Sabi心靈雞精句：“不玩咄咄逼人，避開瘟神轉遇貴神。”

GOOD SHOW！！！
今晚我地跳得好好！又咁岩有個朋友一家人去左澳門玩，哈哈！所以，我地就一齊返香港。今次有錄低呀！就係我個朋友幫我錄，坐船0個陣都有睇，哈哈！雖然遠左少少，但係都睇到好齊，哈哈！遲下叫佢Send俾我先！！收到消息，我地又接左一個，好似係24/8，睇下到時得唔得。因為，王中要返到22/8。9月份都有好幾個Show。不過，到時要返學，要幫Sonia補習，又可能會補多一個F3，跟住仲要排舞，教舞，練舞。。。又想去孤兒院做義工，真係唔知自己d時間可唔可以分配得好！哈哈，都好貪心，乜都想去做！

搭夜船都有好多人
成11：30pm船都Full晒！哈哈，我都係後補位咋！本來我要坐12點幾船，不過，Auntie幫我「哎」0個人話：「唔該你呀，一個女仔咁夜。。。」跟住我扮左一個楚楚可憐既樣對鬼住佢，哈哈，咁就得左啦！！！差唔多到，阿爹0係巴士站接我。嘩~~~好肚餓呀返到屋企，沖完涼就即刻食野！有三文魚刺身，沙律。。。Yummi Yummi！！ ^_^ 食完都2點幾魯，之後就拾定少少野聽日去布吉！！YEAH！！YEAH！！

Sabi心靈雞精句：“凡事多節制，生活少閉翳。”

多謝Chermaine，菜菜，袁俊，Katrina，阿秋
佢地送左對I.T.既Mickey Mouse鞋俾我呀！嘻嘻！！好鍾意呀我！仲有埋另外一條鞋帶，Mickey手帶，Mickey扣針！買對鞋都送咁多野！低呀！個鞋盒同個袋都有好多個Mickey架！好靚靚！多謝多謝！呀，係喎！上次Karen都送左套Mickey Mouse碗筷俾我，哈哈，又係好靚靚，攪到都唔捨得用添，哈哈！多謝大家！

太久保 + Jusco
下午同Chermaine佢地去食日本野，哈哈！當係同我& Katrina補祝生日！我地叫左好多野食，係自助餐，不過，係落單任食0個隻。到Last Call，我地作最後沖次，叫左好多野食！哈哈！最後食唔晒，不過都唔係剩好多。食完就行左陣街，我就走先，有下場，佢地就繼續行。返左屋企沖涼先再出動，好熱呀真係。跟住就去左太古Jusco同Karen簡泳衣。但係。。。係唔岩著。。。不過，我見到套Mickey Mouse既三點色，好正，但係都好貴！哈哈！我無買呀，不過，都拎左入去試，哈哈！買唔到，最後係去左Supermarket買零食！

撞返小學同學
嘩嘩嘩~~~咁都認得！我上巴士，上左上層，佢地早過我上車坐0係下層，佢地見到我之後上黎睇真D，睇下係咪真係我，哈哈！咁都俾佢見到我既，真係好眼！好耐無見魯！佢同另外一個都係小學同學去左間日本菜度做，哈哈，下次去佢地度食。呵呵~~~正~~~~！

Sabi心靈雞精句：“多用吉時，事不宜遲。”

Ice Fire開倉低至2折！
尋日同小彬&Jar Jar去左睇，不過，我唔識去，都唔知邊間Mc記打邊間Mc記，哈哈！激死小彬，最後係小彬帶路，我梗唔會代薄佢啦！有收穫！！小彬買左兩件衫，我就買左個袋！哈哈，我地0係度係咁搵有無新既，哈哈！好Sharp，好鍾意！Jar Jar無買野，不過Jar Jar扮sale！有d野折左都仲係貴，又無乜靚衫。去完Ice Fire開倉，我地行左去黃埔。自從中學有一次0係0個度賣過旗之後都好似無去過魯，哈哈！行左陣、涼左陣冷氣之後，我地就回家去了！

28/7又去泰國啦！~~~康泰5天團 (28/7-1/8)
今次係去布吉島、哈哈島，多d陽光與海灘！~~~正！唔知今次一團有幾多人呢！哈哈！好開心呀~~~估唔到今個暑假可以去兩次旅行！都係因為Dad Dad有假期！如果唔係都唔會有呢次旅行魯！27號晚個表演如果早完成，我會即刻返香港，哈哈！不過都要睇下夜唔夜！一唔係就28號一早飛返香港！~~~~~ 呀！仲有，約左25/7Check Out(宿舍)，27/7先表演，所以有兩晚我需要向Karen借宿，哈哈！！得唔得呀Karen？益左你啦！！

Sabi心靈雞精句：“無論何時你發現自己做錯了，竭盡所能去彌補。動作要快喔！”

多謝朋友黎睇我地表演
要多謝Karen，Georgina，Hazel，Helen，Ester。。。不過，有美中不足既地方，我又甩左少少，哈哈，跳完之後佢地即刻問我﹕「Sabi，你頭先係咪甩左少少呀？」想話唔係都唔得~~~哈哈！跳跳下個腦去左雲游，發緊夢！好在係少少，同埋好在大家都跳得好好！！繼續努力！YEAH！YEAH！

27/7晚，我地又有Show出啦！
有人唱歌我地0係後面跳舞，哈哈！首歌叫「孤單芭蕾」，國語歌，開頭係慢，d音樂好似跳芭蕾舞咁，後面就快番，有d似Yumiko首歌，不過，就無Yumiko首歌咁勁。15/7返香港，又要煲熟隻舞，22號開始排，27號就要出街，其實都無乜時間排，希望可以跳好d啦！我地要努力！亦都要好好珍惜每一次既機會！！更要做到，每一次都要有進步！

Thena！
我愛你！我地個個都愛你！！！

Sabi心靈雞精句：“整潔儀容，打扮醒目，旺運持續。”

Kit~~~Happy Birthday！
生日快樂呀！

練完舞，繼續玩
練舞練到點半鐘左右，跟住個場俾人Book左要用作Singing Contest試音初賽，所以就無得繼續練。因為約左Karen，所以同跳舞d朋友留0係度打等，哈哈。。。講笑，攪攪振咁，哈哈。。。有好多參賽者。我無參加呀，其實都好想參加架，不過，又無搵到碟比賽，所以都係無。今日見到d人都好想自己有份參加，哈哈哈哈。。。

5點半左右同Karen & Georgina行街街，8點又再次出動
我又買左衫啦，哈哈！之前Pack野，Pack左好多野走左，哈哈，呢家唔夠衫著，有藉口買衫，呵呵！之後我地去左食Sushi，食完之後，Georgina走先，Karen同我再行多陣，7點左右就返宿舍魯。返去沖涼之後，又再出去，哈哈！我地澳大預科班同學一齊出去皇朝飲野，順便同Helen補祝生日，哈哈！不過，其實Helen同我同一日生日，哈哈！香港有Person，都係同我同一日生日！都有成10個人去呀！

玩到凌晨落雨先走
飲完都成11點左右，Karen話想去吉魚旦，咁我同Karen兩個人就去左食野，好在仲未收鋪。食完之後，我見仲咁精神，又唔想返去住，於是我就同Karen去番頭先飲野附近再打等！哈哈，行去途中我地仲買左腸粉去0個度食！我想食呢當腸粉好耐架啦，都未食過，今晚終於有機會試下！去到皇朝，都仲有好多人，我地去士多買Alcohol之後去左海邊坐，哈哈，我幾識嘆！！！！一路傾，一路食，一路飲。。。到咁上下，Karen以為我講野講到噴口水，哈哈，其實原來係落雨！哈哈，所以先搭的士走，如果唔係我地都會坐耐d。

俾支Alcohol攪到敏感
之前身痕，以為俾野咬，腳0個d就真係有野咬，因為見到有俾野咬既痕即。不過，個身0個d，原來唔係俾野咬，又無俾野咬既痕即，我諗係支野攪到我敏感。沖完涼之後唔痕，不過就紅紅地。下次唔好飲呢個Brand，呢家講起又有d痕添，哈哈哈哈！幣啦！~~~呢家成4點9都未訓，聽朝10點半又要練舞，都唔知係咪興奮得濟訓唔著，哈哈！不過，呢家都去訓魯！希望聽日Good Show！唔黎睇我都要精神上支持我喔！ ^_^

Sabi心靈雞精句：“香薰沐浴，戒除貪慾。”

過到Macau即刻過珠海掃貨
過到Macau返到學校條斜路。。。我又見到0個架車啦，GiGi~~~非常負責任0個個人呀，哈哈，記唔記得呀！好攪笑，返黎先同你講啦！放低左d野之後，我就狂打電話俾d朋友仔，不過，佢地個個都唔得閒陪我過去，唔係要同人補習就係要學車。。。咁所以我就一個人過去。嘩！好多人，可能今日係Happy Friday掛。我過去既目的就梗係掃零食啦！！哈哈。。。有我既地方，無野食點得呀！！買完之後就即刻過Macau魯。係珠海半路上，有個年青人向我走近，想我俾d銀兩佢買野食，我無理佢呀，因為係個度，如果其他見到你俾，其他就會好快咁飛奔去你度，又問你俾，到時一咋人，咁我咪幣！！所以，衰人都要做一次！我一路行，佢窮追不捨，不斷係我耳邊重複又重複咁講(國語)﹕「。。。我三天兩夜沒吃東西了，求求你多多少少都給我一點好嗎？。。。」我無望佢呀，係咁一直行，行到差唔多到關口，佢先肯放棄！佢無無禮，只係係咁跟住我尾，條街又多人，所以都唔會好驚。見佢都唔似係行乞，著得都唔知幾企理。不過，可能唔夠洗0者。

Sabi心靈雞精句：“來碗雞粥，心滿意足。”

今日係Sabi's既大日子！
10/7 12am屋企人就準備左個Birthday Cake！！！哈哈。。。好好食架！有好多水果，又係我鍾意既餅乾底！食左2大舊！！今朝起身都唔洗食早餐魯！哈哈！食左太多啦！！

Dinner去食日本野~~~加太賀！
同親戚去食，個個表妹都話要同我坐，哈哈，幾紅我！！！ ^_^ 都幾低食，0個度好好Feel架！入到去，成條街兩邊都係佢架！攪到好似去左日本咁！我地入房食，d裝修都好正架！唔同去元氣、元綠0個d咁商業化。食完飯之後，我地仲行左去十幾年前爺爺嫲嫲住過0個度。我細個0個陣都有0係0個度訓過，哈哈。。。因為想同d姑姐一齊玩，不過，可能太細個，有一次半夜三更喊住咁話要返屋企，最後叔公同我返屋企，呢件事都係我大個左之後先知，哈哈！不過，事過境遷，好多野都變左，有些舊有的仍然存在，可是，有些卻永不復再。行過門口，有一個只有5、6歲既表妹學我姑姐講﹕「嘩~~真係變左好多喔！」我心諗，我都唔係好知變左幾多，你點知呀！哈哈！跟住我即刻話﹕「變咩呀變，你0個陣都未出世，哈哈哈！」哈哈！跟住個表妹仲要講﹕「下？！~~~咁真係變左好多呀麻~~~」哈哈~~~我都無佢符啦，哈哈，惟有以笑對之啦！！好攪笑！

朋友的祝福
首先收到Kit既生日禮物！好唔好意思，好似好貴。。。下次唔好買咁貴既野啦！多謝晒！我好鍾意呀！係有海豚架！！！仲有朋友既E-Mail，E-Card，ICQ Message，同埋GiGi & Karen既失驚無神追暈Call，哈哈！！好開心！！遲下Chermaine話會補番Birthday Party，阿Sean又話等我返黎請我食飯，哈哈。。。不過，話時話都好耐無見過阿Sean啦，有無兩年呢？上年Summer一齊食飯佢都無出現，哈哈。。。

其實今日唔值得咁開心
起身之後，一打開電視就睇到特別新聞報導，車禍中的42人已有約半數既人係去世。見到咁，我好驚，成廿層樓咁高跌左落山，直路一條都咁。。。可能因為在旁既tall車迫左架巴士過去先會咁，都係我講0者，唔一定係，等警方調查先知。再者，山下有人話見到架巴士其實已經停定左一陣，先跌左落去。一諗到坐係入面既情況，真係好恐怖，難以想像。車上既人都好無辜，司機仲要係岩岩放完大假第一日返工。。。

Sabi心靈雞精句：“飲杯消暑茶，切戒矇查查。”

原來今日係董生66歲生日
^_^生日快樂啦董生！

好熱呀~~~
特登等太陽伯伯落山我先出去買洗Con水，我已經慢慢行，不過都攪到成身汗。。。流汗流到好似瀑布咁，哈哈。。。橫豎都成身汗，所以練左陣舞，如果唔係表演點算！！不過，屋企都係細，唔可以咁大動作，跳得唔爽！哈哈哈哈哈。。。“成人禮”就一d問題都無，不過首“神奇女俠”就。。。唉。。。勁愁。。。唔記得點跳。。。超耐無跳之過啦！！終於0係我好努力之下，只係記得七、八成。。。苦過DD。。。點算！！！都係自己偏心0係“成人禮”度。。。變左好少練“神奇女俠”，我d肌肉細胞都唔記得點旭啦！！下次過到去要好好惡補一下。。。唔可以懶！！

Sabi心靈雞精句：“別人生氣我不氣。”

興爹南Y島半日遊
第一次去咋，我仲特登著件無就衫去晒下，哈哈。。。原來南Y島都唔係好大，行山咁行，條路唔長唔短，有兩個沙灘可以游水，不過，因為我地成4點先搭船入去，入到去都4點半，所以都無慢慢行，行左個半鐘左右就到食飯0個度。沿途經過幾間豆腐花店都無食。。。見到0個間賣玻璃戎指又無入去睇。。。又見唔到Green Cottage，呢間野有豆腐蛋糕食。。。仲有見到幾間賣d好有特色既店舖，不過都係因為怕唔夠時間行，我地都無睇，就咁經過就算。屋企人好似話遲d會去南Y島玩幾日，我地順便羅左幾個租房既電話，哈哈，如果攪得成，又可以同班表妹玩lor哈哈！個沙灘都算乾淨，不過好似細左d，不過，0個度唔係好多人去，所以就算細都唔會覺得好多人。再唔係咪約人再去多次，要早d去，咁就有時間慢慢行。Yeah！Yeah！

Sabi心靈雞精句：“今天的自己創造明天的自己。”

7•1大遊行
嘩嘩嘩，勁多人呀！好壯觀！雖然今日無出過去，但係就咁坐0係度都覺得好熱。。。可想而知，出面咁多人，又咁熱，會係咩之味。。。其實，我唔係好知發生緊咩事，唔係Out既，不過，係自己對政事無興趣，哈哈！但係，佢地又反23、又反董咁，唔。。。雖然自從回歸之後，香港都唔係咁好，又有金融風暴、又有SARS，但係學阿Jar話齋，SARS又唔係Mr.董攪出黎，我諗就算邊個坐呢個位，呢d事都一樣會發生，所以可以話，唔係香港唔好彩而係董生唔好彩。再者，每次有新聞界問一般市民點解佢地想董生下台，佢地第一時間就會答「做得唔好！」記者再問「有咩做得唔好？」佢地只會答「總之做乜都做唔好！」我唔係話幫邊個，不過，我覺得咁樣一句對董生好唔公平。我唔識政事，亦無興趣知，但係我好老套，我相信「明天會更好」。另外，我會諗，俾著第二個坐呢個位，香港都會係要面對類似既事，或許會更糟！呢家咁，都算唔錯。董生都一把年紀，唔好再咁對佢，返到屋企，佢都係一位老人家。最後，你地有無發現，董先生老左好多，或者我應該話老得好快，眼袋大左好多、頭髮白左好多、連眼眉毛都白左、成個人細左個碼。。。其實，咁多人上街遊行都係想表達意見，不過，我估，政府都唔會因此而放棄立法。不過，可看到香港人既團結，如果，呢份團結用黎支持港府，相信，香港一定會好好。不如將反23條，變成反23寸腰啦！！！23寸腰好難先有呀！唔好要23寸腰啦不如！肥嘟嘟都唔知幾可愛！哈哈哈。。哈哈哈哈。。。　。。。