sir再會打比我,咁呢家即係話, 原來王Sir都無唔記得有我呢個學生,哈哈哈~ 超開心, 反之, 我就覺有點不好意思, 連王Sir既Email Address都唔見埋,又失蹤咁,哈哈哈! 收線之後,諗返起好多以前王Sir教過我既野,雖然王Sir咩科都無教過我,我地只係因社事而熟絡,但係佢都好肯教我,連佢自己都話其實有少少偏心於我,哈哈~個時我聽到佢咁講,真係有受寵若驚既感覺! 希望, 我走之前可以約到見下面咁! 王Sir仲話有封大利是比我添呀!!! 哈哈哈!

Sabi心靈雞精句：“請放鬆！請放鬆！金猴同你寫揮春！”

團年飯好多人
今年既團年飯就真係算係齊人魯！好多堂表弟妹，哈哈！細個d個咋堂表弟妹食完飯仲用餐巾係咁攪個人，哈哈哈！笑屎我！我就如常同兩個堂妹真係笑唔停！食飯之前我地三個一齊睇相，睇到有一張既時候我話:"e? 呢個細路幾靚仔喎！"Yo:"係喎，不過人地可能係女仔呢！"Kan:"下！你兩個唔係麻！咁都唔知係邊個??!!"Yo(lor黎睇):"哈哈哈~我知係邊個啦！哈哈哈！"我再睇... 睇左好耐都唔知係邊個，其間，佢地都勁笑我又話:"唔係麻！咁你都唔認得?!?!"之後，佢地話比我知，原來係其中一個堂細佬... ...哈哈哈哈哈~~~少見麻，嘻嘻！食完飯之後，我地又講笑，都係d無聊野，但係都好好笑喎~~最無聊既係，我地次次都張d好笑無聊白痴野重複又重複笑多幾次！哈哈... 我地一方面又話人重複同一個笑料好無聊，之後自己又係咁！個晚笑得好犀利！我地大人同細佬仔分台食，我地個邊無大人係度仲唔發晒癲咩！哇哈哈！

第二代之中，我已經唔係最高0個個魯
如果台灣0個兩個表妹無返黎，我都仲得既，不過... 哈哈哈！我見時勢不對，即刻坐低唔起身，哈哈哈，好白痴！其實都係講笑0者！佢地高過我咪好啦，咁就等佢地保護我！哈哈哈哈哈哈，其中一個仲要係黑帶！勁呀！去邊都唔驚呀！哈哈哈哈！

5個靚女
有兩個表妹0係台灣返香港，好耐都無試過5個一齊魯，都係見兩個堂妹多！我地 5個堂表姐妹就本來約左年30去Ride Bicycle，不過，大人話驚我地踩到損手爛腳咁過年就唔好喎，哈哈，所以我地就改去睇早場+唱LunchK！點知！我地想睇既戲，Brother Bear & Looney Tunes，年30未上，咁我地就只係去唱LunchK！哈哈哈！不過，都係想我地5個一齊玩0者！哈哈哈！好期待添，一定又爆笑啦！之前有個親戚叫我地去佢屋企，因為唔會有人，等我地5個嘩鬼玩轉間屋，開頭我諗住不如玩整野食，之後，諗諗下都係唔好啦，又要買野，整完又要洗返晒d野，不如出去好似好玩d喎！哈哈哈！

Sabi心靈雞精句：“新一年，Show歌里，我買你！”

叱吒頒獎

基仔
基仔叻呀！兩年啦，我地等左你兩年啦！好感動呀！我都喊在出黎呀！你既「必殺技」就係你自己本身呀！無論你去左邊度拍劇，我都會支持你架！加油，加油！基仔要努力，好多勁人同你比試架！小春誓言要寫歌，你都要增值學會有自己既作品呀！你本KuBi我買左啦，好好睇！我會等你出Volume 2架！

安仔
安仔就唱得好落力，都知咩事。我每年都會好留心聽安仔叱吒頒獎講既野，今年亦都係。安仔講野好有Point同好得睇，我好鍾意聽安仔講野，尤其當安仔得獎，激動起黎講既野特別好。安仔喊，好自然，我都會跟住，記得有一年安仔得最受歡迎男歌手，安仔一路講野一路喊，我在家都一路睇一路喊。安仔都要繼續努力！保住個位！最後，我都要多謝安仔，因為，安仔在叱吒得到男歌手唱歌之後講「多謝Wasabi！」哈哈哈。。哈哈。。。哈哈哈。哈哈哈。。。所以，我都要同安仔講聲「多謝安仔！」

Joey
Joey都好叻叻，如果唔係Joey得叱吒女歌手，我諗我都會唔開心！Joey首首歌都咁好聽，今年，仲多好多好歌，尤其係「我的驕傲」、「特別嘉賓」、「習慣失戀」、「心淡」、「出賣」等等等等。。。首首都好好聽！唱K我一定會唱，哈哈！靚聲加靚歌，Joey好難得！支持你！

克勤&梁炳
克勤&梁炳今年都叻叻，尤其係梁炳！梁炳隻意念大碟「十號」做得好好，好有心思！每首歌都係用數字為題做歌名，雖然我唔係行內人，不過，睇得出同聽得出梁炳用過心機同大有進步！至於克勤，唔洗講大家都好歡迎佢返樂壇啦！克勤既歌，已經係一個保證啦！

兩位唱作人:Jay & 軒仔
唱作人金獎~~~Jay！ VS 好有Potential既勁人~~~張敬軒！
Jay唔洗講，梗係又正又勁啦！雖然Jay無出席，但係個獎都照俾阿Jay，所以話一定無做馬啦！哈哈哈！阿Jay應得既！ 之前，唔識分張敬軒同李逸朗，不過睇過「新城勁爆」就分到魯，哈！軒仔既歌我只係識My Way~ 不過，聽過佢現場唱都真係唔錯，好有水準喎！好得喎！所以我覺得，軒軒同Jay Jay有得Fight！哈哈！兩個都係有料之人，除此之外，仲有一定既歌迷支持，唔少得既，兩個個樣都算係有d睇頭！哈哈！雖然，軒仔係新人，但係好有Potential！日後，阿Jay同軒軒，仲唔係「龍爭虎鬥」！希望，阿Jay同軒仔都可以在TVB勁歌得到好成績！

1月10號(Saturday)TVB勁歌頒獎，預祝大家都拿好成績！
Sabi既Final Exam都要拿好成績！
Yeah！ Yeah！ Yeah！ Yeah！ Yeah！